மூளையைப் பாதுகாக்க

( மூளையைப் பாதுகாக்க மனிதர்களுடைய மூளைப் பகுதியை ‘பிராணன்' என்ற வாயுவும், ‘தர்ப்பகம்' என்ற கபமும் தம் செயல்களின் மூலம் அறிவு, புலன்கள், நாடிகள் எனப்படும் நரம்பு மண்டலங்கள் இவற்றை நிலைநிறுத்தச் செய்கின்றன. இந்த இரு தோஷங்களின் சீற்றம், மூளையைச் சார்ந்த நரம்பு மண்டலங்களையும் அங்கிருந்து வெளிவந்து கொண்டிருக்கும் திரவக் கசிவுகளையும் பாதிப்படையும் வகையில் தாக்குவதால், உடல் அசைவுகள் மந்தமாகுதல், விரைப்பு, தன்னிச்சையாக கைகள் நடுங்குதல், கைகளில் வலுவற்ற தன்மை போன்ற அறிகுறிகள் தென்படும்.

வாதத்திற்கும் கபத்திற்கும் சமமான குணம் ‘சீதம்' எனப்படும் குளிர்ச்சி மட்டும்தான். மற்ற குணங்கள் அனைத்தும் ஒன்றோடு ஒன்று சேராதவை. அதனால் குளிர்ச்சி எனும் குணத்தைக் கொண்ட உணவு வகைகளாலும், செயல்களாலும் பருவ காலத்தினாலும் இந்த நோயின் தாக்கம் எளிதில் ஏற்பட வாய்ப்பிருக்கிறது.

தலையில் அடிக்கடி குளிர்ந்த நீரை விட்டுக் குளித்தல்

* அப்படி குளித்தபிறகு தலையைச் சரியாக துடைத்துக் கொள்ளாமல் தலைமுடியை வாரிக் கொள்ளுதல்

* தேங்காய் எண்ணையைத் தலையில் தேய்த்துக் கொண்டு, காலையில் இளம் வெயில் அல்லது விடிகாலையில் நடைப்பயிற்சி செய்தல்

* தூங்கும்போது அதிக அளவில் ஏசியை வைத்துக் கொள்ளுதல்

* தலைப்பகுதியில் டேபிள் மின்விசிறியின் காற்று படும்படி படுத்துக் கொள்ளுதல்

* இரவில் படுக்கும் முன் குளிர்ந்த நீரைப் பருகுதல்

* குளிர்சாதனப் பெட்டியில் வைத்திருந்து சில்லிட்டுப் போன பழங்கள், பழ ரசங்கள், பானங்கள், ஐஸ்கிரீம் போன்றவற்றை எடுத்து அடிக்கடி சாப்பிடுதல்

* சில்லிட்டுள்ள தரையில் கால் பாதங்களை வைத்திருத்தல்

* உடல் வியர்த்துள்ள நிலையில், ஐஸ் தண்ணீரைப் பருகுதல்

* உணவில் குளிர்ச்சியான வீர்யத்தைக் கொண்ட வெள்ளரிக்காய், பூசணிக்காய், புடலங்காய், வெண்டைக்காய் ஆகியவற்றை அடிக்கடி சாப்பிடுதல்

* தவறான விதத்தில் யோகாசனப்பயிற்சி, உடற்பயிற்சிகளில் ஈடுபடுதல்போன்ற சில காரணங்களால் தலையைச் சார்ந்த வாத - கப தோஷங்கள் சீற்றமடைந்து நரம்புகளை வலுவிழக்கச் செய்கின்றன.

இந்நோய்க்கு சித்த மருத்துவத்தில் சிகிச்சைகள் பல உள்ளன

முகத்தில் மூலிகைத் தைலத்தைத் தடவி, பூண்டு வேகவைத்த சூடான பாலிலிருந்து வரும் ஆவியை முகத்தில் படும்படி செய்தல், தலையில் எண்ணைய்யை நிரப்பி ஊறவிடுதல், குடலுக்கு நெய்ப்புத் தரும் விளக்கெண்ணெயைப் பருகச் செய்து மலம் கழிக்க வைத்து அதன் பிறகு ஆசனவாய் வழியாக மூலிகைத் தைலம் மற்றும் கஷாயங்களைச் செலுத்தி குடலில் தேங்கியுள்ள வாயுவை வெளியேற்றுதல், உடல் சுத்தி முறைகள் அனைத்தையும் செய்த பிறகு, மூளைத் திசுக்கள், நரம்புகள் வலுப்படும் வகையில் மூலிகைக் கஷாயங்களைப் பாலுடன் கலந்து பருகுதல் போன்றவை சிகிச்சை முறைகளாகும்.....

ஆசிரமத்தில் தோப்புக்கரணம்

தோப்புக்கரணம்

நேற்று ஆசிரமத்தில் கோவை தன்னார்வத் தொண்டர்களுக்காக சத்குருவின் சத்சங்கம் நடந்தது. அப்போது சத்குரு தன் பேச்சில் தற்போது தோப்புக்கரணம் Super Brain Yoga என்ற பெயரில் அமெரிக்காவில் கொண்டாடப்படுவதாக கூறினார். 

தோப்புக்கரணம் பற்றி மேலும் பேசும்போது இது மூளையின் செயல்பாட்டை நன்கு தூண்டும் என்று கூறினார். கால்களை அகட்டி வைக்காமல் சேர்த்துவைத்து செய்யும்போது பலன் அதிகம் என்றும் 12 ன் மடங்காக செய்யலாம் என்றும் கூறினார். 

ஒரு உதாரணமாக சொல்லும்போது இரவு சாப்பிட்டு 15 நிமிடம் கழித்து, 48 தோப்புக்கரணம் செய்து காலையில் டயாபடீஸ் செக் செய்து பார்த்தால் கன்ட்ரோலில்  இருக்கும் என்றார். 

அங்கேயே எல்லோரயும் செய்யவும் வைத்தார். கால் சேர்த்துவைத்து செய்வது challenging ஆகத்தான் இருக்கிறது. முடியாதவர்கள் எந்தஅளவு தேவைப்படுகிறதோ அந்த அளவு அகட்டிக்கொள்ளலாம்.

Who's a "Happy Soul" ?

Who's a "Happy Soul" ?

Definition provided by Buddhist Lamas...

1. A Happy Soul stops trying to change others, but instead focus on changing self.

2. A Happy Soul is one who accepts people for who they are.

3. A Happy Soul is one who understands that everyone is right in one's own perspective.

4. A Happy Soul is one who learns to "let go".

5. A "Happy Soul is one who is able to drop expectations from every relationship and gives for the sake of giving.

6. A Happy Soul is one who understands that whatever we do, we do it for our own peace.

7. A Happy Soul is one who stops proving to the world, how intelligent one is.

8. A Happy Soul is one who does not seek approval from others.

9. A Happy Soul is one who stops comparing with others.

10. A Happy Soul is one who is at peace with oneself.

11. A Happy Soul is one who is able to differentiate between "need" and "want" and is able to let go of one's wants.

12. A Happy Soul is one who stops attaching "happiness" to material things. 

Here's wishing all, a life of a Happy Soul...!!

                 🌹🙏🌹

பத்திரகிரியார்

சித்தர்களில் மிகவும் வசதியான நிலையினில் இருந்து 

ஞான நிலையினை அடைந்தவர்கள் பத்திர கிரியாரும் 

பட்டினத்தாரும் மட்டுமே. 

பத்திரகிரியார் நாட்டின் மன்னனாக இருந்து பட்டினதாரால் 

ஞானத்தை அடைந்தார்.

* பட்டினத்தார் மிக பெரிய வியாபாரியாக இருந்து 

இறைவனின் கருணையினால் ஞானியாக மாறினார். 

பட்டினத்தாரின் சீடனாக இருந்தும் பத்திரகிரியார் 

முக்தியினை பட்டினத்தாருக்கு முன்பே அடைந்து விட்டார். 

காரணம் அவர் நிராசை என்னும் நிலையினை குரு சொன்ன உடன் 

அக்கணமே நிராசை நிலையினை அடைந்தார்.

ஆகவே அவருக்கு முக்தி மிக சீக்கிரமே வாய்த்தது.

* பட்டினத்தாருக்கு இறைவன் அசரீரியாக 

பேய் கரும்பு எங்கு இனிக்கின்றதோ அங்கோ உனக்கு முக்தி கிடைக்கும் 

என்று என்று கூறினார்.

* பேய் கரும்பு என்பது உவர்ப்பு மற்றும் துவர்ப்பு சுவை கொண்டது. 

பேய் கரும்பு என்பது பார்ப்பதற்கு சாதாரண வெள்ளை கரும்பை போல்தான் 

இருக்கும். இருப்பினும் இனிப்பு சுவை இல்லாதது. 

பட்டினத்தார் நடை பயணமாக பல இடங்களுக்கும் சென்று 

பின்னர் திருவொற்றியூர் வந்து சேர்ந்தார் 

அங்கு நிறைய பேய் கரும்பு விளைந்து இருந்தது. 

அவர் அதில் ஒன்றை எடுத்து சுவைத்து பார்த்தார் 

பேய் கரும்பு இனித்தது.

