சாதனைக்கு என்ன தேவை?

இந்தியாவின் தொழில் மும்மூர்த்திகள் என்று எடுத்துக் கொண்டால் கால வரிசையில் மூன்றாம் இடத்தில் (டாட்டா, பிர்லா  ஆகியோருக்கு அடுத்தபடியாக) இருப்பவர் யார் என்று கேட்டால்  நம்நாட்டின் கடைக்கோடி குடிமகன்கூட கூறிவிடுவான் ‘அம்பானி’ என்ற பெயரை.

சாதனைக்கு என்ன தேவை?

எந்தவிதமான குடும்பத் தொழில் பின்னணியும் இல்லாமல் உருவான அற்புதமான சாதனையாளர் தீருபாய் அம்பானி. எப்படிப்பட்ட நிலையில் இருந்தாலும், சாதாரணப் படிப்பறிவே பெற்றிருந்தாலும்கூட உழைக்கத் தயங்காத குணமும், செயல்படுத்தத் தளராத மனமும் இருந்தால் போதும்; தொழில் சக்ரவர்த்தியாக உருவெடுக்கமுடியும் என்ற நம்பிக்கையை இன்று வரை இளைஞர்களின் மனதில் ஏற்றிவிட்டவர் இவர்.

திரஜ்லால் ஹிராசந்த் அம்பானி என்ற பெரிய பெயர் உங்களுக்குத் தெரிந்திருக்காமல் இருந்தாலும், அந்தப் பெயரின் அம்பானி என்பது உலகமறிந்த பெயர். ரிலையன்ஸ் என்கிற தொழில் சாம்ராஜ்யத்தை நிர்மாணித்த சக்ரவர்த்தி அவர்தான்.

வெற்றிகளின் ராஜ்ஜியம்

மூன்று லட்ச ரூபாய் முதலீட்டில்தான் தொழிலைத் தொடங்கினார் அம்பானி. அதிலிருந்து பல லட்சம் கோடிகளை எட்டிப் பிடித்த சாகசம் அவருக்குக் கை வந்தது. ஏழை என்பதன் துன்ப இலக்கணங்களை சுவடு மாறாமல் அனுபவித்த அவருக்கு இவ்வளவு பணம் எப்படி சேர்ந்தது?

அவர் பெற்ற வெற்றிகளின் அடிப்படை ரகசியம் என்ன?

துன்பங்களிலும் தொடர்ந்த கனவுகள்

குஜராத் மாநிலத்தில் உள்ள சோர்வாட் என்கிற சிறிய கிராமத்தில் 1932ம் ஆண்டில் பிறந்தார் அம்பானி. அவருடைய  தந்தையார் ஓர் ஆசிரியர். அம்பானியுடன் பிறந்தவர்கள் மூன்று சகோதரர்கள், இரண்டு சகோதரிகள். பெரிய படிப்பும் இல்லை. பெரிய வசதியுமில்லை.

1935ம்  ஆண்டு தன்னுடைய 17ம் வயதில் அரேபிய வளைகுடாவில் இருந்த பிரிட்டிஷ் காலனியான ஏடன் தீவுக்கு, வேலைக்காகச் சென்றார். மாதச் சம்பளமோ ரூ.300தான். அந்த பர்மா ஷெல் கம்பெனியில் அம்பானியின் வேலை, கம்பெனியின் தந்திகளை அன்றாடம் அனுப்ப வேண்டும் என்பது மட்டுமே. அதற்கு அந்நிறுவனம் ரூ.5 ஆயிரம், 10 ஆயிரம் என்று செலவழித்துக் கொண்டிருந்தது.

கையில் காசே இல்லாத நிலையில்கூட ‘பர்மாஷெல்’ போன்ற கம்பெனியைத் தொடங்க வேண்டும் என்ற கனவுடன் உழைத்தான் அந்த இளைஞன். வலுப்பெற்ற அந்தக் கனவுடன் எட்டு ஆண்டுகள் சென்றதும் இந்தியாவுக்குத் திரும்பினான். அந்த ஆண்டு 1958. இந்திய தொழில் துறை வரலாற்றில் பொன்னெழுத்துக்களால் பொறிக்கப்பட வேண்டிய ஆண்டு அது.

விடா முயற்சியின் கனிகள்

மனைவி கோகிலா, கணவரின் ’வாழும் வித்தை’யைத் தெரிந்தவர். இந்த தம்பதிக்கு இரண்டு ஆண் குழந்தைகள். குடிசையில் வாழ்ந்தாலும் கோபுரம்தான் இலக்கு என்று யோசிப்பவர் அம்பானி. நண்பர்களை அணுகி, ரூ.15 ஆயிரத்தைக் கடனாக வாங்கினார் அம்பானி. முதலீடு கிடைத்துவிட்டது.

உடனே, ’ரிலையன்ஸ் கமர்ஷியல் கார்ப்பரேஷன்’ என்ற நிறுவனத்தைத் தொடங்கினார். ஏற்கனவே அவர் வேலை செய்து கொண்டிருந்த தொடர்புகளைக் கொண்டு மஞ்சள், முந்திரி, ஏலக்காய், இஞ்சி போன்றவற்றை ஏடனுக்குத் தொடர்ந்து ஏற்றுமதி செய்துவந்தார்.

அதன்பிறகு மெல்ல மெல்ல வாழ்வின் ஏணிப்படிகளில் உறுதியான அடி வைத்து உயரத் தொடங்கினார்.

சிங்கநடை போட்டு சிகரத்தில் ஏறு!

அடுத்து அவர் ரூ.1.5 லட்சம் முதலீட்டில் ரிலையன்ஸ் டெக்டைல்ஸ் என்றா  நிறுவனத்தைத் தொடங்கினார். அடுத்து ரேயான், நைலான் துணி வர்த்தகம், அதன்பின் ‘விமல்’ பிரிண்டில் துணி ரகரங்களின் தயாரிப்பு என அடுத்தடுத்த கட்டங்களுக்குச் சென்று கொண்டிருந்தார்.

