உங்கள் வியாபாரம் ஆரம்பிக்ப்பட்ட உடன் விரிவாக்குவதற்குமுன்னா் பின்பற்ற வேண்டிய விதிகள்

விரிவாக்குவதற்குமுன்னா் பின்பற்ற வேண்டிய விதிகள் சான்றிதழ் பில் ஹாலந்த் நிறுவனர், My Own Business " பெரும்பாலான தொழில் முனைவர்கள் வெற்றியடையாமைக்குக் காரணம் பொருத்தமான தொழிலை தேர்ந்தெடுக்காததே ஆகும்." Transcription பதிவு – html உங்கள் வியாபாரம் ஆரம்பிக்ப்பட்ட உடன், அதனை வளர்ப்பதில் உள்ள சவால்களை நீங்கள் எதிர்நோக்குவீர்கள். இந்த அமர்வில் விரிவாக்கத்திற்கு முன்னர் பின்பற்ற வேண்டிய சில அடிப்படை விதிகளைப் பற்றி அறிந்து கொள்வீர்கள். உங்கள் வியாபாரத்தை வளர்ப்பது பற்றி சிந்திக்கும் முன்னா், உங்கள் வளர்ச்சியைத் தொடங்கத் தேவையான ஒரு நிலையான அடித்தளத்தைக் கொண்டிருக்க வேண்டும். உங்கள் தொடக்க நடவடிக்கையில் பிழைகளைச் சரி செய்ய வேண்டும், இதில் இலாபத்தன்மையை அதிகரிப்பதும்அடங்கும். உங்கள் ஆரம்பத் தொழிலின் அனைத்து அம்சங்களிலும் நீங்கள் அனுபவம் பெற்றிருந்தால், நீங்கள் உங்கள் தொழிலிலை விரிவுபடுத்துவதற்கான நிலையில் சிறந்து விளங்கியுள்ளீர்கள் எனப் பொருள்படும். நீங்கள் ஒரு இணையத்தள ரீதியான வர்த்தகமொன்றை ஆரம்பித்தாஸ்ரீம் அல்லது ஒரு உணவகத்தை திறந்தாலும் சரி, உங்கள் வியாபாரத்தின் அனைத்து செயற்பாடுகளிலும் நீங்களே பிரத்தியேகமான முறையில் ஈடுபடுங்கள். அப்போது, சரி செய்யக்கூடிய குறைகளை விரைவில் கண்டறிய முடியும், இதனால், மாற்றங்களை விரைவாகச் செய்து, இழப்புகளைக் குறைக்க முடியும். உங்கள் வியாபாரத்தின் அனைத்து செயற்பாடுகளிலும் நீங்களே தனிப்பட்ட ரீதியில் ஈடுபட வேண்டும் என்று கூறுவதன் மற்றொரு காரணம், விரிவாக்கத் திட்டங்கள் செயல்படுத்தப்பட்ட பின்னர், நீங்கள் யாருக்கு அதிகாரங்களையும் பொறுப்புக்களையும் கையளித்தீர்களோ அவர்களிலேயே அனைத்து விடயங்களுக்கும் தங்கியிருக்க வேண்டியிருக்கும் என்பதாகும். மேலும் உங்கள் வியாபாரத்தை எவ்வாறு நிருவகிக்க வேண்டும் என்று கூறி உங்களை யாரும் ஏமாற்ற முடியாது. உங்களுக்கு அதை மேற்கொள்வதில் உங்கள் சொந்த அனுபவம் உண்டு. நீங்கள் உங்கள் வியாபாரத்தை விரிவுபடுத்திய பின்னர் , ரொக்கப் பதிவேட்டைப் பேணுபவராக நீங்கள் இருக்கமாட்டீர்கள் என்பதை மறந்து விடாதீர்கள். பணியாளர் திருட்டுத்தனம் மற்றும் சுருக்கத்தைத் (கடைத் திருட்டு) தடுப்பதற்கான தடுப்பு முறைகளை நீங்கள் தயாராக வைத்திருக்க வேண்டும். ஒரு குறிப்பிட்ட வியாபாரத்திற்குப் பொருந்தக்கூடிய இழப்பு தடுப்பு முறைகள் உங்கள் போட்டியாளர்களால் பெரும்பாலும் முன்கூட்டியே வடிவமைக்கப்பட்டிருக்கும். ஆகவே, உங்கள் தொழிற்துறையில் ஏற்கனவே உள்ள முறைமைகளைக் கண்டறிந்து அவற்றைச் நடைமுறைப்படுத்துங்கள். (நீங்கள் ஒரு கன்வீனியன்ஸ் ஸ்டோர் திறப்பதாக இருந்தால், சிறப்பாகச் செயல்படுத்தும் முறைமைகளைப் பற்றி அறிந்து கொள்ள, அதற்கு முன்னரே, 7-லெவனுக்காகப் பணிபுரியுங்கள்!) குத்தகை அல்லது கடன் வழங்குநர் கோரிக்கைகளுக்காக உங்கள் தனிப்பட்ட உத்தரவாதம் வழங்குவதைத் தவிர்க்கவும். கூடுமானவரை உங்கள் வியாபாரச் சொத்துகளை தனிப்பட்ட சொத்துகளிலிருந்து பிரித்து வையுங்கள். வங்கிகள் வியாபாரக் கடன்களுக்காக உங்கள் தனிப்பட்ட உத்தரவாதம் கேட்பது வழக்கம், இந்த பழக்கத்தின் பயனாக உங்கள் தனிப்பட்ட சொத்துகளை அவை கடனில் ஈடுபடுத்தலாம். உதாரணமாக, உங்கள் இரண்டாவது ஸ்டோருக்கு இடம் வழங்கும் சாத்தியக்கூறுள்ள ஒரு உரிமையாளர், குத்தகைக்கு தனிப்பட்ட உத்தரவாதம் வழங்கக் கேட்கலாம். ₨3,000 –க்கான ஒரு ஐந்தாண்டு குத்தகையில் ஒரு மாதத்திற்கு மொத்தமாகும் தொகை ₨180,000 –ஆக இருக்கும். இந்த தொகை உங்கள் வியாபாரத்தின் ஆரம்ப மூலதனத்தை விட மிக அதிகமாக இருக்கலாம். இருப்பினும், கூடுதலாக ஸ்டோர்களைச் சேர்ப்பதற்கான ஆசை மற்றும் ஆர்வத்தில், மிக சுமையான கடன் பொறுப்புகளுக்கு