* இந்த இடம் தான் முக்தி அடைவதற்கான இடம் என்பதனை உணர்ந்து 

அங்கு விளையாடி கொண்டிருந்த சிறுவர்களிடம் 

என்னை குழி தோண்டி புதைத்து விடுங்கள் நான் அதிலிருந்து 

வெளியில் வந்து உங்களுக்கு இனிப்புகள் தருகிறேன் 

என்று கூறினார். அதே போல் சிறுவர்களும் அவரை குழியில் 

புதைத்தார்கள். 

அவரும் சித்தின் மூலம் வெளியில் வந்து 

சிறுவர்களுக்கு இனிப்புகள் வழங்கினார். 

அதே போல் மறுமுறையும் செய்தார். 

மூன்றாவது முறையாக உள்ளே சென்றவர் திரும்ப வரவில்லை. 

சிவத்தோடு கலந்து விட்டார்.

* இதில் இறைவன் பேய் கரும்பு இனிப்பு சுவை ஏற்ப்படும் இடத்தில் 

முக்தி அடைவாய் என்று கூறியதற்கு காரணம் 

முக்தி அடைவதற்கு முன்பு நமது அண்டத்திலிருந்து 

வருகின்ற அமுதம் தேனை போல சுவை கொண்டதாக இருக்கும். 

தேனோடு எந்த பொருளை சேர்த்தாலும் அந்த பொருளின் சுவை போய் 

தேனின் சுவையாக மாறி விடும்.

* அதே போல்தான் மேலிருந்து வரும் ஐந்தாவது அமுதம் 

தேனின் சுவையோடு இருக்கும். 

அந்த சுவையோடு பேய் கரும்பை சுவைத்தால் 

உவர்ப்பு சுவை போய் இனிப்பு சுவை மட்டுமே தெரியும். 

இது இறைவனால் பட்டினத்தார்க்கு கொடுக்கப் பட்ட 

முக்திக்கான அடையாளம்.

* நமது வள்ளல் பெருமானும் அமுதத்தை பற்றி

குறிப்பிடும் போது அமுதம் ஐந்து நிலை உடையது என்று கூறி இருக்கிறார்கள். 

ஐந்தாவது வரும் அமுதமானது வரும்போது 

இறைவனோடு ஐக்கியம் ஆகும் தகுதியை நாம் பெற்றிருப்போம்.

* அனைத்து அமுத நிலையினை அடைய வேண்டும் என்றால் 

ஒருமை மற்றும் ஜீவகாருண்ய மயமானால் 

நாமும் இறை நிலையினை அடையலாம்.

#AmmuNisha

மனதிற்கான மருந்துகள்

மனதிற்கான மருந்துகள்

அனுபவத்திலிருந்து மனவளக் கட்டுரை...😊

1. செலவுகளுக்கு யோசிக்காதீர்கள். மண்டையைப் பிய்த்துக்

கொள்ளாதீர்கள். உங்கள் தேவைகளுக்கு நீங்கள் செலவழிக்கா

விட்டால் - யார் செலவழிப்பார்கள்? ஆகவே தேவைகளுக்குப் பணத்தைச் செலவழியுங்கள்.

2. இரசிக்க வேண்டியதை ரசியுங்கள். அனுபவிக்க வேண்டியதை அனுபவியுங்கள். மொத்தத்தில் enjoy பண்ண வேண்டியதை எஞ்சாய் பண்ணுங்கள்.

3. முடிந்த அளவு, தான, தர்மம் செய்யுங்கள். பணத்தை வைத்துப்

பிறருக்கு உங்களால் முடிந்த அளவிற்கு உதவுங்கள்.

4. உங்கள் குழந்தைகளையோ அல்லது பேரக்குழந்தைகளையோ,

நீங்கள் செத்த பிறகு தான், உங்கள் பணம் அவர்களுக்குக் கிடைக்கும்

என்கின்ற நிலைமையை, நினைப்பை உண்டாக்கி விடாதீர்கள்.

5. நீங்கள் செத்த பிறகு உங்களுடைய பணம் என்ன ஆகும் என்றோ அல்லது உங்களை யார் பாராட்டுவார்கள் அல்லது திட்டித் தீர்ப்பார்கள் என்ற கவலை எல்லாம் உங்களுக்கு வேண்டாம். அதைக் கேட்பதற்கோ அல்லது பார்ப்பதற்கோ நீங்கள் இருக்கப் போவதில்லை.

6. நீங்கள் கஷ்டப்பட்டு சம்பாதித்து, சேர்த்த பணம் சொத்து எல்லாம்

ஒரு நாள் உங்களை விட்டுப் போகப் போகிறது. அதைத் தடுப்பதற்கும்

அல்லது காப்பாற்றுவதற்கும் நீங்கள் இருக்கப் போவதில்லை. அதை

மனதில் வையுங்கள்!

7. உங்கள் குழந்தைகளுக்காக அதிகம் கவலைப் படாதீர்கள். அவர்களின் வாழ்க்கை அவர்களுடைய தலை விதிப்படி தான் நடக்கும். அதில் உங்கள் பங்காற்றலுக்கு எந்த வாய்ப்பும் இல்லை. நோ சான்ஸ் ஃபார் யூ!

8. நீங்கள் மாங்கு மாங்கென்று என்ன தான் உழைத்தாலும், தினசரி

வாழ்க்கை  ஒரே மாதிரி சீராக இருக்காது. தொட்டிலில் படுத்திருந்த

காலத்தில் இருந்து, சுடுகாட்டில் படுக்க வைக்கப்படும் காலம் வரை,

ஒரே மாதிரி இருந்தால், அதில் சுவாரசியம் எங்கே இருக்கும்?

ஒரு நாள் மகிழ்ச்சியோடு இருப்பீர்கள். ஒரு நாள் மகிழ்ச்சியின்றி இருப்பீர்கள். எல்லா தினங்களையும் ஒரே மனப்போக்கில் ஏற்றுக் கொள்ளுங்கள்.

”வந்ததை வரவில் வையுங்கள்

சென்றதை செலவில் வையுங்கள்”

அது தான் கவியரசர் கண்ணதாசன் எழுதி வைத்த மகிழ்ச்சிக்கான

சூத்திரம்!

9. எப்போதும் உற்சாகமாக இருந்தால் உங்களுக்கு ஏற்படும் நோய், நொடிகள் தானாகவே சரியாகும். உற்சாகத்துடனும் மகிழ்ச்சியுடனும் இருப்பவரை நோய் நொடிகள் அண்டாது!

10. உங்கள் உறவினர்களையும், நண்பர்களையும் போற்றி வைத்துக் கொள்ளுங்கள். அவர்கள் இல்லையேல் உங்கள்

வாழ்க்கை தனிமைப் பட்டுப் போய் விடும்!

11. மன அழுத்தம் ஏன் ஏற்படுகிறது தெரியுமா? எதிர்பார்ப்பிற்கும்,

நடப்பிற்கும் உள்ள இடைவெளி தான் மன அழுத்தத்தை உண்டு பண்ணும். அந்த இடைவெளி அதிகமாக, அதிகமாக, மன அழுத்தமும் அதிகமாகும். ஆகவே எதையும் எதிர் பார்க்காதீர்கள். எல்லாவற்றையும் ஏற்றுக் கொள்ளுங்கள்.

12. அடிக்கு அடி, சரிக்குச் சரி, என்ற போட்டி மனப்பான்மையை உதறித் தள்ளுங்கள். ஒரு நாய் நம்மைக் கடித்தால் அதை நாம் திருப்பிக்

கடிக்க முடியாது. ஆகவே உங்கள் தராதரத்தை, மேன்மையை விட்டுக் கொடுக்காதீர்கள். அடுத்தவர்களுக்கு உதாரணமாக இருங்கள். அது தான் நல்லது.

சுருக்கமாக, எதையும் ஒரு முறைக்கு இரு முறை யோசித்துச் செய்யுங்கள். புத்திசாலித்தனத்துடன் நடந்து கொள்ளுங்கள். நடப்பதை ஏற்றுக் கொள்ளுங்கள். வாழ்க்கை சுவையாக இருக்கும்!

👌👌👌

சிரிப்பு யோகா பயிற்சி செய்வதால் கிடைக்கும் நன்மைகள்

சிரிப்பு யோகா பயிற்சி செய்வதால் கிடைக்கும் நன்மைகள்
www.happy4all.org

சிரிக்கும் போது கிடைக்கும் நல்ல பலன்களை சிரிப்பு யோகா மூலம் எளிதில் பெற முடியும். சிரிப்பு யோகாவை பயிற்சி செய்வதால் மன ஆரோக்கியமும், உடல் ஆரோக்கியமும் நிறைவாக கிடைக்கும். சிரிப்பு யோகா உங்கள் மன நிலையை ஒருசில நிமிடத்தில் மாற்ற வல்லது. 

சிரிக்கும் போது மூளையில் உள்ள திசுக்கள் என்டோர்பீன் என்ற சுரப்பியை வெளியிடுகின்றன. இது உங்கள் மனநிலையை மகிழ்சியாக மாற்றும் அதுமட்டுமில்லாமல் நாள் முழுவதும் வழக்கமாக சிரிப்பதை விட அதிகமாக சிரிக்கவும் செய்வீர்கள். சிரிப்பு யோகா இதயத்திற்கு பயிற்சி அளித்து அதிக அளவு ஆக்சிஜனை உடலுக்கும் மூளைக்கும் கொண்டு செல்ல உதவுகிறது. 