விமல் என்பது அம்பானிக்குத் துணையாக தொழிலில் இருந்துவந்த மணிக்லாலின் மகன்பெயர். விமல் பிராண்டுகள் மக்களிடையே பெரிய வரவேற்பைப் பெறவும் நாடெங்கும் விமல் துணிக்கடைகள் திறக்கப்பட்டன. அதன் விளம்பரத்துக்காக முன்னுரிமை, முயற்சி, பணம் ஆகியவை தாராளமாக வாரி வழங்கப்பட்டன. விற்பனையும் லாபமும் கூடிக் கொண்டே இருந்தது.

அம்பானி தன்னுடைய தொழில் சாம்ராஜ்யத்தை விரிவாக்க விரும்பி பல்வேறு உரிமங்களைப் பெற்றார். தொழில் வளர்ச்சிக்கான ஆலோசனை வழங்க, திட்டங்களை நடைமுறைப்படுத்த என்று  திறமையான வல்லுநர்கள், நிர்வாகிகளைத் தேடிப்பிடித்து பணியில் அமர்த்தினார்.

வெற்றிக்கு முடிவு உண்டா?

“லைசென்ஸ் வாங்கிவிட்டீர்கள். இனி தொழிலில் வெற்றி ஓட்டம்தானே! ” என்று நண்பர் அவரிடம் கேட்ட போது அம்பானி அவரிடம் சொன்னது இது:

“அரசாங்கம் தொழிற்சாலை நடத்த ஒரு காகிதத்தில் லைசென்ஸ் கொடுத்து விட்டால், அப்புறம் நாம் செயல்படாமல் இருந்துவிட முடியுமா? 98% உழைப்பை வழங்கினால்தான் தொழிலில் வெற்றி உருவாகும். அத்தோடு நின்றுவிட முடியுமா? தொடர் வெற்றி என்பது நிற்காத உழைப்பால்தான் சாத்தியமாகும்” என்றார்.

கேள்வி கேட்ட நண்பர் மூக்கில் விரல் வைக்காத குறை!

சொன்னதோடு மட்டுமல்லாமல், சொன்னதைச் செய்தும் காட்டினார் அம்பானி. அது, வெற்றிக்குப் பின்னரும் வேகமான செயல்பாடு ஏன் தேவை என்று இளைஞர்களுக்கு இன்றளவும் புரிய வைக்கிறது.

தொழில் சாம்ராஜ்ய வளர்ச்சிக்குத் தேவையான அரசு உரிமங்கள், ஆணைகள், சலுகைகள் ஆகியவற்றைப்பெற, அவர் மேற்கொண்ட  அணுகுமுறைகளைக் குறித்து பல விமர்சனங்கள் உண்டு. ஆனால் அவற்றைப் பெரிதாக அம்பானி கண்டுகொள்ளவில்லை.

மேலும் தன்மீதான விமர்சனங்களை ஒப்புக்கொண்டு அவர் சொன்னது இதுதான்:

“எந்தவித அகந்தையும் இல்லாமல் சலாம் அடித்தே காரியங்களை முடித்துக் கொள்வேன். என்னுடைய தொழில் கொள்கை இதுதான்” என்றார்.

‘எதையும் பெரியதாக நினைக்க வேண்டும். அதையும் முன்கூட்டியே நினைக்க வேண்டும்’ என்பார் அடிக்கடி. அதேபோல, தான் கூறியவற்றை நடைமுறையில் பின்பற்றி வெற்றிகளையும் குவித்தார்.

”எனது வெற்றியே எனக்கு எதிரி”

எல்லாக் குடும்பங்களிலும் ஏற்படுகிற பிரச்சனை, அம்பானி குடும்பத்திலும் ஏற்பட்டது. அம்பானி வாழ்ந்த காலத்திலேயே அவருடைய இளைய மகன் அனில் அம்பானிக்கும், அவரின் ஒன்றுவிட்ட சகோதரர் ரம்னிக் லாலுக்கும் ஒத்துப் போகவில்லை. இது ஒருபுறமிருக்க, பாம்பேடையிங் சேர்மன் வாடியாவுடன் கருத்து வேறுபாடு ஏற்பட்டது.

ராம்நாத் கோயங்கா

இந்தியன் எக்ஸ்பிரஸ் ஆசிரியர் கோயங்கா, அம்பானிக்கு எதிரியானார். பத்திரிகைகளில் அம்பானியை விமர்சித்துக் காட்டமாக எழுதினார் கோயங்கா.

அப்போது அம்பானி என்ன சொன்னார் தெரியுமா?

“இராம்நாத் கோயங்கா என்னுடைய விரோதி இல்லை. என்னுடைய வெற்றியே எனக்கு விரோதியாக இருக்கிறது. பலர் முயன்று சிலர் மட்டுமே வெற்றியை அடைகிற சூழ்நிலையில், என்னைப் போன்றவர்களின் வெற்றி பொறாமையைத் தூண்டிவிடுகிறது” என்றார்.

உடலோடும் போராட்டம்

பிணியும் மூப்பும் 1986ம் ஆண்டில் அம்பானியைச் சந்தித்தன. பக்க வாதம் அவரைப் படுக்கையில் கிடத்திப் போட்டது. 54 வயதில் தாக்கிய அந்தத் தாக்குதல் 69 வயதில் அவர் மரணம் அடையும்வரை தொடர்ந்தது. இறுதியில் 2002ம் ஆண்டில் மறைந்தார் அம்பானி.

அவரது மறைவுக்குப்பின் அவருடைய குடும்பத்தில் வாரிசு சண்டை முகேஷ் அம்பானி, அனில் அம்பானி இருவருக்கும் இடையே நடந்தது. தாயாரின் சமாதானம் ரிலையன்ஸ் இன்றுவரை இரு நிறுவனங்களாகப் பிரித்து நிலைக்க வைத்திருக்கிறது.

”இப்படியே இருவரும்  ஒற்றுமையில்

தனது மகன்கள் முகேஷ், அனிலுடன் அம்பானி. (புகைப்படம்: நன்றி: இந்தியன் எக்ஸ்பிரஸ்)

லாமல் அடித்துக்கொண்டிருந்தால் அப்புறம் உங்கள் கணக்குவழக்குகளைச் சோதனையிட வேண்டியிருக்கும்” என்று அன்றைய நிதியமைச்சர் செல்லமாக இவர்களைக் கடிந்துகொண்டதும் வரலாறுதான்.

