வெற்றிகரமான செய்திக்குறிப்புகளை எழுதுதல்

அமெரிக்கன் எக்ஸ்பிரஸ்® ஓப்பின் ஸ்மோல் பிஸ்னெஸ் நெற்வேர்க்கில் இருந்து தொகுக்கப்பட்ட உள்ளடக்கங்களில் இருந்து மாற்றி அமைக்கப்பட்டது.

ஊடகங்களில் உங்கள் நிறுவனத்தைப் பற்றிய தகவல்களைப் பகிர்ந்து கொள்வதற்கான அடிப்படை வழிகளில் ஒன்று செய்தி குறிப்புகளாகும். செய்தியறிக்கையாளர்கள், பதிப்பாசிரியர்கள் மற்றும் செய்தி தயாரிப்பாளர்கள் ஆகியோர் செய்திகளைப் பெற ஆவலுடன் இருக்கின்றனர். புதிய, வித்தியாசமான உற்பத்திப் பெருட்கள் மற்றும் நிறுவனங்கள், போக்குகள், தகவல் குறிப்புகள். பிற அபிவிருத்திகள் என்பன பற்றி அறிவதற்கு இந்த செய்தி குறிப்புகள் பயன்படுகின்றன. செய்திப்பத்திரிகைகள், சஞ்சிகைகள், அல்லது வர்த்தகப் பத்திரிகைகள் போன்றவற்றில் நீங்கள் வாசிப்பவற்றில் பெரும்பான்மையானவை, வானொலியில் கேட்பவை அல்லது தொலைக்காட்சியில் பார்ப்பவை ஆகிய அனைத்தும் செய்தி வடிவத்தில் இருந்து உருவானவையே ஆகும். துரதிர்ஷ்ட்வசமாக, ஒரு சாதாரண பதிப்பாசிரியர் ஒரு வாரத்துக்கு பல்லாயிரக் கண்ணகான செய்திகளைப் பெறுகிறார், இதில் பெரும்பான்மையானவை "கோப்பாக்க"மாத்திரம் பயன்படுத்தப்படுகின்றன. ஒரு செய்தி ஊடகவியலாளரைத் தூண்டி அதனை மக்களுக்கு தெரிவிக்க வேண்டும் என்ற உணர்வை ஏற்படுத்தும் வகையில் உருவாக்குவதே நீங்கள் எதிர்நோக்கும் சவாலாகும்.

கவனிக்கத்தக்க செய்திக்குறிப்பை உருவாக்க இந்த 10 தகவல் குறிப்புகளைப் பயன்படுத்தவும்.

செய்தியாளரின் கவனத்தை ஈர்க்கும் ஆற்றல்மிக்க தலைப்பைப் பயன்படுத்தவும்

உங்கள் செய்திகள் தனித்துவம் மிக்கதாக இருக்க தலைப்பே முக்கியமாகும். அதை சுருக்கமாகவும், திறன்மிக்கதாகவும், தெளிவாகவும் தயாரியுங்கள்; வேறு விதமாக சொல்வதானால் "ஜான் டோ விருது பெற்றுள்ளார்"என்பதற்கு பதிலாக "டோ இந்த ஆண்டின் சிறந்த மனிதர்" என்று பயன்படுத்தவும் என்பதாகும்.

மிக முக்கிய தகவல்களைத் தொடக்கத்தில் வையுங்கள்

இது இதழியலின் சோதிக்கப்பட்ட உண்மையான விதியாகும். ஒரு ஊடகவியலாளர் முதலில் இரண்டு பத்திகளிலும் அந்த செய்திக்குறிப்பு என்ன சொல்கிறது என்பதைப் புரிந்து கொள்ள வேண்டும். உண்மையில் அவர்கள் அனைத்தையும் வாசிப்பார்கள் என்பது உறுதி கிடையாது. எனவே நல்ல தகவல்களை மறைக்காதீர்கள். மேலும் முக்கியாமான "5 கேள்விகளை" கேட்க மறக்காதீர்கள் – அதாவது உங்கள் செய்திக்குறிப்பானது யார், என்ன, எப்போது, ஏன் மற்றும் எப்படி என்ற ஐந்து கேள்விகளுக்கு பதிலளிக்கிறதா என்று உறுதிப்படுத்தி கொள்ளுங்கள்.