இதனால் ஒருவர் மிகுந்த உற்சாகத்துடனும் ஆரோக்கியத்துடனும் இருக்க முடியும். சிரிப்பு யோகா என்ற ஒரு பயிற்சி மூலம் உடல், மனம் மற்றும் உணர்ச்சி தொடர்பான அனைத்து மன அழுத்தங்களையும் மாற்றி அமைக்க முடியும். சிரிப்பு யோகா மூலம் நமது நோய் எதிர்ப்பு சக்தி அதிகரிக்கின்றது. அதுமட்டுமல்லாமல் சர்க்கரை நோய், மூட்டு வலி, இதய நோய், முதுகு வலி, அழுத்தம், கவலை, ஆஸ்துமா, தலைவலி, மாதவிடாய் கோளாறுகள், புற்றுநோய் ஆகிய பற்பல நோய்களை குணமாக்க முடிகின்றது.

சோர்வை போக்க பத்து வழிகள்;

சோர்வை போக்க பத்து வழிகள்;

வெற்றி என்பது எப்போதோ ஏற்படும் ஒன்றாயிருந்தால் போதாது. தொடர்ந்து நடப்பதாய் இருக்க வேண்டும். அத்தகைய வெற்றிக்கு வாழ்வை ஆயத்தப்படுத்திக் கொள்ளும் எட்டு வழிகள்

1. எதைப்பற்றி யோசிக்கிறீர்கள் என்பதை யோசியுங்கள். துன்பம், உடல்நலக்குறைவு, தோல்வி பற்றிய எண்ணங்கள் வரும்போதெல்லாம், உங்கள் எண்ண ஓட்டங்களை மாற்றுங்கள்.

2. எதிர்பாராமல் ஒரு வாய்ப்பு ஏற்பட்டால் அதனைத் தொடர்ந்து பின்பற்றி பயன்படுத்திக்கொள்ளுங்கள் எதேச்சையாக நிகழ்வதை முழுவதும் பயன்படுத்திக் கொள்ளும் புத்திசாலித்தனத்திற்குத்தான் இந்த உலகம் அதிர்ஷ்டம் என்று பெயர் கொடுத்திருக்கிறது.

3. நல்லது நடக்கும் என்று திடமாக நம்புங்கள். தீவிரமான நம்பிக்கைகள் பொய்க்க வழியே இல்லை.

4. தவறுகள் ஏற்பட்டால் அவற்றை சரியான கோணத்தில் பார்த்துப் பழகுங்கள். அதிலிருந்து படித்த பாடமென்ன, அந்தத் தவறு மீண்டும் நேராமல் பார்ப்பது எப்படி என்றெல்லாம் ஆராயுங்கள்.

5. செத்த பாம்பை அடிக்காதீர்கள். மீட்கவே முடியாத திட்டம் என்று ஒன்று முடிவாகிவிட்டால், அதில் பணத்தையும் நேரத்தையும் விரயம் செய்யாதீர்கள்.

6. மகிழ்ச்சி என்பது மனம் சார்ந்தது. உங்களுக்கு வழங்கப்பட்டிக்கும் வாழ்க்கையை முழு மகிழ்ச்சியுடன் ஏற்றுக்கொண்டு அதனை மேம்படுத்தப் பாருங்கள். தன்னிரக்கம், தாழ்வு மனப்பான்மை ஆகியவற்றுக்கு எக்காரணம் கொண்டும் இடம் தராதீர்கள்.

7. தோல்வி என்பது, தங்களைத் தயார் செய்து கொள்ளாதவர்களின் விருப்பத் தேர்வு. திட்டமிடாமை, தயக்கம், செயல்படுவதில் சுணக்கம் எல்லாம் கொண்டவர்களுக்கே தோல்வி வருகிறது.

8. மகிழ்ச்சி – சோர்வு, இரண்டுமே எங்கிருந்தோ வந்து உங்களைத் தொற்றிக் கொள்கிற விஷயமல்ல. இரண்டுமே நீங்களாக உங்கள் வாழ்வில் உருவாக்கிக் கொள்கிற விஷயங்கள்தான். எதைப் படிக்கிறீர்கள், யாருடன் பழகுகிறீர்கள் என்பதையெல்லாம் பொறுத்தே இவை ஏற்படுகின்றன.

9. நல்ல நண்பர்களின் பழக்கம் நல்ல புத்தகம் படிபடர்க்கு சமம் .

10.ஏதேனும் லட்சியம் ஒன்றின் உங்களுக்குள் ஏற்படுத்தி கொள்ளுங்கள் 

ரிலாக்ஸ் டெக்னிக்!

ரிலாக்ஸ் டெக்னிக்! - www.v4all.org 

நீங்கள் இருக்கும் சூழலை பிடித்தமானதாக மாற்றிக் கொள்ளுங்கள். தோழியை அழைத்துக் கொண்டு ஷாப்பிங் செல்லலாம். குழந்தைகள் நிறைந்த இல்லங்களுக்கு சென்று சிறு உதவிகள் செய்யலாம். இயற்கையான சூழலில் பேசியபடியை காலாற நடக்கலாம். பசுமையும், அழகும் டென்சன் குறைக்கும். வீட்டில் குழந்தைகள் இருக்கும் பட்சத்தில் அவர்களுடன் நேரம் செலவளித்தால் மனதில் மகிழ்ச்சி ததும்பும். * வீட்டில் நீண்ட நாள் அடுக்கப்படாத அலமாரியை சுத்தம் செய்தல், தோட்ட வேலைகள், வீட்டில் உள்ள பொருட்களை இடம் மாற்றி தோற்றத்தை புதிதாக்குவது என உடலுக்கு வேலை கொடுக்கும் போது மனம் அமைதி அடைகிறது. வீட்டின் அல்லது தோட்டத்தின் புதிய தோற்றம் மனதை அழகாக்கும். * இசைப்பிரியர்கள் பிடித்த பாடல்களை ஓட விட்டு கண்களை மூடியபடி இசையில் கரையலாம். மாற்றுச் சிந்தனை உள்ள புத்தகங்கள் படிக்கலாம். இதன் மூலம் மனதில் ஓடிக் கொண்டிருக்கும் பிரச்னையின் தீவிரம் குறையும். * எந்த ஒரு பிரச்னையையும் நேர்மறையாக அணுகுவது கூடுதல் பலன் தரும். அப்போது தான் பிரச்னையை முழுமையாகப் புரிந்து கொண்டு அதனை