தொடங்கிய காலம் முதல் இன்றுவரை ரிலையன்ஸ் நிறுவனமும் அம்பானியும் சந்திக்காத விமர்சனங்களே இல்லை எனலாம்.

ஆனால் எது எப்படி இருந்தாலும் ’அம்பானி’ என்கிற அந்தச் சொல் கடும் உழைப்புக்கான எடுத்துக்காட்டாக, ஒரு மந்திரச் சொல்லாக இளைஞர்களுக்குள் தொடர்ந்து ஒலிக்கிறது.

தஞ்சை என்.ஜே.கந்தமாறன்

கிராமத்துத் தொழில்கள் என்றாலே ஏதோ சிறிய முதலீட்டில் தொடங்கி ஓசையின்றி நடத்தப்படுபவைதான் என்கிற எண்ணம் நமக்குள் உருவாகிவிட்டது.

கிராமத்துத் தொழில்கள் என்றாலே ஏதோ சிறிய முதலீட்டில் தொடங்கி ஓசையின்றி நடத்தப்படுபவைதான் என்கிற எண்ணம் நமக்குள் உருவாகிவிட்டது.

இது ஒரு தவறான கண்ணோட்டம். இன்று உலகறியத் தொழில் நடத்தி வரும் பல பிரபலமான தொழில் நிறுவனங்களின் உற்பத்திச் சாலைகள், தொழிற்சங்கங்கள் பலவும் இன்று கிராமப்புறங்களில்தான் அமைந்திருக்கின்றன.

நடந்தது என்ன?

பொருளாதார நுழைவுக்கு, இந்தியாவின் தாராளமய முகம் கிடைத்த பிறகு, இந்தியாவில் பிற நிறுவனங்களின் தேடல் கிராமப்புறங்களில் அமைந்தன.  அரசிடம் இருந்து கிடைக்கின்ற ஆதாய சலுகைகளை முன்னிட்டுத்தான் பல நிறுவனங்கள் தங்கள் தொழிற்சாலைகளை கிராமப்புறங்களில் தொடங்கின; கிராமப்புற வளர்ச்சியையோ,-ஊரகத் தொழில்களின் மேம்பாட்டைக் கருதித் தொடங்கப்படவில்லை என்பதே கசக்கும் உண்மை.

நகர்ப்புற விற்பனைப் பொருட்கள் கிராமச் சந்தைக்குள் நுழைகின்றனவே தவிர, கிராமம் சார்ந்த உற்பத்திப் பொருட்கள் நகர்ப்புற சந்தைகளில் நுழைவது என்பது விரல் விட்டு எண்ணக்கூடிய அளவில்தான் நீடிக்கிறது.

காரணம் என்ன?

கிராமப்புற தொழில்கள் பெரும்பாலும் உணவு சார்ந்த சிறு தொழில்களாக இருந்ததே முக்கியமான காரணம். இப்பொருட்களுக்கான தேவை அதிகரித்தபோது, உற்பத்திக்குத் தேவையான மூலப்பொருட்கள் கிராமத்தில் இருந்து நகரத்திற்குக் கொண்டு செல்லப்பட்டன.  நவீன இயந்திரங்களின் உதவியுடன் உற்பத்தி பெருகியது. அதனையடுத்து அத்தயாரிப்புகள் நகரச் சந்தைகளில் கவனம் பெற்றன. தலையைச் சுற்றி மூக்கைத்தொடுவதுபோல அவை நகரங்களில் இருந்து புது வடிவில் கவர்ச்சிகரமாக கிராமப் புறங்களுக்கும் நுழைந்தன.

எந்த ஒரு வணிக மதிப்பையும் தேவைதான் தீர்மானிக்கிறது. வியாபாரக் கண்ணோட்டத்தில வாடிக்கையாளர்களைக் கவர சில கவர்ச்சிகரமான கலவைகள் சேர்க்கப்பட்டதில் இயல்பான கலாச்சாரத் தயாரிப்புகளில் இருந்து கிராமங்களும் மாறின.

சந்தைக் கலாச்சாரம்

நுகர்வோர் தர்மம் அல்லது தொழில் தர்மம் என்றெல்லாம் வழங்கப்பட்ட சொற்கள் மெல்ல மெல்ல மறையத்தொடங்கின. நுகர்வோர் சந்தை என்கிற வணிகக் கலாச்சாரம் உருவாகத் தொடங்கியது. ‘நல்லதை விற்பனை செய்’ என்பது கேலி செய்யப்பட்டது. ‘எது விற்கிறதோ, அதனை உற்பத்தி செய்’ என்கிற வணிகத்தந்திரம் மரியாதையை அடைந்தது.

இதெல்லாம் எல்லா நாடுகளிலும் நடைபெற்றதுதான். ஆனால் மற்ற நாடுகளில் நடப்பதற்கும் இந்தியாவில் நடப்பதற்கும் ஏகப்பட்ட வேறுபாடுகள் உண்டு. இன்றும் 60% மக்கள் விவசாயத்தை நம்பியிருக்கிற நாடு இது. காவிரி நீருக்கு இன்றுவரை தமிழகத்துக்கும் கர்நாடகத்துக்கும் இழுபறி ஓடிக்கொண்டிருக்கிறது. விவசாயம் சார்ந்த துணைத்தொழில்கள், கிராமியத் தொழில்கள் இந்தியாவில் நசுங்குவது, தேசத்தின் இதயத்தைக் கசக்குவது போன்றது.

இப்போது நீங்கள் விளம்பரங்களில் காணுகின்ற ’கை மணம்’, ’பாரம்பரியம்’, ’அந்தப் பகுதி உணவு வகை’, ’செய்முறை’ என்று குறிப்பிடுவதெல்லாம் சந்தையைப் பிடிப்பதற்காகத்தான் என்பதை நாம் புரிந்து கொள்ள வேண்டும்.

கிராமியப்பொருட்கள் கார்ப்பரேட்கள் கைக்கு போவது ஒருபுறம் இருக்கட்டும். இன்று கிராமமே கார்ப்பரேட்கள் கைக்குப் போகிறது. இதனை வெகுநாட்களுக்கு அமைதியாக வேடிக்கை பார்த்துக் கொண்டிருக்க முடியாது.

