ஈசனை ஏன் வணங்கவேண்டும் ?

ஈசனை ஏன் வணங்கவேண்டும் ?
நமச்சிவாய
சிவத்தை ஜீவனாக உணர்வோர் பாதம் பணிகிறேன்
எத்தனையோ தெய்வம், எத்தனையோ முறைகள், எத்தனையோ வழிகள் என்று சிறுவயது முதல் வழிபட்டு வந்த என்னை, எல்ல இடத்திற்கும் அலையவிட்டு, மெய்யை உணர்த்தி ஈசன் தான் முழுமுதற்கடவுள் என்றுணர்த்தி நின்னை பற்ற வைத்த நின் கருணையால் விளைந்ததே இப்பதிவு

# எம் தேவையை கேட்டு அழுது புலம்பி பெறாமல், எம் தேவையை எனக்கு முன் அறிந்து அருளும் கருணை,

# அந்த பூஜை, இந்த நேரம், அந்த வேண்டுதல் என்று எதையும் செய்யாமல் தூய அன்புடன் வணங்கினால் அகிலத்தையே அருளும் கருணை.

# அங்கு சென்று கேட்க வேண்டும், இங்கு சென்று பணியவேண்டும், என்று இல்லாமல் எங்கும் நீக்கமற நிறைத்து அருளும் கருணை.

# நான் எதை பெற்றாலும் நின் மூலம் தான் பெற்றேன் என்று தன்னை வெளிக்காடமல் அருளும் கருணை.

# நான் எங்கு சென்றாலும், எதைசெய்தாலும் என்னுடன் இருந்து காக்கும் கருணை.

# நீ பொய், நீ இல்லை என்று உன்னை விட்டு விலகிசென்றாலும் ஈர்த்து ஆண்டு அருளும் கருணை.

# உன் இடம் பெற்றதை கொண்டு தெய்வமான பலர் இருக்கு, நீ தான் மெய்தெய்வம் என்று வெளிக்காடமல் அவர்கள் மூலமாகவே அருளும் கருணை.

# ஆயிரம் மந்திரம் கூறி வணங்க வேண்டாம், “ நமசிவய “ என்று ஐந்து எழுத்து மந்திரம் மூலம் எதையும் பெறவைக்கும் கருணை.

# உற்றார் உறவினர் என்று அனைவரும் விடுசெல்லும் மயானதில்கூட இருந்து யமக்கு அருளும் கருணை.

# எவராலும் அருளமுடியாத பிறவிப்பிணி அறுத்து என்னை உன்னையாகும் மாபெரும் கருணை.

இன்னும் எதனை எத்தனையோ நின் கருணையை சொல்ல இப்பிறவி போதாது பெருமானே.

உணர்ந்ததை கூட பதியமுடியாமல் இருக்கவைக்கும் நின்கருனையுடன் திருச்சிற்றம்பலம்

அடியேன்
அங்கமுத்து குமார்