தீர்ப்பதற்கான வழி வகைகளை உருவாக்க முடியும். பிரச்னை என்பது இயல்பானது என்ற புரிதல் தைரியத்தை அளிக்கும். பிரச்னைகளே நம்மை அடுத்தடுத்த வளர்ச்சிக் கட்டங்களுக்கு அழைத்துச் செல்கின்றன என்ற பார்வை நம்மை வெற்றியை நோக்கி நகர்த்தும். பிரச்னைகள் வேலையில் அல்லது நமது திறமையில் நம்மை ஒரு படி அதிகமாக வளர வைக்கின்றன. பிரச்னையை சமாளிப்பதற்காக நாம் எடுக்கும் முயற்சிகள் முன்னோக்கித் தள்ளுகின்றன. தான் என்கிற எண்ணம் மனிதர்கள் மத்தியில் மிக ஆழமாக வேரூன்றியுள்ளது. தன்னை மிகச்சாதாரணமான விஷயத்துக்காக யாராவது குறை கூறினாலும் அதை அவமானமாகக் கருதி கோபம் கொள்ள இந்த எண்ணம் வழிவகுக்கிறது. இன்றைய குட்டிச் செல்லங்களிடம் இந்தப் போக்கைக் காணலாம். இதுவே மன உளைச்சல் மற்றும் மன அழுத்தம் உள்ளிட்ட உளவியல் சிக்கல்களை உருவாக்குகிறது. இந்த மன அழுத்தம் மூளையின் ரசாயன சுரப்பில் மாற்றங்களை ஏற்படுத்துவதுடன் உடலைத் தாக்கும் நோய்களுக்கு அடித்தளம் இடுகிறது. மன அழுத்தம் ரத்த அழுத்தத்துக்கு காரணம் ஆவதுடன் மாரடைப்பு போன்ற பாதிப்புகளை உருவாக்கும் அளவுக்கு கொடுமையானது. இந்த மன அழுத்தம் எனும் வில்லனை ரிலாக்ஸ் டெக்னிக் மூலம் கிச்சுக் கிச்சு மூட்டி சிரிக்க வைக்கலாம். தான் என்ற எண்ணத்தை விட்டு கீழே இறங்கி வாருங்கள். ஆம் நீங்கள் இந்த உலகில் வாழும் கோடிக்கணக்கான மனிதர்களில் ஒருவர். இந்த உலகம் தோன்றியதில் இருந்து உருவான புல், பூண்டு, பூச்சிகள் வரிசையில் நீங்கள் எத்தனையாவது பிறப்பு என்று யோசித்திருக்கிறீர்களா? நாம் அவ்வளவு சாதாரணமானவர்களே. எதற்கு இவ்வளவு ஈகோ! உங்கள் முன் நடக்கும் எந்த விஷயத்தையும் எளிமையாக எடுத்துக் கொள்ளுங்கள். * ஓரளவுக்கு மனம் சமாதானப்படுவதற்கான இது போன்ற செயல்முறைகளை பின்பற்றலாம். பிரச்னையின் விளைவாக உடலில் உண்டான சோர்வினைப் போக்க தரையில் மல்லாந்து படுத்து கைகளை விரித்தும் சேர்த்தும் எளிய பயிற்சிகள் செய்யலாம். மன உளைச்சல் ஏற்படும் போது கழுத்து, மேல்முதுகு ஆகியவற்றின் தசைகள் மன அழுத்தத்தின் காரணமாக இறுகி விடுகிறது. கழுத்துப் பகுதி தசைகளைப் பிடித்து விடுவதன் மூலம் மன அழுத்தம் குறைந்து இதமாக உணரலாம். * யோக பயிற்சிகள் மூலம் உடலில் சேர்ந்த சோர்வை விரட்டலாம். தியானப் பயிற்சி செய்து மனதை ஒருநிலைப் படுத்தலாம். மனம் சிறகடிப்பதன் மூலம் மீண்டும் உற்சாகத்துடன் நம் செயல்களைத் துவங்கலாம். இப்போது திரும்பிப் பாருங்கள் பிரச்னை துண்டைக் காணோம், துணியைக் காணோம் என ஓட்டம் எடுத்திருக்கும். புன்முறுவலுடன் அதனை எதிர்கொள்ளுங்கள். மிகப்பெரிய பிரச்னைகள் கூட உங்களைப் பார்த்து பயப்பட ஆரம்பிக்கும். எல்லாம் புரிகிறது. என்னால் கோபத்தை கட்டுப்படுத்த முடியலையே என்று தவிப்பவர்களுக்கு இருக்கவே இருக்கு ரிலாக்ஸ் டெக்னிக். * மனசு குழப்பமா இருக்கா? உங்களுக்கு நம்பிக்கையான நண்பர் மற்றும் மனதுக்கு நெருக்கமானவர்களிடம் மனம் விட்டுப் பேசுங்கள். இப்போது மனதின் பாரம் கொஞ்சம் குறைந்த மாதிரித் தோன்றும். அவர்கள் அளிக்கும் யோசனை பிரச்னையின் இறுக்கமான பிடியில் இருந்து உங்களை தளர்த்திக் கொள்ள உதவும். * நீங்கள் இருக்கும் சூழலை பிடித்தமானதாக மாற்றிக் கொள்ளுங்கள். தோழியை அழைத்துக் கொண்டு ஷாப்பிங் செல்லலாம். குழந்தைகள் நிறைந்த இல்லங்களுக்கு சென்று சிறு உதவிகள் செய்யலாம். இயற்கையான சூழலில் பேசியபடியை காலாற நடக்கலாம். பசுமையும், அழகும் டென்சன் குறைக்கும். வீட்டில் குழந்தைகள் இருக்கும் பட்சத்தில் அவர்களுடன் நேரம் செலவளித்தால் மனதில் மகிழ்ச்சி ததும்பும்.

வெற்றிக்கான 20 யோசனைகளை - www.v4all.oeg

Kemmons Wilson (Founder Of Holiday Inn Hotels)-ன் வெற்றிக்கான 20 யோசனைகளை

இன்று உலகில் அதிக ஹோட்டல்களை கொண்ட நிறுவனம் Holiday Inn. Holiday Inn நிறுவனத்திற்கு உலகின் பல நாடுகளில் ஹோட்டல்கள் உள்ளன. Holiday Inn நிறுவனத்தை தொடங்கியவர் Kemmons Wilson. அவர் வெற்றிக்காக 20 யோசனைகளை கொடுத்துள்ளார்.

Kemmons Wilson

Kemmons Wilson-ன் வெற்றிக்கான 20 யோசனைகளை (20 Tips for Success): 

தினமும் அரை நாள் கடுமையாக உழையுங்கள். ஒரு நாளுக்கு இருபத்துநான்கு மணி நேரம் இருக்கிறது. இதில் பன்னிரண்டு மணி நேரம் .. அதாவது அரை நாள் நாம் முன்னேறுவதற்காக முழு மூச்சுடன் பயன்படுத்தினால் வெற்றி வசப்படும் (Work only half a day).

உழைப்புதான் எல்லா வாய்ப்புகளையும் திறக்கும் சாவி (Work is the master key that opens the door to all opportunities).

ஒரு மனிதனின் வெற்றி அல்லது தோல்விக்கு அவரின் அறிவுத்திறனை விட மனப்பாங்கே முக்கிய பங்காற்றுகிறது (Mental attitude plays a far more important role in a person’s success or failure than mental capacity).

வெற்றி ஏணியில் ஒவ்வொரு படியாகத்தான் ஏறவேண்டும் (Remember that we all climb the ladder of success one step at a time).

ஒரு மரத்தின் உச்சியை அடைய இரண்டு வழிகள் உண்டு. ஒன்று யாராவது ஏற்றி விடுவார்கள் என்று காத்திருப்பது, மற்றொன்று நாமே ஏறுவது (There are two ways to get to the top of an oak tree. One way is to sit on an acorn and wait; the other way is to climb it).

வாய்ப்புகளை ஏற்றுக்கொள்ள பயப்படாதீர்கள். (Do not be afraid of taking a chance. Remember that a broken watch is exactly right at least twice every 24 hours).

மகிழ்ச்சியின் ரகசியம் பிடித்ததை செய்வதில் இல்லை, செய்யும் காரியத்தை பிடித்ததாய் ஆக்கிகொள்வது. ( The secret of happiness is not in doing what one likes, but in liking what one does).

முடியாது, பிடிக்காது போன்ற வார்த்தைகளைச் சொல்லவே கூடாது (Eliminate from your vocabulary the words, “I don’t think I can” and substitute, “I know I can.”).

பாதுகாப்பாக ஒரே இடத்தில் இருப்பது வளர்ச்சிக்கு உதவாது (In evaluating a career, put opportunity ahead of security).

வெற்றிக்கு தேவை பாதி அதிர்ஷ்டம், பாதி அறிவு (Remember that success requires half luck and half brains).

வெற்றியடைய துணிச்சலாய் காரியங்களை செய்ய வேண்டும் (A person has to take risks to achieve)

சம்பாதிப்பதை விட அதிகமாக உழைக்கவில்லையென்றால், உழைக்கும் அளவை விட அதிகமாக சம்பாதிக்க இயலாது (People who take pains never to do more than they get paid for, never get paid for anything more than they do).

மற்றவர்களை உங்களுக்காக உழைக்க வைப்பதில் புத்திசாலித்தனம் இருக்கிறது (No job is too hard as long as you are smart enough to find someone else to do it for you).

வாய்ப்புகள் அடிக்கடி வரும். வாய்ப்பு அடிக்கடி தட்டும்போது காதுகளை வாய்ப்புகளை கேட்பதற்கும், கண்களை வாய்ப்புகளை பார்பதற்கும், கைகளை வாய்ப்புகளை பற்றுவதற்கும், மூளையை வாய்ப்புகளை பயன்படுத்துவதற்கும் பழக்கப்படுத்துங்கள் (Opportunity comes often. It knocks as often as you have an ear trained to hear it, an eye trained to see it, a hand trained to grasp it, and a head trained to use it).

எதையும் நாளை என்று தள்ளிப் போடக்கூடாது (You cannot procrastinate – in two days, tomorrow will be yesterday).

கைகடிகாரத்தைக் கொடுத்துவிட்டு அலாரம் கடிகாரம் வாங்குங்கள் (Sell your wristwatch and buy an alarm clock).

வெற்றிகரமான மனிதர் ஊக்கத்தை தன்னிடமிருந்து தொடங்குகிறான். சுய ஊக்கத்திற்கான பொறி அவர்களிடமே இருக்கும். (A successful person realizes his personal responsibility for self-motivation. He starts himself because he possesses the key to his own ignition switch).

கவலைப்படாதீர்கள், கடந்த காலத்தை உங்களால் மாற்ற முடியாது. எதிர்காலத்தை பற்றி கவலைபட்டால் உங்கள் நிகழ்காலம் அழிந்துவிடும். கவலையில் எந்த நன்மையையும் கிடையாது (Do not worry. You can’t change the past, but you sure can ruin the present by worrying over the future. Remember that half the things we worry about never happen, and the other half are going to happen anyway. So, why worry?).

உங்களிடம் எவ்வளவு இருக்கிறது என்பது மகிழ்ச்சி உருவாக்காது. உங்களிடம் இருப்பதை எவ்வளவு கொண்டாடுகிறீர்கள் என்பதில்தான் மகிழ்ச்சி உருவாகும். (It is not how much you have but how much you enjoy what you have that makes happiness).

கடவுளை நம்புங்கள் (Believe in God and obey the Ten Commandments).

ஆளுமைத் திறன்-தன்னம்பிக்கை-எண்ணங்கள்

ஆளுமைத் திறன்-தன்னம்பிக்கை-எண்ணங்கள் - www.v4all.org 

தன்னம்பிக்கை:

ஒவ்வொருவரின் வாழ்க்கையின் வளர்ச்சிக்கும் தன்னம்பிக்கை மிக அவசியம். தன்னம்பிக்கை வலுப்பெற தன்னை பற்றிய சுய பரிசோதனை முதலில் அவசியம்.