அப்படியானால் என்ன செய்வது?

கிராமியத்தொழில்களுக்கு உயிர் கொடுப்பதுதான் ஒரே வழி. பகாசுர நிறுவனங்களுடன் ஒரு எளிய கிராமத்து மனிதன் போட்டிபோட்டு எப்படி ஜெயிப்பது என்று மலைக்க வேண்டியதில்லை. குழுவாகச் சேர்ந்து செய்யும் தொழில்களில் கூடுதல் பலம் காட்ட முடியும்.

gopal

இன்றைக்கும் ஆர்.எஸ். கிருஷ்ணா அண்ட் கோவின் ‘ஒரிஜினல் தென்னமரக்குடி எண்ணெ’யும் அஞ்சால் அலுப்பு மருந்தும் 1431 பயோரியா பல்பொடியும் கோபால் பல்பொடியும் நீலி பிருங்காதி, கேசவர்த்தினி கூந்தல் தைலமும் தங்கள் இடத்தை விட்டுக்கொடுக்காமல்தானே இருக்கின்றன!

கூடித்தொழில் செய்வது என்று முடிவானபின் அதற்கு ஒரு வடிவம் தேவைப்படுகிறது அல்லவா? அதுதான் சுய உதவிக் குழுக்கள் எனும் வடிவம். கடந்த 20 ஆண்டுகளில் இந்த வடிவம் உருவான பிறகு பல நல்ல கிராமியத் தொழில்கள் சார்ந்த உற்பத்தியும், நகர்புறம் சார்ந்த தேவைத் தொழில்கள் என இரண்டுமே சிறப்பாகச் செயல்பட்டு வருகின்றன என்பதை மறுக்க முடியாது.

சிந்திக்க வேண்டிய சிக்கல்கள்

பகுதி சார்ந்த அடையாளங்களை பிராண்டாகவே வைத்துக் கொண்டு (திருநெல்வேலி அல்வா, கும்பகோணம் பில்டர் காஃபி, ஆம்பூர் பிரியாணி முதலியவை எடுத்துக்காட்டுகள்) பிரபல நிறுவனங்கள் வளர்ச்சி அடையும் போது, அப்பகுதியில் உள்ள அதன் பாரம்பரிய மணமும் அறிந்தவர்கள், அத்தொழில் தொடங்கி ஏன் வெற்றி  பெற இயலவில்லை?

காரணம், பயிற்சியின்மை, தொழில்நுட்பம் எளிதில் கிடைக்காமை, சந்தை எங்கு இருக்கிறது என்கிற தெளிவின்மை ஆகியவைதான்.

coaching

எளிய தொழில்களா? பயிற்சி வேண்டுமா? தேவைப்படும் பயிற்சியை எடுத்துக்கொள்ளுங்கள். சில பயிற்சிகளுக்கு குறுகிய காலப் பயிற்சி போதுமானது. எடுத்துக்காட்டாக, எழுதுபொருள் (ஸ்டேஷனரி) உற்பத்தியைப் பொறுத்தவரை அலுவலகக் கவர்கள் பைண்டிங் போன்ற பணிகளைப் புரிந்துகொள்ள ஒருநாள் பயிற்சி போதுமானது. கண் மை, வாஷிங் சோப், சாந்துப் பொட்டு, குல்கந்து போன்றவற்றுக்கு இரண்டு முதல் ஒருவார பயிற்சி தேவைப்படும்.

முதலீடும் வளர்ச்சியும்

மேற்கண்ட பயிற்சிகளைப் பெற்று முதலில் குடும்ப உறுப்பினர்களின் உதவியுடன் தொழிலை மேற்கொள்ள வேண்டும். பின்னர் அருகில் உள்ள நகரங்களில் கடை உரிமையாளர்களைச் சந்தித்து, ஆர்டர்களைப் பெற்று அதற்கேற்ப உற்பத்தியை விரிவாக்கலாம்.

மேலும் கிராமிய வளர்ச்சி சார்ந்த அரசின் திட்டங்கள், மகளிர் நலத்திட்ட வழிமுறைகள், மேம்பாட்டுத் திட்டங்கள், வங்கிகள் வழங்கும் சுயநிதிக் குழுக்கள் மூலமான எத்தனையோ திட்டங்கள் உண்டு. அவற்றையும் பயன்படுத்திக்கொள்ளலாம்.

வெற்றிக்கான வழிகள்:

ஒன்றை நீங்கள்  தெரிந்து கொள்ள வேண்டும். தொழில் நடத்த இடம் தேர்வு செய்வதில் இருந்த, தொழிலைப் பற்றிய அடிப்படை அறிவு, (முன் அனுபவம் கொஞ்சம் இருந்தாலும் போதும்) அவ11865302515_42b725cf53_bசியம் இருக்க வேண்டும். தெரிந்த விவரங்களின் தெளிவு ரொம்ப முக்கியம்.

அடுத்து மூலப்பொருள்கள் எளிதில் கிடைக்கக் கூடிய சூழ்நிலை, தட்டுப்பாடு இல்லாத மின்சார வசதி, தடையின்றி கிடைக்கும் இடம், அனுபவம் மிக்க நபர்கள், இப்படி அனைத்தையும் கவனத்தில் கொண்டு தொழிலை ஆரம்பிக்க வேண்டும்.

”எந்தத்தொழிலில் லாபம் வரும்?” என்று கேட்பவர்கள் ஒன்றைத் தெரிந்து கொள்ள வேண்டும். எந்தத் தொழிலுமே நட்டம் அடையக் கூடியது அல்ல. அதேபோல இந்தத்தொழிலில் லாபம் மட்டுமே உறுதி என்றும் எந்தத்தொழிலும் இல்லை.

மேலும், பெரிய முதலீட்டில்தான் பெரிய லாபத்தை அடைய முடியும் என்பதில்லை. சிறிய முதலீட்டில்கூட சீரான லாபத்தை எடுக்க முடியும்.

அதற்கு பெரிய உதாரணங்கள் பல நம்மிடம் உண்டு. ஊரகத் தொழில்களைச் சிறிய அளவில் தொடங்கி உலகப் புகழ் பெற்றவர்கள் தென்னிந்தியாவிலும் உண்டு, வட இந்தியாலும் உண்டு. வாய்ப்பு கிடைக்கும்போதெல்லாம் அவர்களைப்பற்றிப் பேசுவோம்.