உள்ளாக்கிக் கொள்ளும் தூண்டுதலும் உருவாகும். உங்கள் கடன் பொறுப்புகளை கட்டுப்படுத்துவதில் ஒழுக்கத்தைக் காக்கும் பழக்கத்திற்கு பதிலாக, நீங்கள் ஒரு ஓராண்டு குத்தகைக்கான கால அளவு தொடா்பில் அதிக கால நீட்டிப்பு வழங்கும்படி கோரலாம். இவ்வஇவ்வாறு செய்தால் உங்கள் கடன் பொறுப்பு ₨36,000 –ஆகக் குறையும். [மேலே] ஆரம்பத் தொழில் முனைவோர், ஒரு முன் நடவடிக்கையைக் கொண்டு தொடங்குவதன் முக்கியத்துவத்தை கவனிக்காமல் தவறவிடுவதற்கான காரணங்கள் சான்றிதழ் காலெட் காஃப்மேன் உணவு வழங்கல் சேவை "அது இலாபமற்றதாக இருந்தால், நீங்களே உங்கள் மதிப்பைக் கெடுத்துக் கொள்ளாமல் இருப்பது சிறந்தது." Transcription – பதிவு html ஆரம்பத் தொழில் முனைவோர், தொழிலை விரிவாக்குவதற்கு முன்னர், ஒரு வெற்றிகரமான முன் நடவடிக்கையைக் கொண்டு தொடங்குவதன் முக்கியத்துவத்தை கவனிக்காமல் தவறவிடுவது தொடர்பில் புரிந்துகொள்ளக்கூடிய சில காரணங்கள் உள்ளன. தொழில்முனைவோர், பொதுவாக தன்னம்பிக்கை கொண்டவர்கள் ஆவர். இதில் உள்ள சிக்கல் என்னவென்றால், சில நேரங்களில் நாம் எம்மைப் பற்றியோ அல்லது எமது தயாரிப்பு அல்லது சேவைகளைப் பற்றியோ அதிக நம்பிக்கை கொண்டிருப்பதே ஆகும். இந்த திடமான நம்பிக்கை எம்மை, விரிவாக்கத்தைத் மேற்கொள்வதற்காக நிரூபிக்கப்பட்ட அடித்தளத்தைப் பெறுவது உட்பட்ட பல முக்கிய சிக்கல்கள் பற்றி நடவடிக்கை எதுவும் எடுக்காமல் விரிவாக்கத் திட்டங்களில் ஈடுபடத் தூண்டி விடும். பல வளமான தொழில்முனைவோர் தமக்கு சம்பந்தமில்லாத தொழிலில்களில் ஈடுபட்டு வெற்றியடைந்துள்ளமை திடமான நம்பிக்கைக்கு ஓர் காரணமாகும். உதாரணமாக, ஒரு வளர்ந்த தொழிலைக் கொண்டுள்ள ஒரு தொழில்முனைவர், அவருக்கு தனது நிபுணத்துவம் அந்த வியாபாரத்திற்கும் பயன்படும் என்று நினைத்துக் கொண்டு அனுபவமில்லாத புதியதொரு வியாபார நடவடிக்கையை ஆரம்பிக்கலாம். பதற்றம் என்பது மற்றொரு எதிரி ஆகும். பல அலகுகளைக் கொண்ட தொழில்முனைவோர் தங்கள் முதல் அலகில் குறைகளைக் கொண்டிருக்கலாம். பலர் முதலில் பணத்தை இழப்பார்கள். இதுவே, குறைகளைக் கண்டறிந்து ஒரு ஆரோக்கியமான வருவாய் அறிக்கையை வழங்க வேண்டிய சரியான நேரமாகும். இதைச் செய்ய முடியவில்லை என்றால், இது உங்கள் யோசனையைக் கைவிடுவதற்கான் சரியான நேரமாகும். ஆனால், நீங்கள் ஒரு தொடர் உணவகங்களைத் திறக்கிறீர்கள் என்றால், அதில் ஆறு உணவகங்களை, பதற்றத்துடன் திறந்தீர்களானால், உங்கள் இழப்புகள் மிக அதிகமாக இருக்கும். [மேலே] விரிவுபடுத்தப்பட்ட வியாபாரத்தில் நீங்கள் எதிர் கொள்ள வேண்டிய சில விவகாரங்கள் ஆரம்ப வியாபார நடவடிக்கையில் காணப்படுவதில்லை சான்றிதழ் எரிக் வொங் வீடியோ தயாரிப்பாளர் "நீங்கள் எடுத்துக் கொள்ளும் ஆரம்ப வாடிக்கையாளர் எண்ணிக்கைகு ஏற்ப உங்கள் செயற்பாடு இருக்க வேண்டியது முக்கியமாகும். " Transcription பதிவு- html உங்கள் ஆரம்ப வியாபாரத்தில் காணப்படாத சில கட்டுப்படுகள் விரிவுபடுத்தப்பட்ட வியாபாரத்தில் அவசியமாக இருக்கும். நீங்களாகவே செய்யும் வழக்கத்திலிருந்து மாறி கவனமான தயாரிப்புக்கு வழிவகுக்கும். உதாரணமாக, உங்கள் முழு மொத்த நிருவாகத்திற்குள் காணப்படும் தனித்தனி பிரிவுகளின் செயல்திறனை அளவிடும் கணிப்பீடு மற்றும் பணப் புழக்க கட்டுப்பாடுகள் உங்கள் வியாபார நடவடிக்கைக்குத் தேவைப்படும். இந்த அறிக்கைகள் அவ்வப்போது முறையாக தேவைப்படும். பல வியாபாரங்களில், சிறிய சிக்கல்களை சமாளிக்க முடியாத அளவிற்கு, பெரிதாகமல் தடுப்பதற்காக வார அடிப்படையிலான வருவாய் அறிக்கைகள் பயன்படுத்தப்படுகின்றன. உங்கள் தொழில் அலகின் நிதி சார் அறிக்கை முறையை அமைப்பதற்கு கணக்காளர் உங்களுக்கு உதவலாம். விரிவுபடுத்தப்பட்ட வியாபாரத்தில், பொறுப்பு மற்றும் அதிகாரம் என்பன மாற்றம் செய்யப்பட வேண்டிய அவசியம் காணப்படலாம். பணிக்கு ஆட்சேர்த்துக்கொள்வது, மதிப்பீடு செய்வது மற்றும் பயிற்சியளிப்பது