விளம்பரம் மற்றும் உறுதியற்ற தகவல்களை வழங்குவதைத் தவிர்க்கவும்

விற்பனைக்கான விளம்பரத்தை மிகவும் எளிதாக ஒரு எழுத்தாளரால் கண்டறிந்து விட முடியும். அளவுக்கதிகமான தற்பெருமை கூற்றுகளைத் தருவதற்கு பதிலாக, உண்மையான, பயன்மிக்கத் தகவல்களை தரவும். உங்களையும் உங்கள் நிறுவனத்தையும் தனிப்படுத்தி காண்பிக்கும் முறையான வழிகளை கண்டறிந்து அவற்றை அழுத்தமாக கூறுங்கள். உங்கள் வியாபாரத்தை மேம்படுத்த, உங்கள் வியாபாரத்தைப் பற்றிய கேள்விகளுக்கு பதிலளிக்கும் விதமான செய்திக்குறிப்பை எழுதவும். பொதுவாக தகவல்களையும்,ஏன் என்று தெரிவிக்காமல் உங்கள் வியாபாரம் மிகச்சிறந்தது என்பதை மட்டும் தெரிவிக்கும் தகவல்களையும் தவிர்த்து விடுங்கள்.

சிறப்பாக, சொல்ல வேண்டிய விடயங்களை நேரடியாக சொல்லுங்கள்

உங்கள் செய்தியில் நீங்கள் எவ்வாறு ஆர்வமுடையவராக இருப்பீர்களோ அதே ஆர்வத்தை வாசகர்கள் மத்தியிலும் தூண்டும் மொழிநடையைப் பயன்படுத்துங்கள். உங்களுடைய செய்திக்குறிப்பானது சலிப்பூட்டுவதாகவும் கவர்ச்சியற்றதாகவும் இருப்பின் நீங்கள் சரியான நேர்காணும் நபரல்ல என மக்கள் நினைப்பார்கள். .

இரண்டு அல்லது அதைவிட குறைந்த பக்கங்களில் செய்திக்குறிப்பை அமையுங்கள்

முக்கிய விவரங்களைத் தரவேண்டிய அவசியம் ஏற்பட்டால் மட்டும் மூன்று பக்கங்களைப் பயன்படுத்துங்கள். வேறு நிலைகளில் உங்களால், இரு பக்கங்களில் செய்தியை குறிப்பிட முடியாவிட்டால், உங்களால் செய்தியை தெளிவாக கூற முடியவில்லை என்று பொருள்.

ஒரு தொடர்பைச் சேர்க்கவும்

செய்தியாளர் மேலும் விவரங்களை அறிந்து கொள்வதற்கும் தொடர்பு கொள்ள வேண்டிய ஒரு நபரின் தொடர்பு செய்திக்குறிப்பில் இடம் பெற்றுள்ளதா என்பதை உறுதிப்படுத்திக் கொள்ளுங்கள். இந்த நபருக்கு செய்திக்குறிப்பில் உள்ள அனைத்து செய்திகளும் தெரிந்திருக்க வேண்டும் மற்றும் அவர் கேள்விகளுக்கு பதிலளிக்க தயாராக இருக்க வேண்டும். உங்கள் நிறுவனத்தின் லெட்டர்ஹெட்டில் செய்திக்குறிப்பை வெளியிடுங்கள் – இது நம்பகமானதாகவும் ஊடகவியலாளர் உங்கள் நிறுவனத்தை அடைவதற்கான மற்றொரு வழியாகவும் இது அமையும்.