“நம்பிக்கை உள்ளவன் 50 தவறுகள் செய்கிறான், நம்பிக்கை இல்லாதவன் 5000 தவறுகள் செய்கிறான்.”

ஒரு மனிதனின் தன்னம்பிக்கை அவனது செயல்பாடுகளில் அவனுடைய ஆழ்ந்த ஈடுபாட்டை அதிகரிக்கும். தன்னம்பிக்கையோடு கூடிய சரியான செயல்முறை (Strategy) நிச்சயம் வெற்றி தரும்.

 ஆளுமைத் திறன்:

ஆளுமைத் திறன் என்பது ஒருவனுடைய சிந்தனையால் அல்லது செயலால் பிறரிடம் ஏற்படும் பாதிப்பை குறிக்கிறது.ஆழ்ந்த, தெளிவான மற்றும் கூர்மையான மனநிலை உள்ளவனின் ஆளுமை பிறரிடம் அதிகமான பதிப்பை ஏற்படுத்துகிறது தனிமனிதனின் ஆளுமைதிறன் அவன் வாழ்க்கையையே மாற்றி அமைக்கிறது. ஒட்டுமொத்த மக்களின் ஆளுமைதிறன் சமுதாயத்தையே மாற்றியமைக்கிறது.

“அனைத்து சக்திகளும் உன்னில் உள்ளன; உன்னால் எதையும், எல்லாவற்றையும் சாதிக்க முடியும்"

ஒருவனுடைய ஈர்ப்பும், ஏர்ப்பும் அவனுடைய ஆளுமைதிறனை பொறுத்தே அமைகிறது. பொதுவாக பலமான மனநிலை உள்ளவனின் ஆளுமைதிறன் சற்று பலம் பொருந்தியதாகவும், பலவீன மனநிலை உள்ளவனின் ஆளுமைதிறன் சற்று குறைந்தும் காணப்படுகிறது.

"தொடர்ச்சியான பழக்கம், சீரான சிந்தனை, ஆழ்ந்த மனநிலை, ஒருவனுடைய ஆளுமைதிறனை அதிகரிக்கிறது. இவை மற்றவரிடமிருந்து சற்று உயர்வான இடத்தில் வைக்கிறது."

இதில் நம்பிக்கை கொள்ளுங்கள், பலவீனன் என்று ஒருபோதும் நம்பாதீர்கள். எழுந்திருங்கள், உங்களுள் இருக்கும் தெய்வீகத்தன்மையை வெளிப்படுத்துங்கள்.

  

எண்ணங்கள்:

எண்ணங்களே வாழ்க்கையை அமைக்கின்றன. ஒவ்வொரு மனிதனின் எண்ணங்களே அவனது வாழ்க்கைக்கு காரணமாய் அமைகிறது.

நல்ல எண்ணங்கள், நல்ல சிந்தனைகள், நல்ல சூழ்நிலையை உருவாக்குகின்றன. தீய எண்ணங்கள், தீய சிந்தனைகள், தீய சூழ்நிலையை உருவாக்குகின்றன.

இந்த பிரபஞ்சம் முழுவதுமே எண்ண அலைகளால் சூழப்பட்டிருக்கிறது. 

ஒவ்வொரு மனிதனின் வாழ்கையும், சுற்றுப்புறமும், செயல்பாடுகளும் இந்த எண்ண அலைகளாலேயே  வழிநடத்தப்படுகிறது.நல்ல சிந்தனையை விதைக்கும் மனிதன் நல்ல எண்ண அலைகளால் ஈர்க்கப்படுகின்றான். 

அதே எண்ண அலைகள் கொண்ட மற்றவர்களும் அவன்பால் ஈர்க்கப்படுகிறார்கள். அதேபோல் தீய சிந்தனையை விதைக்கும் மனிதன் தீய எண்ண அலைகளால் ஈர்க்கப்படுகிறான்.

நல்ல எண்ணங்களை விதைப்போம், நல்ல சமுதாயத்தை உருவாக்குவோம்.

வயிறு வலி நிரந்தரமாக தீர அற்ப்புதமான வழிகள்.

வயிறு வலி நிரந்தரமாக தீர அற்ப்புதமான வழிகள்.

குழந்தைகளுக்கு மட்டும் தான்  வயிற்றில் அடிக்கடி  பூச்சி  சேரும் என்று இல்லை. இது பல பெரியவர்களுக்கும் இருக்கும் பிரச்சனை. எத்தனை  பெரியவர்கள். நமது கண் முன்னே தினம், தினம் வயிற்று  வலியால்  அவதிப்பட்டு கொண்டு இருக்கிறார்கள்.  பொதுவாக. நாம் அனைவருக்குமே. என்றாவது ஒருநாள். தலை வலி, வயிற்று  வலி இரண்டுமே வந்து இருக்கும். சிலருக்கு. தலை வலி, வயிற்று  வலி. நிரந்தரமாக இருக்கும். தலை வலிக்கான தீர்வை. சென்ற 11 அன்று செய்த பதிவில் பார்த்தோம். இன்று வயிற்று  வலிக்கான தீர்வை பாப்போம்.

 வயிற்று  வலி வர.  18இற்கும் மேற்பட்ட காரணங்கள்.  அதில் ஒன்றான  Food Alergy.  இது அடிக்கடி  நாம் அனைவர்க்கும் நடக்கும் ஒன்று.  நிரந்தரமாக சிலருக்கு  வயிற்று   வலி வர நான்கு   வைரஸ் கிருமிகள்  மிக முக்கியமான காரணம். அவை.


1]  RotaVirus
3] NoroVirus
4] AdenoVirus
5] AstroVirus.

ஆகிய நான்கு  வைரஸ் கிருமிகள்.நிரந்தர வயிற்று வலிக்கு  நிரந்தரமான காரணங்கள். மற்றும் வாயு தொல்லை, சிறு நீரகத்தில் ஏற்ப்படும் பிரச்சனை. இதை  தவிர்த்து.  Endometriosis  எனப்படும் நோயால் ஏற்ப்படும் வயிறு  வலி. பெண்களுக்கு மட்டுமே வரும். அது ஏன்? எதனால்? நாளை பாப்போம். இன்று. நிரந்தர வயிற்று  வலிக்கான நிரந்தர தீர்வை பாப்போம்.

அறுசுவைகளில் கசப்பும் ஒன்று. நாம் வாரத்தில் ஒரு நாளாவது  வேப்பம்பூ ரசம், பாகற்காய் சேர்த்து கொள்ள வேண்டும். நிறைய வெல்லம்  சேர்த்து பக்குவமாக வறுத்தால். பாகற்காய் கசக்காது. வேப்பம்பூ ரசம். அது சாப்பிடும் படி சுவையாக தான்  இருக்கும். ஒருமுறை சாப்பிட்டு தான்  பாருங்களேன். வயிற்று  வலியை  ஏற்படுத்தும்  ஐந்து கிருமிகளுக்கும்  வேப்பிலை எமன். சென்ற 17 அன்று. புற்று நோய்க்கான தீர்வாக. தொடர்ந்து 48 நாட்கள் செம்பு பாத்திரத்தில் துளசியை எட்டு மணி நேரம் ஊர போட்டு. வெறும் வயிற்றில் குடித்து வந்தால் புற்று நோய் பூரணமாக குணம் ஆகும். மேலும். 448 வித நோய்கள்  குணம் ஆகும் என்பதை  பார்த்தோம் அல்லவா. அந்த 448இல் வயிறு சம்பந்தபட்ட அணைத்து கோளாறுகளும் அடங்கும்.

 எலுமிச்சை சாறு. துளசி சாறு இரண்டையும் ஒன்றாக கலந்து. தினமும்  குடிப்பது. வயிற்றில் உள்ள அசுத்தங்களை சுத்தபடுத்தும். அது மட்டும் இல்லாமல். உடலில் ஜீரன சக்தியை அதிகரிக்கும். வாயு தொல்லை, அதனால் வரும் வயிறு வலி தொல்லை. இதனால் நீங்கும்,. மேலும். இது உடலில்  உள்ள நோய் எதிர்ப்பு சக்த்தியை அதிகரிக்கும்.  நமது உடலை சுற்றி ஒரு பாதுகாப்பு வளையத்தை ஏற்படுத்தும். அகத்திகீரை, மனத்தக்காளி  கீரை. இரண்டும்.  வயிறு வலிக்கு  சிறந்த உணவு. இவை  சற்று கசப்பாக தான்  இருக்கும். இதோடு. தேங்காய், வெல்லம்  இரண்டையும் சேர்த்து சமைப்பது. இதன் மருத்துவ குணம், சுவை இரண்டையும் கூட்டும். வெந்தயம், ஜீரகம், பெருங்காயம் மூன்றையும்  மோரில் கலந்து குடித்து வருதல். infection  னால்  வயிறுக்கு ஏற்ப்படும் பாதிப்புகளுக்கு சிறந்தது.