போன்றவற்றில் புதிய திறன்கள் தேவைப்படும். பெரும்பாலான வியாபாரங்களின் விரிவாக்க வீச்சு, தனது ஆரம்பத் தொழில் அலகில் இருந்து இரண்டாவது அலகினை அமைக்கும் அளவிற்கு வளர்வதே ஆகும். முதலிலிருந்து இரண்டாவதைத் தொடங்கி பெரிய வெற்றியை நீங்கள் அடைந்துவிட்டால், அது தொடரும். அதிலிருந்து நீங்கள் தொடர்ச்சியாக குக்கி-கட்டர் இயக்கத்தை முன்னேற்றலாம். அதிகாரக் கையளிப்பு இதனால் செய்ய முடியும்: முக்கிய பணியாளர்களின் நிதிசார் ஊக்குவிப்பு இலாபம் ஈட்டும் நிலையங்களை உருவாக்குதல் சான்றிதழ் ஃப்ளெட்ச்சர் ஹல் ஃப்ளெட்ச்சர் ஹல் மோட்டார்ஸ், ஆட்டோ விற்பனை மற்றும் குத்தகை "உங்கள் வியாபாரத்தை விரிவாக்க உதவும் ஊழியர்களைப் பணியிலமர்த்த நீண்ட காலம் எடுக்காமல் பார்த்துக் கொள்ளுங்கள்." Transcription பதிவு - html சில நேரங்களில் ஆரம்பத் தொழில் முனைவோர்க்கு அதிகாரத்தைக் கையளிப்பது கடினமாக இருக்கும். நீங்கள் மாற்றம் செய்ய விரும்பாத சில செயல்களைத் தவிர மற்றைய செயல்களுக்கு மாத்திரம் அதிகார அதிகாரக் கையளிப்புச் செய்ய பல வழிகள் உள்ளன. உதாரணமாக, காசோலைகளில் கையெழுத்திடுவது மற்றும் மூலதனததை ஒதுக்குதல் ஆகியவற்றை நீங்களாகவே மாத்திரம் செய்து கொண்டு பயிற்சியளிப்பது போன்ற செயல்களை உங்கள் முகாமையாளர்களிடம் அதிகாரத்தைக் கையளிக்கலாம். இந்த செயல்களை விட்டுக்கொடுக்காமலும், உங்கள் முக்கிய பணியாளர்களை இரண்டு வழிகளில் நீங்கள் ஊக்குவிக்கலாம்: அங்கீகரிப்பு மற்றும் வெகுமதி. அங்கீகரிப்பு என்பது வெறும் பட்டம் வழங்குவது மட்டுமல்ல அதற்கும் மேலானதாகும். மிக முக்கியமான அங்கீகாரம் என்பது, உங்கள் முக்கியமான பணியாளர்களை அவர்களுக்கு பொருத்தமான அதிகாரமும் பொறுப்பும் உள்ள பதவிகளில் இருக்கின்றனரா என்பதே ஆகும். அதிகாரம் கையளிக்கப்படும் போது, உங்கள் முகாமையாளர்கள் சில தவறுகளைப் புரியலாம், ஆனால் அவர்களின் தவறுகள் அவர்களுடைய அதிகார எல்லைக்கு உட்பட்டதாகவே இருக்கும். அநேகமாக நிதிசார் அறிக்கையிடலானது நிதிசார் தவறுகளின் பாதகமான விளைவுகளைக் குறைக்க உதவும். சிறந்த முகாமையாளர்களுக்கு அவர்களுடைய தனிப்பட்ட வெற்றிகளைப் பொருத்து பண ஊக்குவிப்புத் தொகைகளை வழங்குவதன் மூலம் அவர்களை ஊக்குவிக்கலாம். உங்கள் முகாமைத்துவக் குழுவுக்கான ஊக்குவிப்புத் தொகை இழப்பீடு ஒவ்வொரு முகாமையாளருக்கும் பிரத்தியேகமானதாக இருக்க வேண்டும், அப்போது ஒரு முகாமையாளருக்கான ஊக்குவிப்புத் தொகை அவருடைய மற்றைய விவகாரங்களைக் கருத்தில் கொள்ளாமல் அவருடைய தனிப்பட்ட சாதனையில் தங்கியிருக்கும். உதாரணமாக, நீங்கள் பல ஸ்டோர்களைத் தொடர்ச்சியாக உருவாக்கியிருந்தால், ஒவ்வொரு ஸ்டோரின் முகாமையாளருக்கும் வழங்கப்படும் ஊக்குவிப்புத் தொகை அவருடைய ஸ்டோரின் இலாபம் அல்லது நட்டத்தின் அடிப்படையிலேயே இருக்க வேண்டும். அப்படி ஒரு இலாபப் பகிர்வு திட்டத்தை அமைப்பது தொடர்பில் உங்களுக்கு யோசனை இல்லை என்றால், உங்கள் வெற்றிகரமான போட்டியாளர்களிடமிருந்து நீங்கள் யோசனையைப் பெறலாம், அவர்கள் முன்கூட்டியே அவ்வாறான முறைமைகளில் சோதனை முயற்சிகளை செய்திருப்பார்கள். [மேலே] முக்கியமான பணியாளர்களை ஊக்குவிக்கும் வழிகள்: வெகுமதியும்அங்கீகரிப்பும் ஆகும் முதலில் நாம் அங்கீகரிப்பு என்பதற்கான வரைவிலக்கணத்தை அமைப்போம்: ஒரு வியாபாரத்திலுள்ள முக்கியமான பணியாளர்களுக்கு, இலாபம் மற்றும் ஒரு குறிப்பிட்ட செயலுக்கான பொறுப்பு போன்றவற்றோடு தொடர்புள்ள அதிகாரமும் பொறுப்பும் வழங்கப்பட்டிருக்க வேண்டும். இது முக்கியமான பணியாளர்களை நிர்வகிக்கும் "இலாப நிலையமாக" மாறும். ஒவ்வொரு இலாப நிலையத்திற்கும் அவ்வப்போது நிர்ணயிக்கப்படும் தனித்தனியான இலாப மற்றும் நட்ட பொறுப்புகள் உள்ளன. (பல துரித உணவக கடைகள் வார அடிப்படையிலான இலாப நட்ட அறிக்கைகளைக் கொண்டு இயங்குகின்றன!) உங்களைச் சேர்ந்த