From- Munivu

பயமும் அதை சமாளிக்கும் முறைகளும்

மனம், சுபாவத்தில் எதிர்மறையானவற்றை கெட்டியாக  பிடித்துக்கொள்ளும் என்று பார்த்தோம் அல்லவா, வாழ்வில் பூரணமடையும் முறைகளைப் பற்றியும் படித்தோம். அதில் முதலில் கூறியது நம்பிக்கையைப் பற்றி.

இதன் எதிரிகள், பயமும், சந்தேகமும். முதலில் பயத்தை அறிந்து அதை  களைந்தெரிந்து விடுவோம். பயமும் அதை சமாளிக்கும் முறைகளும் பயம் என்பது அன்பு தலைகீழாக நிற்பது போன்றது என்பதால் அன்பால் விளங்கக்கூடிய அனைத்தையும் பயமும் விளங்கச் செய்யும். 

தாயினிடமே ஒட்டிக்கொண்டிருக்கும் குழந்தையின் ஒட்டுதலை அன்பாகவும் புரிந்து கொள்ளலாம். அல்லது பயத்தினால் ஏற்பட்டது என்றும் சொல்லலாம். பயத்தின் பிரதான உள்ளுணர்ச்சியை தெய்வீக அன்பை அறிந்து கொள்வதன் மூலம் முழுதாக மாற்றிவிடலாம்.முழுதாக குழப்பம் நிறைந்த சூழலிலும் அல்லது முற்றிலும் ஒழுங்கு நிறைந்த சூழலிலுமே பயத்தை முற்றிலும் துறப்பது சாத்தியம். ஞானிகளுக்கும், முட்டாள்களுக்கும் பயம் என்பதே தெரியாது. இடைப்பட்ட நிலையில் இருப்பவர்களுக்கு தான் பயம் ஆழ்ந்து இருக்கும். உலகில் ஒழுங்கை காப்பாற்ற பயம் முக்கியம். அதுவே பிரதான உள்ளுணர்ச்சி.

*இறப்பின் மேல் உள்ள பயம் வாழ்க்கையை போற்ற உதவும். 
*தவறைப் பற்றிய பயம் சரியான நிலையை காக்கும். 
*நோயைப் பற்றிய பயம் சுகாதாரத்தை ஊக்குவிக்கும். 
*துக்கத்தைப் பற்றிய பயம் தங்களை நியாய மானவர்களாகச் செய்யும்.

குழந்தைக்கும் ஒரு சிறிய பயம் இருப்பதால் அது கவனமாக நடக்கிறது. ஒரு சிறிய பயம் எல்லாம் சரியாக நடக்கச் செய்ய தேவையாக இருக்கிறது. முற்றிலும் பயத்தைப் போக்க முயற்சி செய்யாதீர்கள். நீங்கள் என்று யாரும் இல்லை (அ) நீங்கள் முக்கிய மானவருக்கும் உரியவர் என்பதை அறிந்து தியானம் செய்யுங்கள்.
எப்படி களைந்தெறிவது?

பயம் என்றால் என்ன? அதற்கான அறிகுறிகள் என்ன? நம் உலகில் நடுக்கத்துடன் கூடிய தீவிரமான அதிர்வு, நிற்கும் தரை லேசாக இருப்பதை போன்றவைதான் இதற்கான அறிகுறி, ஒடுங்கிப் போவதை போன்ற உணர்ச்சி, எதையாவது பற்றிக் கொள்ள வேண்டும் என்ற போக்கு காணப்படும். எதுவும் நமக்கு உரித்தது அல்ல என்ற உணர்வு இருக்கும். ஒரே சூன்யமாய் தோன்றும். இந்த எல்லா உணர்வுகளுடன், தொப்புள் கொடிக்கும் நெஞ்சு அல்லது தொண்டைக்கும் நடுவே இவை ஒரு தீவிரமான அதிர்வை ஏற்படுத்தும், அதுவே பயம். 

இது எப்பொழுது உருவாகிறது? சிறு குழந்தைகளுக்கு பயம் என்பதே கிடையாது, வளரும் பொழுது அது உருப்பெறுகிறது. பயமும், ‘தான்’ என்ற எண்ணமும் நெருங்கிய தொடர்புடையவை. அகம்பாவம் வளரும் பொழுது பயமும் வரும். அகம்பாவம் என்றால் என்ன? 

அது ஒரு எல்லைக்கோடு; நம்மை பிரபஞ்சத்தில் உள்ள எல்லாவற்றிலிருந்தும் வேறுபடுத்திக் கொள்ளுவது. இந்தப் பரந்த எல்லைகளற்ற பிரபஞ்சத்தில் கற்பனை அறைகள் உண்டாக்கி அதில், நாம் வாழ்வதை போன்று உணருவதே, ‘நான்’ என்ற உணர்வு. விழித்திருக்கும் பொழுதும், கனவிலுமே பயம் வரும், தூக்கத்தில் பயம் இருக்காது. பயம் தீவிரமாகும் பொழுது உங்களால் தூங்கக் கூட முடியாது.  தூக்கமின்மையை ஏற்படுத்தும்.

இந்த தீவிர உணர்வை, ஒரு குறிப்பிட்ட நிகழ்வுடனோ, பொருளுடனோ இணைக்க முடியும். இங்கே தான் நாம் அதை நிரந்தரமாக்குகிறோம். நம் பயம் உயரத்தைக் கண்டு, என்று எண்ணும் பொழுது அந்த உணர்வை ஒரு குறிப்பிட்ட சூழ்நிலையுடன் நிலை நாட்டி விடுகிறோம். அந்த சூழ்நிலையை களைய முயன்றாலும், பயத்தை போக்க முடிவதில்லை. அதைப் பற்றிய தெளிந்த அறிவைக் கொண்டே அதை போக்க முடியும். 