தெளிவற்ற சொற்களை அதிகம் பயன்படுத்தாதீர்கள்

நீங்கள் தொழில்நுட்ப துறையில் இருக்கும் நபர் என்றால், தொழில்நுட்ப சொற்களைப் பயன்படுத்துவதிலிருந்து தவிர்த்துக் கொள்ளுங்கள். பல ஊடகவியலாளர்கள் உங்களைப் போல உங்கள் நிறுவனத்துக்கோ அல்லது உங்கள் தொழிற்துறைக்கோ நெருங்கிய அறிமுகம் உடையவர்களாக இருக்க மாட்டார்கள். தெளிவற்ற சொற்களை விட தெளிவான ஆங்கிலம் அல்லது தமிழில் உங்கள் கட்டுரையை எளிதாக விளக்கும்.

நன்மைகளை அழுத்தமாக கூறுங்கள்

"இப்போது சொல்ல வேண்டாம், காண்பிக்க வேண்டாம்" என்ற வகையின் கீழ் இது வரும் "தனித்துவம் மிக்கது" அல்லது "மிகச்சிறந்தது"என்று குறிப்பிடுவதைத் தவிர்த்துக் கொள்ளுங்கள். அதற்கு பதிலாக எவ்வாறான நன்மைகளைப் பெறுவார்கள் என்பதை காண்பியுங்கள் – அதாவது நேர பண சேமிப்பு , எளிமை போன்றவற்றை காண்பியுங்கள்.

குறிப்பாகவும் விரிவாகவும் விளக்குங்கள்

"Six Steps to Free Publicity" -இன் பதிப்பாசிரியரான மார்சியா யுட்கின் இதனை "ஆம், ஆனால் இது என்ன?" நோய் என்று குறிப்பிடுகிறார். வாசகர் புதிய உற்பத்திப் பொருளொன்றை காணக்கூடியவராக இருத்தல் வேண்டும். அல்லது புதிய சேவை எவ்வாறு இயங்கும் என்பதையும் அறிந்து கொள்ள வேண்டும். சந்தேகமிருந்தால், உங்கள் உற்பத்திப் பொருள் அல்லது சேவைகளைப் பற்றி அதிகம் அறிந்திராத நபர் ஒருவரை வைத்து உங்கள் செய்தியை அறியப்படுத்தி நீங்கள் என்ன கூற விரும்புகிறீர்கள் என்பதை விவரியுங்கள். மிக சொற்ப விவரங்களைப் பயன்படுத்துவதை விடவும், அதிகமான விவரங்களைப் பயன்படுத்துவது நல்லது. எனவே, யுட்கின் குறிப்பிடுவது போல " ‘ஜக்சனின் புதிய புத்தகத்தில் பங்குச் சந்தை முதலீட்டாளருக்கான அறிவுரைகள் உள்ளன’ என்பதற்கு பதிலாக, ‘ஜக்சனின் புத்தகத்தில் சந்த ஆய்வுக்கான ஆறு தத்துவங்கள் விவரிக்கப்பட்டுள்ளன. இதனால் ஒரு சாதாரண முதலீட்டாளர்களரும் எளிதாக இலாபமீட்டும் பங்குகளைத் தெரிவு செய்ய முடியும்.’ என்று குறிப்பிடவும். இன்னும் சிறப்பாக வேண்டுமானால், ஏழில் இரண்டு தத்துவங்களை செய்திக்குறிப்பிலேயே விவரியுங்கள்."

பிழைத்திருத்தம்

செய்திக்குறிப்பை உருவாக்கி முடித்த பின்னர், எழுத்துப்பிழைகள் உள்ளதா என்று சரிபார்க்கவும். உங்களால் பிழைத்திருத்தங்களை சிறப்பாக செய்ய முடியாது என்று எண்ணினால், ஒரு நண்பர் அல்லது சகப் பணியாளரிடம் அதனை ஒப்படைத்து பிழைத்திருத்தம் செய்யுமாறு கூறுங்கள். உங்கள் செய்திக்குறிப்பு சலிப்புண்டாக்கக்கூடியதாக அக்கறையின்றி உருவாக்கப்பட்டதாக இருக்குமாயின் நீங்கள் மதிக்கப்பட மாட்டீர்கள்

பதிப்புரிமை © 1995-2008, அமெரிக்கன் எக்ஸ்பிரஸ் கம்பனி. அனைத்து உரிமைகளும் பாதுகாக்கப்பட்டவை.- www.v4all.org