முக்கியமானவர்கள், தொழில் முனைவோர் முடிவெடுக்கும் அதிகாரம் மேலும் அவர்களது இலாபங்களில் இருந்து ஊக்குவிப்புத் தொகை இழப்பீடு செலுத்தும் மற்றும் இருப்பதாக உணரச் செய்யும் சூழலை அமைத்துத் தருவதே இதன் கருத்தாகும். ஆனால், இரண்டு ஒதுக்கப்படாத பதவிகளில் அவர்களுக்கு அதிகாரம் வழங்கப்படவில்லை. அது உங்களது சொந்தப் பொறுப்பாகும்: மூலதன செலவினங்கள் காசோலைகளில் கையொப்படமிடல் இது, உங்கள் வியாபாரத்தின் முக்கியமானவர்களின் இலாப நிலையத்தை இயக்குவதில் ஒரு வரையறை இருக்க வேண்டும் எனப் சிபாரிசு செய்கின்றது, ஏனெனில் அவர்கள் சில தவறுகளைச் செய்யலாம். மேலே குறிப்பிட்ட, இரண்டு தடைகள் மற்றும் அவ்வப்போதான நிதிசார் அறிக்கையிடல் போன்றவற்றின் மூலம், உங்கள் முகாமையாளர்களை ஊக்குவிக்கலாம் மற்றும் பெரும் இழப்புக்களையும் தவிர்க்கலாம். ஊக்குவிப்புத் தொகைத் திட்டங்கள், ஒவ்வொரு வியாபார சூழ்நிலைகளுக்கு ஏற்றவாறும், தனிப்பட்டவர்களின் பொறுப்புக்கான இலாப நட்ட அறிக்கையின் அடிப்படையிலும் அமைதல் வேண்டும் என்பது தெளிவு. இலாபப் பகிர்வின் மூலம் முகாமையாளர்களுக்கு வெகுமதியளிப்பதன் மூலம், நீங்கள் அவர்களை வெற்றிகரமான பாதையில் நகர ஊக்கமளிக்கிறீர்கள். மேலும், அவர்களின் வெற்றி அதிகரித்தால் (மற்றும் வெகுமதி) உங்கள் வியாபாரம் அதிக இலாபமடைகிறது. ஒரு முகாமையாளரின் ஊக்குவிப்புத் தொகையை நிர்ணயிப்பதற்கு மூ-வகைத் (பல வகை உள்ளன) திட்டங்கள் இங்கே. ஊக்குவிக்கப்பட்ட திட்டம். ஒரு குறிப்பிட்ட இலக்கை அடைவதன் மூலம், முகாமையாளர்கள் அலகின் வருவாய் அனைத்தையும் அல்லது ஒரு பகுதியை அடைவார்கள். நிறுவனத்திற்குச் சொந்தமான மற்றும் அவற்றினாலேயே நடாத்தப்படும் (தனியுரிமைக் வாடிக்கையாளர்களைப் பார்க்கிலும்) துரித உணவக கடைகளால் இது வெற்றிகரமாகப் பயன்படுத்தப்பட்டு வருகிறது. ஒரு நிறுவன பணியாளர்-முகாமையாளரால் நிருவகிக்கப்படும் ஒரு டவ்னட் கடைக்கான எளிமைப்படுத்தப்பட்ட வாராந்த வருவாய் அறிக்கையின் ஓர் உதாரணம் இங்கே. இந்த திட்டம் "ஊக்குவிக்கப்பட்ட" திட்டம் ஆகும்.ஏனெனில், சேமிக்கப்படும் ஒவ்வொரு ரூபாவும் முகாமையாளரின் ஊக்குவிப்புத் தொகைக்கான காசோலைக்குச் செல்லும். விற்பனைகள் ₨5,000 ஊதியங்கள் ₨1,500 கொள்முதல்கள் ₨1,500 மற்றைய அனைத்து செலவுகள் (நிறுவன இலாபம் உட்பட) ₨1,500 மொத்தச் செலவுகள் ₨4,500 ₨4,500 வாராந்த இலாபமும் முகாமையாளரின் ஊக்குவிப்புத் தொகையும்: ₨500   ஊக்குவிக்கப்படாத இலாபப் பகிர்வு திட்டம். இதில் உங்கள் முகாமையாளர், தனது இலாப நிலையத்தின் வருவாயின் ஒரு சதவீதத்தை அடைவார். இதோ அதற்கான ஓர் உதாரணம்: விற்பனைகள் ₨5,000 ஊதியங்கள் ₨1,500 கொள்முதல்கள் ₨1,500 மற்றைய அனைத்து (உண்மையான)செலவுகள் ₨500 மொத்தச் செலவுகள் ₨3,500 ₨3,500 தேறிய இலாபம் ₨1,500 முகாமையாளர் ஊக்குவிப்புத் தொகை @ 10%: ₨150   கமிஷன் திட்டம். இந்த திட்டத்தில், குறிப்பிட்ட கணக்கீட்டுக் காலத்தில் விற்பனையின் ஒரு சதவீதத்தை முகாமையாளர் பெறுவார். உதாரணமாக, மேலே குறிப்பிட்டவாறு உள்ள நிலையில், குறிப்பிட்ட காலத்தின் விற்பனை அளவு ₨5,000 எனவும் கமிஷன் அளவு 5%, எனவும் கொண்டால், ஈட்டுத் தொகை ₨250 ஆகும். பெரும்பாலான நிலைகளில், கமிஷன் ஊக்குவிப்புத் தொகையானது முறையானதல்ல, ஏனெனில் செலவுகளுக்கான பிரிவுகள் இதில் அடங்குவதில்லை. நீங்கள் நட்டமடையும் நிலையிலும் உங்கள் முகாமையாளர் செல்வந்தராக மாறும் வாய்ப்பு உண்டு. ஆனால், விலையிடலை முகாமையாளர் கட்டுப்படுத்தாத நிலையில் கமிஷன் ஊக்குவிப்புத் தொகையானது அதிக பலன் தரக்கூடும். சில்லறை விற்பனைக் கடைகளில் உள்ள விற்பனை நபர்கள் இந்த கமிஷன் கட்டமைப்புக்கு சிறந்த எடுத்துக்காட்டாவார்கள். [மேலே] இலாபம் ஈட்டும் நிலையங்கள் செய்ய வேண்டியவையும் செய்யக்கூடாதவையும்: இலாப நிலையங்களை உருவாக்குவதற்கு பயன்படக்கூடிய சில அடிப்படை விதிகள் பற்றி இங்கு ஆராய்வோம்: ஒவ்வொரு விரிவாக்க அலகிக்கும் தனித்தனி இலாப நிலையங்களை உருவாக்கவும். அதாவது ஒவ்வொரு முகாமையாளருக்கும் பிரத்தியேகமான தனித்தனி இலாப நட்ட அறிக்கைகள் ஆகும். கணக்கீட்டு காலத்தை மிகவும் குறுகியதாக அமைக்கவும்.