அதை அறிந்த நிலையில் அல்லது அதை ஏற்றுக் கொண்டு, முழுதாக அனுபவிக்க தயாராகும் பொழுது, அந்த பயம் மாறி அன்பாக மாறுவதை காண்பீர்கள்! அன்பு, பயம், வெறுப்பு இவை வெவ்வேறு சக்திகள் கிடையாது, ஒரே சக்தியின் வெவ்வேறு வடிவங்கள். இதனால்தான் தீவிரமான பயம், காதல், அன்பு இவை எல்லாவற்றையும் உணரும் பொழுது; தொப்புள் கொடிக்கும் நெஞ்சுக்கும் இடையே அதிர்வுகள் ஏற்படுவதை உணரலாம்.

பயம் என்பது அன்பு தலைகீழாக தொங்குவது என்பதால், அன்பு இருக்கும் பொழுது பயம் இருக்காது, பயம் இருக்கும் பொழுது அன்பு இருக்காது, இரண்டும் ஒருசேர இருக்க முடியாது. இவை இரண்டும் மாறி மாறி வரக்கூடும்.

 ஆழ்ந்த அன்பு ஏற்படும் பொழுது, பயமோ வெறுப்போ அறவே இருக்காது. வெறுப்பு மிகுந்து காணப்படுபவர்கள் எதற்குமே அஞ்ச மாட்டார்கள்,  தீவிரவாதிகள் இருப்பதை போல. தீவிரவாதிகளிடம் இருப்பது தீவிரமான அன்பு  அதாவது உருமாறிய அன்பான வெறுப்பே மிகுந்து காணப்படும். ஆகவே, பயம் இருக்காது. குழந்தைகளிடம் பூரணமான அன்பு காணப்படுவதால் அவர்களுக்கும் பயம் கிடையாது.

உணவில் உப்பு இருக்கும் அளவில் பயமும் தேவையே. இயற்கையான பரிணாம வளர்ச்சியில் தானாகவே அது வரும். ஒருவர் தன்னை காத்துக் கொள்ளவும், கவனமாக நடக்கவும் இது உதவும். குழந்தைகளிடம் பயம் இல்லாததால்தான் அவர்கள் கவனமாக இருப்பதில்லை, நெடுஞ்சாலையில் ஓடக்கூட கவலைப்பட மாட்டார்கள். 

எது வேண்டுமென்றாலும் அவர்கள் செய்வார்கள். பயமறியாததால் பள்ளத்தாக்கில்கூட குதிப்பார்கள். அக்குழந்தைகளுக்காக தாய்மார்களே பயம் கொள்வார்கள். வயது வந்தவர்களில் உள்ள பயமே தன் உடலை காக்க உதவுகிறது. விடலை பருவத்தில் குறைவான பயமே இருக்கும். ஏனென்றால் அவர்கள் அனுபவம் குறைந்தவர்கள். ஆகவே  போதுமான அளவே இருக்கும்.

பயம் ஒரு திருப்பம் கொண்டு, நிபந்தனையற்ற அன்பாக மாற வேண்டும், அது சாத்தியமே! பயத்தின் மீது கவனம் செலுத்தாமல் அதை ஒழித்தோ அல்லது விழிப்புணர்வுடன் உரு
மாற்றியோ செய்ய முடியும். இதைச் செய்யாவிட்டால் இது புரைபோல நம் இயக்கத்தில் பரவி, நம் மலர்ச்சியைத் தடுக்கும்.நீங்கள் ஆனந்தமாக இருக்கும் பொழுது 
உங்களுக்குள் என்ன நடக்கிறது என்பதை கவனித்து இருக்கிறீர்களா? எதோ ஒன்று விரிவடைகிறது. நீங்கள் சோகமாக இருக்கும் நேரம் அதுவே சுருக்கமடையும், ஆனால், சுருங்கி விரியும் அந்த பிரக்ஞை மீது நாம் கவனம் செலுத்துவதே இல்லை. 

நம்மை சுதந்திரமாக உணர வைக்கும் ரகசியம் அதில்தான் புதைந்துள்ளது. சுருங்கி விரியும் மனது உங்கள் கட்டுப்பாட்டில் இல்லை; எப்பொழுது அது சுதந்திரமாக உள்ளது; எப்பொழுது பயம் கொண்டுள்ளது; எப்பொழுது அன்பை உணருகிறது; எப்பொழுது வெறுப்பு ஏற்படுகிறது என்பது உங்கள் கட்டுப்பாட்டில் இல்லை.நம்மில் நடக்கும் இதை கவனிப்பதே தியானமாகும். மெல்ல நீங்கள் அதை கட்டுப்படுத்த முடியும். எப்படி உணர வேண்டும் என்று நினைக்கிறீர்களோ அவ்வாறே உணருவீர்கள்! 

நீங்கள் உங்கள் உணர்ச்சிகளின் அடிமை என்று பல சமயங்களில் நினைத்து இருக்கிறீர்கள். நீங்கள் மோசமாக உணரும் பொழுது, ஏன் அப்படி உணருகிறீர்கள்? உங்களுக்கு அவ்வாறு உணராமல் இருக்கும் சக்தி உள்ளது என்றால், அதிலிருந்து வெளியே வர முடியும். அதற்கான மார்க்கமும் உங்களுக்கு தெரியும் என்பதை நினைவில் கொள்ள வேண்டும். நம் உணர்ச்சிகளை விட, நம் இருப்பின் கரு வலுவானது. அது நம் ஆதாரத்துடனும், நாம் இருக்கும் புலத்துடனும் மற்றும் எல்லையில்லா சக்தியுடன் தொடர்புடையது. நம்மை கருவில் வளர்த்து, குழந்தைப் பருவம் முதல் வளரச் செய்த நம் பிரக்ஞைக்கு அதை ஆற்றி குணப்படுத்தும் சக்தி உண்டு. 

நம் உடலை சரி செய்யத் தேவையான எல்லாமே அதனிடம் உள்ளது. ஆனாலும் நாம் தேவைப்படும் நேரங்களில் மூலிகைகள், வைட்டமின்கள், மருந்து மற்றும் உணவு அருந்த வேண்டும், அதுவும் உதவும். நமக்கு சக்தி தரக்கூடிய ஆதாரங்கள் நான்கு அவை, உணவு, உறக்கம், மூச்சு மற்றும் தியானம் இவைகளின் உதவியையும் நீங்கள் பெற்றுக் கொள்ள லாம். அதே சமயம் உங்கள் பிரக்ஞையே உங்களை குணப்படுத்தி ஆரோக்யமாக வைத்துள்ளது என்பதை நீங்கள் அறிந்து கொள்ள வேண்டும்.