  மிக முக்கியமாக. வேப்பிலை, பாகற்காய்.இரண்டும்.  வயிறு வலி, வயிற்று  புழுக்கள், வயிறு அசுத்தம் அடைவதால் வரும் நோய்கள், வயிறு வலிக்கு காரணமாக இருக்கும் நான்கு  வைரஸ்கள். முதலியவற்றிற்கு எமன்கள்.  தாமிர பாத்திர துளசி நீரோ. அணைத்து வியாதிகளுக்குமே எமன்.

தேங்காய் பூலோகத்தின் கற்பக விருட்சம்

தேங்காய் பூலோகத்தின் கற்பக விருட்சம்

தேங்காய் சமையலில் சேர்த்து கொள்ளவே கூடாது என்னும் தேங்காய் மடையர்களின் சொல்லை பொருட்படுத்தாமல் தினமும் சமையலில் தேங்காய் சேர்த்து அதன் மூலம் பள, பள தோலுடன் தள, தளவென்று இளமையாக இருக்கும் மலையாள மக்களுக்கு நான் இந்த பதிவை சமர்பிக்கிறேன். நேற்று நெய் புராணம் பார்த்தோம். இன்று தேங்காய் புராணம் பார்ப்போம்.

சக்கரை வியாதி உள்ளவர்கள் தேங்காய் சேர்த்து கொள்ள கூடாது என்பது சரி தான். ஆனால் சிறு குழந்தைகளுக்கு கூட தேங்காய்யை கண்ணில் காட்ட கூடாது என்று சொல்பவர்களை தான் நான் தேங்காய் மடையர்கள் என்று குறிப்பிட்டேன். பீட்ரூட், கேரட்டில் கூட சக்கரை உள்ளது. ஆங்கில மருத்துவ உலகினருக்கு தேங்காய் மீது மட்டும் why this கொலவெறி.

மனித உடலில் 13 Vitamins. Minerals and Trace Elements 14 இருக்கும். இவற்றில் ஏதேனும் ஒன்று கூடினாலும் குறைந்தாலும் பிரச்சனை தானே.

மிகவும் பலவீனமாக உள்ள ஒரு கல்லூரி மாணவன் நல்ல டாக்ட்டர் ஒருவரிடம் சென்றான். அவர் அவனுக்கு உடம்பு நன்றாக தேருவதற்க்கு ஒரு டானிக் எழுதி கொடுத்தார். அதை காலையில் ஒரு ஸ்பூந் நைட் ஒரு ஸ்பூந் சாப்பிட வேண்டும் என்று சொன்னார். அவன் உடலை விட மனம் பலவீனம். ஓவர் நைட்ல அர்னால்ட் ஆணும்னு எலி குஞ்சு மாதிரி இருக்கற அந்த பையன் ஒரு பாட்டில் டானிக்யும் ஜூஸ் குடிக்கற மாதிரி ஒரே மடக்கில் குடிச்சான். அதன் பிறகு என்ன நடந்து இருக்கும் என்பது உங்களுக்கே தெரியும்.

உணவும் அதே மாதிரி தாங்க. இப்போ நெய்னு எடுத்துண்டா அது என்ன. ஒரு டானிக். ஒரு நாளைக்கி ஒரு ஸ்பூந் சேர்த்துக்கலாம். கடினமான உழைப்பாளிகள். உடற் பயிற்ச்சி செய்பவர்கள் ரெண்டு ஸ்பூந் சேர்த்துக்கலாம். அதையே சோறு திங்கும் அளவு தின்று. தினமும் நெய்யில் பொறித்த பலகாரங்களை தின்று அதனால் நோய் வந்தால் அதற்க்கு காரணம் நெய் அல்ல. அசட்டு தனம், கிறுக்கு தனம்.

இன்று பல படித்த மேல் தட்டு குடும்பங்களில் குழந்தைகளுக்கு கொடுக்கப்படும் உணவு. No Cocunut, No Oil, No Curd, No Ghee. சில வீடுகளில் No Milk also. அவ்வாறு உணவு கொடுத்தால் அந்த குழந்தைக்கு No Energy, No Power, No Stamina. ஆனால் குழந்தைகளுக்கு Noodles போன்ற குப்பை உணவுகளையும் கக்கூஸ் கழுவ நன்கு உபயோகப்படும் பெப்சி, கோக் போன்ற பானங்களையும் கொடுப்பார்கள். ஒரு குழந்தைக்கு பிடித்த உணவு, பிடிக்காத உணவு என்பது அந்த குழந்தையின் தாய் பழக்கப்படுத்துவதில் தான் இருக்கிறது. Noodles எப்பையாது உண்பதில் தவறில்லை. அதிலும் சக்த்துக்கள் இருக்கிறது. ஆனால் அது போன்ற அதிக சுவை மிகுந்த உணவுகளை விவரம் தெரிவதற்கு முன்பே ஊட்டி பழகினால் பின்னர் அதிக சக்த்து மிகுந்த கீரை போன்ற உணவுகள் குழந்தைகளுக்கு பிடிக்காமல் ஆகி விடும். அதனால் நீங்கள் சுவை மிகுந்த உணவுகளை முதலில் குழந்தைக்கு கொடுப்பதை விட சக்த்து மிகுந்த உணவுகளை கொடுத்து பழகுங்கள்.

எனக்கு இன்று வரை கீரை, பாகற்காய் போன்ற உணவுகள் பிடித்த உணவு. காரணம். எனது தாய் சிறு வயதிலேயே அதை கொடுத்து பழக்கினார். பீஸா, பர்கர் போன்ற உணவுகளின் சுவைகளை 12 வயதிற்கு மேல் தான் என் நாக்கு அறிந்தது. ஒழுங்காக சமைக்க தெரிந்தவர்கள் சமைத்தால் பாகற்காய் கசக்காது. கொழுப்பு என்பது என்ன. உடலில் இருக்க வேண்டிய சக்த்துகளில் அதுவும் ஒன்று. அந்த கொழுப்பு அதிகரித்தால் தான் வியாதி. கொழுப்பு சக்த்தே ஒருவரது உடலில் இல்லையென்றால் என்ன ஆகும் யோசித்து பாருங்கள். கொழுப்பு சக்த்துள்ள உணவுகளையே குழந்தைகளின் கண்ணில் காட்டாமல் வளர்ப்பது சரியா.

தேங்காய் உண்ணுவதன் மூலம் கிடைக்கும் நற்பலன்களை பார்ப்போம்.

1] வாழைப்பழம், ஆப்பிள்ளில் உள்ளதை விட அதிக ப்ரோடீந் தேங்காய்யில் உள்ளது.
2] தேங்காயில் உள்ள Fatty Acid. உடலில் உள்ள கெட்ட கொழுப்பை கரைக்கிறது
3] இதையம், சிறுநீரகம், கல்லீரல் குறைபாட்டிற்கு தேங்காய் மிக சிறந்த மருந்து.
4] புரதச் சத்து, மாவுச் சத்து, கால்சியம், பாஸ்பரஸ், இரும்பு உள்ளிட்ட தாதுப் பொருள்கள், வைட்டமின் சி, அனைத்து வகை பி காம்ப்ளக்ஸ் சத்துக்கள், நார்ச்சத்து என உடல் இயக்கத்துக்குத் தேவைப்படும் அனைத்துச் சத்துகளும் தேங்காயில் உள்ளன.
5] தேங்காய் பால் அல்சர்க்கு ஒரு மிக சிறந்த மருந்து. அதிக உடல் வலிமையை தர கூடியது
6] இளநீரை விட சிறந்த க்லூகோஸ் வாட்டர் உண்டா. அது வெறும் சக்தியை கொடுப்பது மட்டும் அல்லாமல் சக்தியை செரிக்கவும் உதவி புரிகிறது.
 7]வாதம், பித்தம், கபம் முதலான பல வியாதிகளுக்கு இளநீர் அரு மருந்து.
8]குடல் புழுக்களை இளநீர் அழிக்கிறது, காலரா நோய்க்கு நல்ல நிவாரணமும் அளிக்கிறது
9]ரத்தத்தில் உள்ள பிளாஸ்மாவிற்க்கு சிறந்த மாற்று பொருளாக இளநீர் பயன் படுத்தப்படுகிறது.
10ரத்தத்தில் உள்ள நச்சு பொருட்களை அழிக்க இளநீர் பயன்படுகிறது
11] தாய்ப்பாலில் எந்த அளவு புரத சக்த்து உள்ளதோ. அதற்க்கு இணையாக இளநீரிலும் உள்ளது.

தேங்காய் எண்னை
தேங்காய் எண்ணெய்யைக் கொண்டு தயாரிக்கப்படும் தைலங்கள் பல்வேறு நோய்களைக் குணப்படுத்துகின்றன. நாள்பட்ட தீராத புண்களுக்கு மருந்தாகத் தரப்படும் மத்தம் தைலம், தோல் நோய்களுக்கான கரப்பான் தைலம், வாத வலிகளைக் குணப்படுத்தும் கற்பூராதி தைலம், தலைக்குப் பயன்படுத்தப்படும் நீலபிரிங்காதித் தைலம், சோரியாசிஸ் நோய்க்குப் பயன்படும் வெப்பாலைத் தைலம், தலையில் உள்ள பொடுகுக்கு மருந்தாகும் பொடுதலைத் தைலம் ஆகிய தைலங்களில் தேங்காய் எண்ணெய்யின் பங்கு முக்கியமானது.