சரக்கு இருப்பு அல்லது பிற செலவுகளில் அதிக ஏற்ற இறக்கங்கள் இல்லாவிட்டால், வாராந்த இலாப நட்ட அறிக்கைகள் கூட சிறந்த பயனைத் தரக்கூடும். ஆனால், சாத்தியமானால், முகாமையாளர்கள் சலுகைகளைப் பெற ஆறு அல்லது பன்னிரண்டு மாதங்கள் காத்திருக்கச் செய்ய வேண்டாம். வெகுமதிகள் விரைவாக வழங்கப்படும்போதுதான் அதிக பலன்கள் கிட்டும்! இலாபப் பகிர்வு ஊக்குவி்பபுத் தொகை திட்டத்தை எளிமையாகவும் தெளிவாகவும் பேணுங்கள். இதனால் தவறான செயலும், தவறாகக் கையாளுதலும் தவிர்க்கப்படும். எளிமையான சொற்களையும் கணக்கீட்டு முறைகளையும் கையாளுங்கள். இலாபப் பகிர்வு ஒப்பந்தங்கள் அனைத்து தொடர்பிலும் எழுத்து மூல ஆவணங்களை வைத்திருக்கவும். அர்த்தம் கொள்வதில் உண்டாகும் அறியாத அற்ப வேறுபாடுகளை களைய இது உதவும். வெள்ளை நிறத்தில் பாதியும், கறுப்பு நிறத்தில் பாதியுமாக நிறம் தீட்டப்பட்ட ஒரு பந்தை நாம் எங்கு பார்க்கிறோமோ அது அதற்கேற்றவாறு வித்தியாசமாகத் தோன்றும். உங்கள் சிறந்த போட்டியாளர் தனது முகாமையாளர்கள் எவ்வாறு ஊக்குவிக்கப்படுகின்றனர் என்பதை அறியவும்.குறிப்பிட்ட உங்கள் வியாபாரத்திற்கு மிகவும் பொருந்தும் ஒரு வியாபார முறையை உங்கள் போட்டியாளர் ஏற்கனவே நடைமுறைப்படுத்தி இருக்கலாம். [மேலே] உங்கள் வியாபாரத்தை ஆரம்பித்தல் நடவடிக்கையில் மேற்கொள்ளப்பட வேண்டியவையும் மேற்கொள்ளப்படக் கூடாதவையும் மேற்கொள்ளப்பட வேண்டியவை பணத்தைச் சேமிக்கவும். நீங்கள் மிகவும் விரும்பும் ஒரு துறையிலேயே இருக்கவும். வியாபாரத்தை ஆரம்பிக்க முன்னர் அதைப் பற்றி அறியவும் (அல்லது அதில் பிரிதொருவருக்காகத் தொழிற்படவும்). உங்கள் வியாபாரத்தில் ஜெயித்தவர்களைப் பின்பற்றவும். தனியான ஒரு தயாரிப்பாக இருப்பினும் அதில் நிபுணத்துவம் பெறவும். பின்வரும் சூழலுக்கேற்ப ஒரு பொருளை அல்லது தயாரிப்பைத் தேடவும்: தேவையான அல்லது விருப்பமான இணையற்றது என்று வாடிக்கையாளர்கள் நினைப்பது விலைநிர்ணய ஒழுங்குமுறைக்கு உட்படாமல் உங்கள் கடன் அளவை கட்டுப்பாட்டில் வைக்கவும். கணினிப் பயன்பாட்டுத் திறன்களைக் கற்கவும். தொடர்பாடல் திறன்களைக் கற்கவும். ஆரம்பிக்க முன்னர் சட்டத்தரனி, கணக்காளர் மற்றும் காப்பீட்டு முகவர் ஆகிய ஒருவரை வைத்துக் கொள்ளவும். வியாபாரத் திட்டம் ஒன்றைத் தயாரிக்கவும். குறிப்பிட்ட உங்கள் வியாபாரத்திற்கான ஸ்தலத் தகவுதிறன் மாதிரியைத் தயாரிக்கவும். முக்கியமான முடிவுகளுக்கான பட்டியலுக்கு "ஆதரவாகவும் எதிராகவும்" செயல்படவும். மற்றைய அனைவரும் விற்பனை செய்யும்போது வாங்கவும் (வாங்குங்கள் விற்பனைசெய்யுங்கள் – விற்பனைசெய்யுங்கள் வாங்குங்கள்). நீங்கள் விரும்பும், நம்பும், பாராட்டும் ஒருவருடன் வியாபாரம் செய்யவும் கணக்கியல் பாடத்தைக் கற்கவும். உங்களுக்கென சொந்த கட்டுப்பாட்டுத் திட்டத்தை உருவாக்கவும். உங்களுக்கு முக்கியமாகத் தேவைப்படும் பாடங்களைக் கற்கவும். இவற்றை மீண்டும் சமூகத்திற்கு திருப்பிக் கொடுக்கவும். செய்யக்கூடாதவை சட்டத்தரனியின் மீளாய்வின்றி எந்த ஒரு குத்தகை ஒப்பந்தத்திலும் ஒருபோதும் கையொப்பமிட வேண்டாம். அவசரப்பட வேண்டாம்: ,இறுதியில் கிடைக்கும் நல்ல வாய்ப்பு போன்று வேறொன்றும் கிடையாது. "சரக்கு" வியாபாரத்தைத் தவிர்க்கவும் (விலைநிர்ணய சக்தி இல்லாத ஒன்று). வியாபாரத்தை ஆரம்பிக்கும் முயற்சிகளின்போது, தற்போதுள்ள பணியிலிருந்து விலகும் முயற்சிகளில் ஈடுபட வேண்டாம். முதல் படியிலேயே வர்த்தக முதலையாக மாற நினைக்க வேண்டாம்: பொறுத்திருக்கவும். பக்கபலம் ஏதுமின்றி, மிகப் பெரிய ஜாம்பவான்களுடன் (வோல்மார்ட் அல்லது டொய்ஸ் ஆர் யுவஸ்) போட்டி போட