ஒரு நொடி கண்களை மூடிக்கொள்ளுங்கள். என்ன நடக்கிறது என்று யார் பார்க்கிறார்கள் என்பதை எண்ணிப் பாருங்கள்? நீங்கள் கண்ணால் பார்க்கிறீர்கள், காதால் கேட்கிறீர்கள். கண்களுக்கும், காதுகளுக்குப் பின்னே இருக்கும் அந்த மனம் என்ன? அந்த ‘நான்’, அந்த ‘நீ’ என்ன? புலன்களுக்குப் பின் இருக்கும் அந்த மனதை எண்ணிப் பாருங்கள்.

நீங்கள் நாற்காலியில் அமர்ந்து இருக்கலாம். அதை அறிய உங்களுக்கு உதவி தேவையா? இல்லை. நீங்கள் அமர்ந்து இருக்கிறீர்கள் என்பது உங்களுக்குத் தெரியும். எப்படி? நீங்கள் தானாக உணருகிறீர்கள். இது போல உணர வைக்கும் அந்த மனதை உணருங்கள். இப்பொழுது கண்களை திறங்கள், மனம் கண்கள் மூலமாக பார்க்கிறது. 

அதே மனம் காதுகளின் மூலமாக கேட்கிறது. இப்பொழுது உங்கள் கவனத்தை ஆதாரத்திற்கு, அந்த ‘ஒரு உயிர்’ அந்த ‘ஒரு பொருள்’ நாம் எல்லா விவரங்களை அறிய உதவும் அந்த மனம், அந்த ‘நான்’, விவரங்களை பதியச் செய்து, ஒப்பிட்டுப் பார்த்து, தீர்ப்பை அளிக்கும் நினைவு இவற்றின் மேல் கொண்டு செல்லுங்கள். இது ஆரோக்கியத்தை அளிக்கும். ஸமஸ்கிருதத்தில் ஆரோக்கியத்தை ‘ஸ்வஸ்தா’ என்று கூறுவர் அதன் பொருள் ஆன்மாவுடன் ஒன்றி இருப்பவர் என்பதே.

பயம் தோல்வியின் மறுபெயர் பயமும் மனோவியாதியே!

நவ துவார வழிபாடுகள்

நவ துவார வழிபாடுகள்

1. மனித உடல் ஒன்பது சரீரங்களின் தொகுதியாகும். கோயில் கோபுரங்களில் உள்ள கலசங்கள் மனித உடலின் தூல ரூபமாகும். எனவே, ஒன்பது கலசங்களுக்குக் குறையாமல் உள்ள கோயில் கோபுரங்களை தினந்தோறும் குறைந்தது மூன்று நிமிடங்கள் கண்ணார தரிசித்து வழிபடுதலால் மனித சூட்சும சரீரங்கள் தூய்மை பெறுவதுடன் உடலில் உள்ள நவதுவாரங்களும் சீர் பெறும். அதனால் திருஷ்டி துன்பங்களின் தீய விளைவுகள் தவிர்க்கப்படும்.


2. திருவானைக் கோவில் போன்ற திருத்தலங்களில் மூல மூர்த்தியை நவசாளரங்கள் வழியாக தரிசனம் செய்து வழிபடுவதால் கண் திருஷ்டிகள் நம்மை எளிதில் தாக்காத வகையில் கவச சக்திகளைப் பெருக்கிக் கொள்ள முடியும். ஒன்பது சாளரங்களுக்கு மேல் உள்ள சிறுகமணி சிவத்தலம் போன்ற திருக்கோயில்களிலும் இத்தகைய வழிபாடுகளை மேற்கொண்டு பயனடையலாம்.


3. மனித உடலின் நவதுவாரங்களுக்கு அதிபதியாக விளங்கும் தெய்வங்களே விநாயகப் பெருமானும், ஆஞ்சநேய மூர்த்தியும் ஆவார்கள். உலகிலேயே மிகப் பெரிய சுயம்பு பிள்ளையார் மூர்த்தியான திருச்சி உச்சிப் பிள்ளையார் அருளும் மலைக் கோட்டையை ஒன்பது முறைக்குக் குறையாமல் கிரிவலம் வந்து வணங்குவதால் கண் திருஷ்டி துன்பங்கள் விலகும்.


4. ராமபிரான் கயிலை ஈசனை வழிபடுவதற்காக திருக்கயிலையிலிருந்து சிவலிங்க மூர்த்தியைப் பெற்று வருமாறு ஆஞ்சநேயரை அனுப்பினார் அல்லவா? அப்போது ஆஞ்சநேய மூர்த்தி கயிலையில் எம்பெருமானை லிங்க வடிவில் பூஜித்து அதன் பின்னரே ராமேஸ்வரத்திற்கு சிவலிங்கத்தைக் கொண்டு வந்தார். அவ்வாறு ஆஞ்சநேய மூர்த்தி கயிலை ஈசனை வழிபடும் சித்திரத்தை அல்லது உருவப் படத்தை அல்லது ராமேஸ்வரத்தில் உள்ள விஸ்வநாத லிங்க மூர்த்தியை தொடர்ந்து வழிபடுவதால் கண் திருஷ்டிக் கோளாறுகள் நம்மை அண்டாது.


5. பொதுவாக, ஜாதக ரீதியாக செவ்வாய் கிரகம் ஆட்சி, உச்சமாக விளங்குபவர்கள் கண் திருஷ்டி துன்பங்களால் பாதிக்கப்படுவதில்லை. முருக பக்தர்களும், கௌமார உபாசகர்களையும் திருஷ்டித் துன்பங்கள் அண்டாது. எனவே குமரன் அருளும் மலைத் தலங்கள் யாவும் கண் திருஷ்டியை நீக்கும் தலங்களே. அதிலும் சிறப்பாக திருச்செங்கோடு, செங்கோட்டை அருகே திருமலை, கோயம்புத்தூர் அருகே அனுவாவி மலை போன்ற குமரத் தலங்கள் மிகவும் சக்தி வாய்ந்த கண் திருஷ்டிக் காப்புத் தலங்களாக சித்தர்களால் போற்றப்படுகின்றன.   