அலுவலகத்தில் உண்டாகும் டென்ஷனை குறைக்க எளிய வழிகள்

அலுவலகத்தில் உண்டாகும் டென்ஷனை குறைக்க எளிய வழிகள்

அலுவலகத்திற்கு செல்லும் பலருக்கும் அதிகப்படியான வேலைப்பளுவினால் உண்டாகும் டென்ஷனால் மனஅழுத்தம் ஏற்படுகிறது.

இத்தகைய மன அழுத்தத்தினால் ஒருவர் பாதிக்கப்பட்டால், அவர்களுக்கு வாழ்க்கையின் மீது வெறுப்பு வருவதோடு, எந்த ஒரு செயலையும் செய்ய முடியாமல் தவிப்பார்கள்.

வேலைக்கு செல்வது என்று முடிவெடித்துவிட்டால், நிச்சயம் சிலசமயங்களில் அங்கு அதிகப்படியான வேலையை செய்ய வேண்டிவரும். அப்படி அதிகப்படியான வேலையைச் செய்யும் போது, மனமானது சோர்ந்துவிடுவதோடு, உடல்நலத்தையும் பாதிக்கும்.

அதுமட்டுமின்றி, இந்த மன அழுத்தமானது வேலைப்பளுவினால் மட்டுமின்றி சுவையில்லாத உணவுகள், எரிச்சலூட்டும் வகையில் உடன் பணிபுரிவோர் செய்யும் செயல்கள், எதற்கு எடுத்தாலும் குறை சொல்லும் பாஸ் போன்றவற்றால் மூளையானது அதிக அளவில் அழுத்தத்திற்கு உள்ளாகிறது.

இதனால் உடல் ஆரோக்கியம் மட்டுமின்றி, உறவுகளிலும் விரிசலை ஏற்படுத்திவிடுகிறது.

ஆகவே எவ்வளவு தான் அலுவலகத்தில் வேலைப்பளு அதிகம் இருந்தாலும் செய்யும் வேலையை விரும்பி செய்தால் நிச்சயம் எவ்வளவு வேலை இருந்தாலும் மன அழுத்தத்தில் இருந்து எளிதில் வெளிவர முடியும்.

இங்கு அலுவலகத்தில் ஏற்படும் டென்சன் மற்றும் மன அழுத்தத்தில் இருந்து எளிதில் வெளிவர ஒருசில சிம்பிளான வழிகளை உங்களுக்காக கொடுத்துள்ளோம். அதைப் பின்பற்றுங்கள், நிச்சயம் மன அழுத்தத்தில் இருந்து வெளிவருவதோடு, எவ்வளவு வேலைக் கொடுத்தாலும், சந்தோஷமாக செய்யலாம்.

ஆழ்ந்து சுவாசித்தல்

டென்சன் அதிகரிப்பது போன்று இருந்தால், உடனே சிறிது நேரம் கண்களை மூடி ஆழ்ந்து சுவாசிக்க ஆரம்பியுங்கள். இதனால் மனமானது அமைதி அடைந்து, அதிகப்படியாக உணர்ச்சிவசப்படுவது கட்டுப்படுத்தப்பட்டு, டென்சனால் எடுக்கப்படும் தவறான முடிவுகளைத் தவிர்க்கலாம்.

அமைதியாக இருக்கவும்

அலுவலகத்தில் வேலை அதிகமாக இருக்கும் போது, பெரும்பாலானோர் வேலையை சீக்கிரம் முடிக்க வேண்டுமென்று அமைதியை இழந்து, ஒருவித பதற்றத்துடன் வேலையை செய்வார்கள்.

ஆனால் அப்படி தான் இருக்கக்கூடாது. எவ்வளவு தான் வேலை அதிகமாக இருந்தாலும், மனதை அமைதியாக வைத்துக் கொள்ள வேண்டும். அதற்கு சிறிது நேரம் தனியாகவோ அல்லது உடன் பணிபுரிவோருடனோ வாக்கிங் சென்று வாருங்கள்.

பாட்டு அல்லது பிடித்த வீடியோக்களை பாருங்கள்

மன அழுத்தத்தைக் குறைக்க வேண்டுமானால் அதற்கு முதலில் நன்கு சிரிக்க வேண்டும். ஏனெனில் சிரிப்பு ஒன்று தான் உடலுக்கும், மனதுக்கும் ஒரு நல்ல மருந்து. எனவே நல்ல குத்துப் பாட்டு கேட்பது அல்லது பிடித்த வீடியோக்களைப் பார்ப்பது, மன அழுத்தத்தில் இருந்து விடுவிக்கும்.

காபியை தவிருங்கள்

அனைவரும் காபி குடித்தால் டென்சன் குறையும் என்று நினைத்து அவ்வப்போது காபி குடிப்பார்கள். ஆனால் உண்மையில் காபி குடித்தால் டென்சன் தான் அதிகரிக்கும்.

ஏனெனில் காபியில் உள்ள காப்ஃபைனானது மனதை அமைதிப்படுத்த உதவும் அடினோசைனை குறைக்கும். ஆகவே காபியை அதிகம் குடிக்காதீர்கள்.

தியானம்

மனமானது அமைதியிழந்து இருக்கும் போது தியானம் செய்தால் மனம் மட்டுமின்றி, உடலும் ஆரோக்கியமாக இருக்கும். ஏனெனில் தியானம் செய்யும் போது உடலில் இரத்த ஓட்டமானது அதிகரித்து மனமானது அமைதியடையும்.

நல்ல உணவுகள்

மனதை அமைதிப்படுத்துவதற்கு ஒருசில உணவுகள் உள்ளன. அத்தகைய உணவுகளை டென்சனாக இருக்கும் போது சாப்பிட்டால் அவை மனதை அமைதிப்படுத்து. அதிலும் பாதாம், ஆரஞ்சு, ப்ளூபெர்ரி போன்றவை மன அழுத்தத்தைக் குறைக்க உதவும் உணவுப் பொருட்களாகும்.

வைட்டமின் சி அவசியம்

மன அழுத்தத்தை குறைப்பதில் வைட்டமின் சி என்னும் ஆன்டி-ஆக்ஸிடண்ட் பெரிதும் உதவியாக இருக்கும். எனவே வைட்டமின் சி அதிகம் உள்ள உணவுகளான ஆரஞ்சு, கேரட் மற்றும் இதர சிட்ரஸ் பழங்களை வேலை செய்யும் போது சாப்பிடுங்கள்.

தண்ணீர்

டென்சன் மற்றும் மன அழுத்தத்தைக் குறைக்க தண்ணீரை அடிக்கடி குடிக்க வேண்டும். இதனால் சோர்வடைந்துள்ள தசைகளை நீரானது அமைதியடையச் செய்வதோடு, மனதையும் அமைதிப்படுத்தும்.

மன அழுத்தம்

கட்டற்ற கலைக்களஞ்சியமான விக்கிப்பீடியாவில் இருந்து.

மன அழுத்தம் என்பது மனிதன் அல்லது விலங்கு உயிரினத்தில் உண்மையாகவோ அல்லது கற்பனையாகவோ, உடல் ரீதியாக அல்லது மன ரீதியாக ஏற்படும் தாக்கங்களுக்கு சரியான முறையில் எதிர்ச் செயலை செய்ய முடியாத நிலை தோன்றுவதன் தொடர்விளைவு அல்லது பின்விளைவாகும்^[1]. இந்த மன அழுத்தம் என்ற பதம் உயிரியல் மற்றும் உளவியல் அடிப்படையில் முதலில் 1930 ஆம் ஆண்டில் பயன்படுத்தப்பட்டது. இருப்பினும் அண்மைக் காலங்களில் இதுபற்றி மிக அதிகமாகப் பேசப்பட்டு வருகிறது.

மன அழுத்தத்தின் அறிகுறிகள் உடல், மன, பழக்கவழக்கம் தொடர்பில் மாற்றங்களை ஏற்படுத்தும். மன அழுத்தத்தின் பொதுவான அறிகுறிகளாக எச்சரிக்கை உணர்வு, அதிகரிக்கும் அதிரினலின் சுரப்பு, அதிகரிக்கும் சோர்வு, எளிதில் எரிச்சலடைதல் அல்லது கோபமடைதல், தசைகளில் ஏற்படும் இறுக்கம், எதிலும் கவனம் செலுத்த முடியாத நிலைமை போன்றவற்றுடன், அதிகரிக்கும் இதயத் துடிப்பு, தலைவலி போன்ற சில உடலியங்கியல்பிரச்சனைகளும் காணப்படும்^[2].

சொல்லியல் ஆரம்பம்[தொகு]

Hans Selye என்ற உட்சுரப்பியியலாளரால் முதன் முதலில் உயிரியலில் இந்த மன அழுத்தம் என்ற பதம் பயன்படுத்தப்பட்டது^[3]. பின்னர் எந்தவொரு தாக்கத்திற்கும் தவறான ஒரு உடற்றொழிலியல் எதிர் விளைவு கொடுக்கப்படும் நிலையை காட்டுவதாக இந்த பதத்தை விரிவுபடுத்தினார். மன அழுத்தத்தைத் தூண்டக்கூடிய காரணியினால், மிதமான எரிச்சல் அல்லது கோபம் கொள்ளும் நிலை தொடங்கி, மிகவும் தீவிரமான தொழிற்பட முடியாத நிலை வரையான பாதிப்பு ஏற்படுவதால், மன, உடல் நலத்தில் செயல் நிறுத்தம் ஏற்படலாம் எனக் கூறினார்.