வேண்டாம். நீண்ட கால நிதித் திட்டத்தை முன்னெடுங்கள் உங்கள் வியாபாரத்தை விரிவாக்க முன்னர், உங்கள் சட்டத்தரனி, கணக்காளர் மற்றும் காப்பீட்டு முகவர் ஆகியோருடன் கலந்தாலோசித்து, உங்கள் வருங்கால பணியாளர்களுக்கும் உங்களுக்குமான நலன்களை மேம்படுத்த நடவடிக்கை எடுக்க வேண்டும். திறமையான முகாமையாளர்களை தக்கவைத்துக் கொள்வதும், பணிக்கு ஆட்களைச் சேர்த்துக்கொள்வதற்குமான போதிய பலன்களைத் தருவதே இதன் இலக்காகும். ஓய்வூதியத் திட்டங்கள், உடல்நலக் காப்பீடு, மற்றும் சுற்றுலா விடுமுறை சலுகைகளைக் கருத்திற் கொண்டு வசதிகளை உருவாக்க வேண்டும். இதன் பின்னர், இவற்றுக்கான செலவுகளை உங்கள் நிதித் திட்டத்தில் உள்ளடக்க வேண்டும். [மேலே] பொதுவான வியாபாரச் சிக்கல்கள் சான்றிதழ் மார்ட்டின் ரூஸ் தோட்டக்காரர் "முதலாளி ஆகும் எண்ணமும் தகுதியும் உடையவர்கள், அந்த வியாபாரத்தை முன்னெடுக்க வேண்டும்." பதிவு - html வியாபாரம் விருத்தி அடையும் வேளையில் மேற்கொள்ளப்படும் பொதுவான சில தவறுகளை இப்போது அடையாளம் காண்போம். இதுபோன்ற தவறுகள் மிகப் பாதகமாக இருக்கலாம், எனவே முன்னிருந்தவர்கள செய்த தவறுகளை ஒரு பாடமாக எடுத்துக் கொள்ளவும்! கட்டுப்படுத்தப்படாத பணப் புழக்கம். பணம் இல்லாத காரணத்தாலேயே பலர் தோல்வியைச் சந்திக்கின்றனர். உங்களிடம் பணம் இல்லை என்றால், எல்லாம் முடிந்ததே! எனவே, விரிவாக்க நடவடிக்கையில் அதிக மாற்றங்கள் இல்லாத வகையில் உங்கள் பணப்புழக்கத் திட்டத்தைத் தயாரிக்கவும். அமர்வு 7 -இல் "பணப்புழக்கத்தை" ஆய்வு செய்தல். திட்டமிடலில் செய்ய வேண்டியவை: வருவாயை (விற்பனை) மிகக் குறைவாகக் கணிக்கவும் செலவுகளை மிகக் அதிகமாகக் கணிக்கவும் எதிர்பாராத விடயங்களுக்கு ஏற்பாடுசெய்யவும். விற்பனையில் வீழ்ச்சி அல்லது போதிய விற்பனையின்மை.இவ்வாறு ஏற்பட்டால், உங்கள் வருவாயும் பணப்புழக்கமும் பாதிக்கப்படும். அநாவசியச் செலவுகளைக் குறைத்து, தேவையான பரிகார நடவடிக்கைகளை உடனடியாக மேற்கொள்ளவும். அதிக செலவுகள். விற்பனை அளவை உங்களால் அதிகரிக்க முடியுமா? அதிக விலைகளுக்கு உங்களால் ஈடுகொடுக்க முடியுமா? புதிய போட்டி. தொழில் முனைவோரின் வாழ்வின் நடைமுறை! அவர்களிடமிருந்து உங்களால் கற்க முடியுமா? அவர்களின் ஆரம்ப நிலைத் தாக்கத்தை உங்களால் நடுநிலையாக்க முடியுமா? வியாபாரப் பின்னடைவுகள். வருவாய் மற்றும் பணப்புழக்கத்தைப் பேண, தகுந்த நேரத்தில் செலவுகளைக் குறைக்க வேண்டும். தகுதியற்ற முகாமையாளர்கள் அல்லது பணியாளர்கள்.அவர்களிடமிருந்து விலகி நடக்க உடனடி நடவடிக்கை எடுக்கவும். நேர்மையின்மை, திருட்டுத்தனம். வியாபார முடக்கம் (கடைத்திருட்டு) மற்றும் பணியாளர் நேர்மையின்மை உள்ளிட்ட, உங்கள் வியாபாரம் எதிர்நோக்கி வரும் அனைத்து விதமான நேர்மையின்மையையும் கட்டுப்படுத்தும் திறமுறையை, மிகச் சிறந்த போட்டியாளராக நீங்கள் கருதுபவரிடமிருந்து கற்கவும். ஒவ்வொரு வியாபாரத்திலும் வித்தியாசம் இருக்கும். மேலே உள்ளவற்றில் ஏதாவது அல்லது அனைத்தும் இணைந்திருக்கலாம். கடும் வியாபாரச் சிக்கல்களைக் கையாள்வதற்கான அடிப்படை விதிகள்: மிகவும் நேர்மையுடன் உங்கள் சிக்கல்களைக் கண்டறிந்து, ஏற்றுக்கொள்ளவும். சிறந்த பணப்புழக்கம் மற்றும் இலாபம் ஆகியவற்றைப் பேண, உணர்ச்சிகளுக்கு இடம் கொடுக்காமல் உங்கள் செலவுகளைக் கட்டுப்படுத்தி, இழப்புகளை உடனடியாகக் குறைக்கவும். இதுவே நீங்கள் மேற்கொள்ள வேண்டிய முதல் தரமானதும் மிக முக்கியமானதுமான செயல் ஆகும். உங்கள் நிலைப்பாட்டிலிருந்து மாற வேண்டாம். உங்கள் வியாபாரத்தின் எதிர்காலம் ஆபத்தில் முடியும் என்று உங்களுக்குத் தெரியும் வரை, உங்களது குறித்த வியாபாரத்திலேயே தொடர்ந்து ஈடுபடவும். உங்கள் சிக்கல்கள் என்ன என்பதையும், மிகவும் நீண்ட இடைவெளியில் அல்லது குறைந்த அளவிலான பணம் ஏன் தேவை என்பதையும் பற்றி உங்கள் முதலீட்டர்கர்களுக்கு விளக்கும் முயற்சிகளை மேற்கொள்ளவும். தகுந்த காரணம் இன்றி, பின்-திகதியிடப்பட்ட காசோலைகள் அல்லது தாமதமான கொடுப்பனவுகள் மேற்கொள்ளும் நடவடிக்கையினை ஒருபோதும் பின்பற்ற வேண்டாம். உங்கள் பொருட்கள் அல்லது சேவைகளின் மதிப்பு அல்லது தரத்தைக் குறைக்க வேண்டாம். அவற்றை மேலும் சிறப்பாக்கவும். உங்கள் செயல்திறனையும் மதிப்பையும் மேம்படுத்தும் அனைத்து முயற்சிகளிலும் ஈடுபடவும். கடினமான வாய்ப்புக்களைத் தேடவும். வியாபாரத்தில் ஏற்படும் எதிர்பாராத வீழ்ச்சிகளின்போது, பேரம் பேசும் வாய்ப்புகள் சில நேரங்களில் ஏற்படலாம். வியாபாரத்தில் காலச்சுழற்சி உண்டு என்பதை நினைவில் வைத்துக் கொள்ளவும். ஆகையால், பொறுமையுடன் இருந்து பாதகமான காலத்தைக் கடக்கவும். [மேலே] சிபாரிசுசெய்யப்படும் செயற்பாடுகள் உங்கள் துறை சார்ந்த வியாபாரங்களில் காணப்படும் வெற்றிக் கதைகளின் சம்பவ ஆய்வுகளை மீளாய்வு செய்யவும். வியாபாரத்தில் தோல்வி அடைந்ததற்கான காரணத்தை தாங்கள் அறியாமல் மேற்கொண்ட வர்த்தகம் பற்றி உங்களுக்கு ஏதும் தெரிந்தால் அவற்றின் சம்ப ஆய்வுகள் பற்றியும் மீளாய்வு செய்யவும். பரிசோதனை, திட்டமிடல், அனுபவம் போதுமானதாக இல்லையா? நீங்கள் உத்தேசித்த வியாபாரத்தில் உள்ள முக்கியமான வியாபாரச் சிக்கலைக் கண்டறிந்து, அவற்றைத் தீர்ப்பதற்கான திட்டத்தை வகுக்கவும். உங்கள் வியாபாரத்தில் மொத்தமாக ஏற்படும் சிக்கல்களைக் கண்டறிந்து, அவற்றைத் தீர்ப்பதற்கான திட்டத்தை வகுக்கவும். [மேலே] அமர்வு 12 -க்கான வியாபாரத் திட்டம்: விரிவாக்கமும் சிக்கல்களைக் கையாளுதலும் இந்த அமர்வு - வியாபாரத் திட்ட டெம்ப்ளேட் ஆவணம் 12 -க்கான வியாபாரத் திட்ட டெம்ப்ளேட்டைப் பதிவிறக்கம் செய்து, இப்போது அதை நிறைவுசெய்யுமாறு சிபாரிசுசெய்கிறோம்.. பிரிவு 12: வளர்ச்சித் திட்டம் MS Word வியாபாரத் திட்ட டெம்ப்ளேட்டைப் நிரப்புவதற்கான வழிமுறைகள்: ஒவ்வொரு பெட்டியிலும் பெரிய எழுத்துக்களில், ஒரு நிரந்தர தலைப்பு உள்ளது ஒவ்வொரு தலைப்பின் கீழும், "இங்கே உட்படுத்தவும்" என்ற சொற்களில் துவங்கும் ஒரு சொற்றொடர் உள்ளது. உட்படுத்துவதற்கு தகவலை இது சிபாரிசுசெய்யும். நீங்கள் தட்டச்சு செய்யும் போது பெட்டி தானாகவே பெரிதாகும், ஆகவே நீங்கள் தட்டச்சு செய்ய தேவையான போதுமான இடத்தைப் பயன்படுத்துங்கள். ஒவ்வொரு பெட்டி முடிந்த பின்னும், "இங்கே உட்படுத்தவும்"சொற்றொடரை நீக்கிவிடவும், இதனால், நீங்கள் உள்ளிட்ட தகவல் மற்றும் பெட்டியின் நிரந்தர தலைப்பு ஆகிய இரண்டுமே எஞ்சி இருக்கும். நீங்கள் பாடங்களைத் தொடரும்போது வரும் வணிகத் திட்டத்தின் ஒவ்வொரு பிரிவையும் பூர்த்தி செய்யுமாறு பரிந்துரைக்கிறோம். 1 முதல் 12 வரையிலான அனைத்து அமர்வுகளுக்கான டெம்ப்ளேட்டையும் ஒரே ஆவணமாக உங்கள் கணினியில் பதிவிறக்கம் செய்து கொள்ளலாம். பிரிவுகள் 1-12: அனைத்தும் MS Word தேவையான ஆராய்ச்சி முடிவுகளையும், பின்னணி சாதனங்களையும் உட்படுத்தவும். பின்னணித் தரவு, உங்கள் சுயசரிதை, விளக்கப் படங்கள், விளக்க வரைபடங்கள் மற்றும் ஆராய்ச்சி தரவுகள் என்பவற்றைப் பயன்படுத்தி, அதை ஆர்வமூட்டுவதாக ஆக்கவும். உங்கள் வியாபாரத் திட்டம் பூர்த்தியானவுடன், அதனை அச்சிட்டு, 12 பிரிவுகளையும் வரிசைப்படுத்துங்கள். மேலும் பல வியாபாரத் திட்ட வடிவமைப்புகள் நூலகங்களில், புத்தக சாலைகளில் மற்றும் மென்பொருளில் கிடைக்கக்₨டியனவாக உள்ளன. [மேலே] அமர்வு 12 வினாடி வினா: விரிவுபடுத்தலும் சிக்கல்களைக் கையாளுதலும் உங்கள் வியாபாரத்தை விரிவுபடுத்த நீங்கள் முடிவு செய்தவுடன், பின்வரும் எந்த நடவடிக்கைகளையும் பிறரிடம் ஒப்படைக்கக்கூடாது:  காசோலைகள் எழுதுதல்  காசோலைகளில் கையொப்படமிடல்  பணியாளர்களுக்குப் பயிற்சியளித்தல்  இலாபம் ஈட்டும் நிலையத்தின் பொறுப்பு பணியாளரை ஊக்குவிக்க, தரகுத் திட்டத்தை நீங்கள் பயன்படுத்தினால், நீங்கள் உறுதிப்படுத்தவேண்டியது:  நிறுவனச் செலவுகளை அந்தப் பணியாளர் கட்டுப்படுத்துகிறாரா என்பதை ஆகும்.  