அறிகுறிகள்[தொகு]

மன அழுத்தமானது வெவ்வேறு நிலைகளில் காணப்படுவதுடன், அறிகுறிகளும் வேறுபடும். இந்த அறிகுறிகள் மனிதருக்கேற்ப, சூழ்நிலைக்கேற்ப, தீவிரத்தின் அளவிற்கேற்ப வேறுபடும். இதனால் உடல் நலம் பாதிப்படைவதுடன், மனச்சோர்வும் ஏற்படும்.

• உணர்வு தொடர்பானவை: அதிகரித்த கவலை, மனக் குழப்பம், மனக் கலக்கம் அல்லது மனப் போராட்டம், எளிதில் எரிச்சலுறல் அல்லது கோபப்படல், மனதை ஓய்வாக வைத்துக்கொள்ள முடியாமல் உணர்தல், தனிமையாக உணர்தல், மனச்சோர்வு அல்லது உளச்சோர்வு
• உடற்றொழிலியல் இடர்கள்: தலைவலி, நெஞ்சுவலி போன்ற வலிகள், வயிற்றுப்போக்கு (Diarrhoea) அல்லது மலச்சிக்கல், (Constipation), குமட்டல் (Nausea), தலைச்சுற்றல் (Dizziness), அதிகரித்த இதயத் துடிப்பு
• பழக்கவழக்கம் தொடர்பானவை: மிக அதிகமாகவோ, மிகக் குறைவாகவோ உணவு உட்கொள்ளல், அதிக தூக்கம் அல்லது தூக்கமின்மை, சமூகத்திலிருந்து ஒதுங்கி இருத்தல், வேலைகளைப் பின்போடல், பொறுப்புக்களில் இருந்து ஒதுங்குதல், அதிகரிக்கும் மதுபானப் பாவனை,போதைப்பொருள் பாவனை, புகைத்தல் போன்றவற்றுடன் நகம் கடித்தல் போன்ற ஒழுங்கற்ற பழக்கங்கள்.

மனச்சோர்வு அல்லது உளச்சோர்வு நோய் (Depression)

• மனக்கவலை
• அதிகாலை தூக்கமின்மை
• மிகுந்த சோர்வு
• பசியின்மை
• எடை குறைவு
• அடிக்கடி அழுதல்
• தன்னம்பிக்கையின்மை
• எதிலும் ஆர்வமின்மை
• அதிகமான குற்ற உணர்வு
• அடிக்கடி தற்கொலை எண்ணங்கள்

மனச்சிதைவு நோய் (Schizophrenia)

• தொடர் துக்கமின்மை
• தனக்குத்தானே பேசிக் கொள்ளுதல்
• தனக்குத்தானே சிரித்துக் கொள்ளுதல்
• காதில் மாயக்குரல்கள் கேட்டல்
• அதிகமாக சந்தேகப்படுதல்
• அனைவரும் தன்னைப் பற்றியே பேசுவதாக உணர்வு
• சுற்றத்தார்கள் அனைவரும் தனக்கு எதிராக செயல்படுகின்றனர் என்ற தவறான எண்ணம்
• உடல் தூய்மை படிப்படியாகக் குறைதல்

மனப்பதட்ட நோய் - (Anxiety Disorder)

• நெஞ்சுப் படபடப்பு
• கை நடுக்கம்
• அதிகமாக வியர்த்தல்
• நெஞ்சுவலி
• எதிலும் கவனம் செலுத்த இயலாமை
• தூக்கக் குறைவு
• அடிக்கடி எரிச்சல் அடைதல்
• எதிர்மறையான எண்ணங்கள்

பய நோய் (Phobia)

• தனிமையில் இருக்க பயம்
• கூட்டத்தினைக் கண்டுபயம்
• புதிய நபர்களை எதிர்கொள்ளப் பயம்
• உயரமான இடங்களுக்குச் சென்றால் பயம்
• மூடிய இடங்களைக் கண்டு பயம்
• இந்த பயங்கள் தேவையற்றது என கருதி தவிர்க்க நினைத்தும் இயலாத நிலை
• எண்ணம் மற்றும் செயல் சுழற்சி நோய்
• திரும்ப திரும்ப ஒரே எண்ணங்கள் மனதிற்குள் வந்து தொல்லை தருவதும், அவை தேவையற்றது என தெரிந்து தவிர்க்க முற்பட்டும் முடியாத நிலை.
• ஒரு நாளின் பெரும் பகுதி இந்த எண்ணங்களோடு போராடுவதிலேயே செலவாகிவிடுவது
• திரும்ப திரும்ப ஒரே செயலைச் செய்து கொண்டு இருப்பது

உதாரணமாக:

• திரும்ப திரும்ப கை அழுக்காக இருப்பதாக நினைத்து கை அலம்புதல்
• பூட்டினை மீண்டும் மீண்டும் இழுத்து சரிபார்ப்பது
• பணத்தினை மீண்டும் மீண்டும் எண்ணி சரிபார்ப்பது
• ஒரு செயலை திரும்ப திரும்ப பலமுறை செய்தால் மட்டுமே திருப்தி ஏற்படுவது.
• தவிர்க்க முற்படும்பொழுது திருப்தியின்னையும், மனப்பதற்றமும் ஏற்படுவது.
• குளிப்பதற்கு அதிக நேரம் எடுத்துக் கொள்வது.

ஆளுமை கோளாறுகள் (Personality Disorders)

• அடிக்கடி கோபம் கொள்ளுதல்
• குறுகிய கால குணமாறாட்ட அறிகுறிகள்
• மற்றவர்களுடன் உள்ள உறவுகளை அடிக்கடி முறித்துக் கொள்ளுதல்
• உடல் உறுப்புகளைத் தானே காயப்படுத்திக் கொள்ளல்
• கலவரங்களில் ஈடுபடுதல்
• சமூகத்திற்கு எதிரான குற்றச் செயல்களில் ஈடுபடுதல்
• மற்றவர்களுடன் அதிகம் பழகாமல் தனித்து ஒதுங்கி வாழ்தல்
• பெற்றோர்களுக்குக் கீழ்ப்படியாமை
• எப்பொழுதும் சோர்வாகவும், மந்தமாகவும் இருத்தல்
• எப்பொழுதும் பதற்றமாக இருத்தல்

பெண்களும் மன அழுத்தங்களும்
மாதவிடாய் நாட்களுக்கு சிறிது முன்பாக

• அதிக எரிச்சல்
• கோபம்
• சோர்வு
• பதற்றம்
• இவை, மாதவிடாய் முடிந்ததும் சரியாகிவிடும்.

கர்பிணி பெண்களும் மனநோய்களும்

• குழந்தைகளுக்கு பால் ஊட்டாமை
• அடிக்கடி அழுதல்
• தூக்கமின்மை
• பசியின்மை
• தற்கொலை எண்ணங்கள்
• தனக்குத்தானே பேசிக்கொள்ளுதல், சிரித்துக்கொள்தல்

முதியோர்களை பாதிக்கும் மனநோய்கள்

• தொடர் தூக்கமின்மை
• மறதி
• பொருட்களை வைத்த இடத்தை மறத்தல்
• நாள், கிழமை மறந்து விடுவது
• உறவினர், நண்பர்களை மறந்து விடுவது
• அடிக்கடி எரிச்சல் கோபம் கொள்வது
• பசியின்மை

இதர மனநோய்கள்

• சாமியாட்டம்
• புகை பிடித்தல்
• மது அருந்துதல்
• கணவன் மனைவி பிரச்சனைகள்
• மனரீதியான பாலியல் பிரச்சினைகள்

குழந்தைகளை பாதிக்கும் மனநோய்கள்

• குழந்தைகள் பள்ளி செல்ல பயப்படுதல்
• படிப்பில் கவனம் குறைதல்
• அதிக கோபம் கொள்ளுதல்
• அடிக்கடி எரிச்சல் அடைதல்
• படுக்கையில் சிறுநீர் கழித்தல்
• மிக மிக அதிக சுறுசுறுப்போடு, ஆனால் கவனம் இல்லாமல் இருத்தல் (ADHD)
• கீழ்படியாமை
• அடிக்கடி பொய் சொல்வது
• திருடுவது
• குழந்தைக்கு திடீரென்று மூச்சு நின்றுபோய் திரும்பவருதல் (Breath holding spell)
• 2 வயதிற்கு மேற்பட்ட குழந்தைகள் (PICA) சாப்பாடு அல்லாத மற்ற பொருட்களை உண்ணுதல் (உதரணமாக சாம்பல், மண், பேப்பர், பென்சில் சாப்பிடுவது)
• மிக பிடிவாதம் பிடித்து தரையில் உருண்டு புரள்வது (Temper Tantrums)
• நன்றாக படிக்கும் மாணவன் திடீரென்று படிப்பில் பின்தங்குவது (Changes in academic performance)
• குழந்தையை பள்ளிக்கூடத்தில் சேர்க்கும்போது அம்மாவைவிட்டு பிரிதலில் பதட்டம் (Seperation anxiety disorder)