நிறுவனச் செலவுகளை தொழில்தருநராகிய நீங்கள் கட்டுப்படுத்துகிறீர்கள். வளர்ந்து வரும் உங்கள் வியாபாரத்திற்கான மிகவும் பொருத்தமான ஊக்குவிப்புத் தொகை (இலாபப் பகிர்வு) திட்டத்தைக் கண்டுபிடிப்பதற்கான சிறந்த இடம்:  உஙகள் கணக்காளர்  மெக்டொனால்ட்ஸ்  உங்களின் மிகச் சிறந்த போட்டியாளர்  நூலகம் நீங்கள் பிரச்சினைகளை எதிர்நோக்கும் நேரத்தில் என்ன செய்ய வேண்டும் என்பதை நன்கு அறிந்திருப்பது, உங்கள் வியாபாரத்தை நிர்வகிப்பதற்கான மிக முக்கியத் திறமைகளில் ஒன்றாகக் கருதப்படுகிறது. விற்பனையில் எதிர்பாராத வீழ்ச்சியை உங்கள் வியாபாரம் சந்திக்கும் போது, நீங்கள் மேற்கொள்ள வேண்டிய முதல் நடவடிக்கை:  விற்பனை அளவை மீண்டும் அதன் நிலைக்கு மீண்டும் மாற்ற உங்கள் பொருட்களின் விலையைக் குறைத்தல்.  உங்கள் சேவை அல்லது பொருளின் தரத்தை மீளாய்வு செய்து மேம்படுத்தல்.  செலவுகளைக் குறைப்பதற்கான வழிகளை உடனே காணுதல். சரியான நேரத்தில் வாடகையைச் செலுத்த முடியாத நிலையில் இருப்பதாக நீங்கள் உணர்ந்தால், நீங்கள் செய்ய வேண்டியது:  வங்கியில் பணம் இன்றி திரும்பும் காசோலையை உடனே வழங்குவதை விட, பணம் இருக்கும் நாளுக்கான முன்திகதியிட்டு வழங்கலாம்.  தாமதம் ஆகும் நிலையிலும், வங்கியில் பணம் வரும் வரை காத்திருந்து, அதன் பிறகு காசோலையை அனுப்பவும்.  தாமதம் ஆகும் நிலையையும் அதற்கான காரணத்தையும் நில உரிமையாளரை அழைத்து, அவரிடம் விளக்கவும். காசோலை உங்களுக்கு எப்போது வரும் என்பதை அவரிடம் தெரிவித்து, கொடுத்த வாக்குறுதியைக் காப்பாற்றவும். மிகப் பொருத்தமான சந்தைகளை தொடர்ச்சியாக ஆரம்பிக்கத் திட்டமிடவும். வியாபார முடக்கத்தையும், பணியாளர் திருட்டையும் இந்த வியாபாரம் எவ்வாறு கட்டுப்படுத்துகிறது என்பதைக் கண்டறிவதற்கான சிறந்த வழி:  சௌகரிய சந்தை அமைப்பில் (Convenience Market Association) உறுப்பினராக இணைதல்.  சந்தைப்படுத்தல் முகாமைத்துவம் தொடர்பான பட்டப் படிப்பைப் பின்பற்றல்.  மிகச் சிறந்த போட்டியாளராக நீங்கள் கருதுபவரிடத்தில் வேலைக்குச் சேரவும்.  இந்த இழப்புகளைக் கட்டுப்படுத்த, வியாபாரத்தில் உங்கள் சொந்த அனுபவத்தின் அடிப்படையில், வியாபார முறைகளை உருவாக்கவும். "குக்கீ கட்டர்" அணுகுமுறையிலான விரிவாக்கம் இவற்றைக் குறிக்கிறது:  நீங்கள் மிகவும் விரும்பும் குக்கீ போட்டியாளரின் சந்தைப்படுத்தல் முறையைப் பின்பற்றுதல்.  இலாபம் ஈட்டும் வரையில், பைலட் இயக்கத்தில் ஏற்படும் அனைத்து சிக்கல்களுக்கும் தீர்வு கண்டு, "குக்கீ கட்டர்" பிரதிபலிப்பில் அதை விரிவுபடுத்தல்.  பல வகையான விரிவாக்க வகைகளை உருவாக்க, வெவ்வேறு அமைப்பிலான, "குக்கீ" கருத்துக்களை முயற்சித்துப் பார்க்கவும். உங்கள் பணப்புழக்கத் திட்டம், ஆறு மாத காலத்திற்கு தொடர்ந்து வீழ்ச்சி நிலையிலேயே இருந்தால், முதல் தீர்வு பின்வருமாறு இருக்க வேண்டும்:  வியாபாரத்தை விற்க முயற்சிக்கவும்.  மாற்று வியாபார வாய்ப்புகளைத் தேட முயற்சிக்கவும்.  விற்பனையை அதிகரித்து, செலவுகளைக் கட்டுப்படுத்தி, நிதி ஆதாரங்களைப் பெற்று, உங்கள் பணப்புழக்கத் திட்டத்தை "சிறப்பாக்கவும்". இரண்டாவது கடையை நீங்கள் திறந்திருந்து (சங்கிலித் தொடர்பில் நுழைவீர்கள்!), மாதம் ₨3,000 வீதம் ஐந்தாண்டு குத்தகை ஒப்பந்தத்தில் கையொப்பமிட்டிருந்தால், நீங்கள் செலுத்த வேண்டிய தொகை:  ஒவ்வொரு மாதமும் ₨3,000  ₨180,000  ₨130,000 சிறந்த முகாமையாளர்களை சிறப்பாக ஊக்குவிக்கும் வழிகள்:  நிறுவனத்தின் வருவாய்க்கு ஏற்ப ஊக்குவிப்புத் தொகையை அறிவித்தல்.  நிறுவனத்தின் அதிகாரி மற்றும். துணைத் தலைவர் ஆகியோருக்கு பதவி உயர்வுகளை வழங்குதல்.

பதிப்புரிமை© 1993, 1997-2008, மை ஓன் பிஸ்னெஸ், இன்க். அனைத்து உரிமைகளும் பாதுகாக்கப்பட்டவை.- WWW.V4ALL.ORG