6. திருமண வைபவங்களில் நவ தானியங்களை மண் சட்டிகளில் வளர்த்து முளைப் பாலிகைகளை வழிபடும் நிகழ்ச்சி ஒன்று உண்டு. புது மணத் தம்பதிகள் மேல் விரவும் கண் திருஷ்டி தோஷங்களைக் களைவதற்காகவும், தம்பதிகள் நற்சந்ததிகளைப் பெற்று வாழவும் இந்த முளைப் பாலிகை வழிபாடு ஒரு முக்கிய திருமண வைபவமாக நிறைவேற்றப்படுகிறது.


7. இயற்கையாகவே, முளைப் பாலிகை வழிபாடு திருஷ்டி தோஷங்களை நீக்கும் ஆதலால் மண் சட்டிகளில் முளைப் பாலிகைகளை வளர்த்து திருச்சி சமயபுரம் அருகே ஸ்ரீபோஜீஸ்வரர் ஆலயத்திலும், கண்ணாயிரம், செந்தாமரைக் கண்ணன், கண்ணாத்தாள் போன்று கண் பெயருடைய இறைவன், இறைவிகள் அருளும் தலங்களில் சமர்ப்பித்து வழிபாடுகள் நிறைவேற்றுவதால் கண் திருஷ்டி தோஷங்கள் அண்டாது பாதுகாத்துக் கொள்ளலாம். இந்த முளைப் பாலிகைகளை கன்றுடன் கூடிய பசுக்களுக்கு வழங்குவதும் ஓர் அற்புத வழிபாடாகும்.

மனதை ஒருமைப்படுத்துவது எப்படி?

மனதை ஒருமைப்படுத்துவது எப்படி? 
.
காலக்கெடு !
மனதை ஒருமுகப்படுத்த முயற்சிக்கிறோம் என்றால் எந்த ஒரு வேலைக்கும் காலக்கெடு நிர்ணயித்துக் கொள்வது நல்லது. காலக்கெடு விதித்துக் கொண்டால், முக்கியமில்லாத பணிகள் மறந்து போய், முக்கியமான பணிகள் மட்டுமே நினைவில் பதிந்து அதனை முடிக்க வைத்துவிடும்.
.
தூக்கம் !
நேரத்திற்குப் படுக்கைக்குச் சென்று தூங்கி எழுந்திருக்கப் பழகிக் கொள்ள வேண்டும். அசதி, களைப்பு, போதுமான தூக்கமின்மை ஆகியவை மனதை ஒருமுகப்படுத்துவதை பாதிக்கும் காரணிகளாகும்.
.
சீரான முன்னேற்றம் !
மனம் ஒருமுகப்படவில்லை என்று கருதினால், பணிகளில் சிறு சிறு முன்னேற்றத்தினை காட்ட வேண்டும். கவனம் சிதறுவது போல் கருதினால் மன சிதறலின் அளவினை சிறிது சிறிதாகக் குறைக்க முயல வேண்டும்.
.
இதயமும் மனமும் !
இடைப்பட்ட பணியினை சிறப்பாக செய்து முடிக்க மனம் தான் அவசியம். எனினும் ஒரு நேர்மறையான அணுகுமுறையும், அதனுடன் இருந்தால் அப்பணி மிக எளிதாக முடியும். பணியினை அனுபவித்து, ஈடுபடுத்திக் கொண்டு, ரசித்து செய்யும் போது, மனம் உண்மையிலேயே அதில் முழுமையாக ஈடுபடும். மேலும் முழு ஒருமைப்பாடு கிடைக்கும். அப்பணியும் வெற்றிகரமாகச் செய்து முடிக்கப்படும்.

உலகில் நடக்கும் வியாபாரங்களில் அதிக அளவிலான மோசடி நடக்கும் வியாபாரம் தங்க நகை வியாபாரமேயாகும்.

நம்மால் ஒண்ணும் பண்ணமுடியாது .

இருந்தாலும் தெரிந்து வைத்துகொள்வோம்

உலகில் நடக்கும் வியாபாரங்களில் அதிக அளவிலான மோசடி நடக்கும் வியாபாரம் தங்க நகை வியாபாரமேயாகும்.

முதலாவது மோசடி என்னவென்றால் கல்லுக்கும் தங்கத்தின் விலையை வாங்குவதாகும்.

நாற்பது கிராம் தங்கத்துடன் பத்து கிராம் கண்ணாடிக் கற்கள் பதித்த நகை என்றால் அதன் விலையை எப்படி நிர்ணயிக்க வேண்டும்? நாற்பது கிராம் தங்கத்துக்கு தங்கத்தின் விலையையும் பத்து கிராம் கண்ணாடிக் கல்லுக்கு கண்ணாடிக் கல்லின் விலையையும் தான் நிர்ணயிக்க வேண்டும்.

ஆனால் ஐம்பது கிராம் தங்கத்துக்கான விலையை நம்மிடம் வாங்கி விடுகின்றனர். தங்கத்தின் விலையும் கல்லின் விலையும் சமமானவை அல்ல. இரண்டுக்கும் இடையே ஏணி வைத்தாலும் எட்ட முடியாத வித்தியாசம் உள்ளது.

நாற்பது கிராம் தங்கத்துக்கு ஐம்பது கிராம் பணத்தை வாங்குவது மோசடியாகும். ஐம்பது கிராம் தங்கத்துக்குப் பணத்தை வாங்கிக் கொண்டு கல் முத்து பவளம் இலவசம் என்று கூறி மக்களை மேலும் மதிமயக்குகிறார்கள். சில பேர் நாற்பது கிராமுக்கு ஐம்பது கிராமுக்கான பணத்தை வாங்கிக் கொண்டு கல்லுக்கு தனியாகவும் பணத்தை வாங்கி இரட்டை மோசடி செய்கிறார்கள்.

அதே சமயம் நாம் பழைய நகையை விற்கச் சென்றால் கல்லை அப்புறப்படுத்தி விட்டு தங்கத்தை மட்டும் எடை போட்டு பணம் தருகிறார்கள். இதற்கு நிகரான ஒரு மோசடி வேறு எந்த வியாபாரத்திலும் இருக்குமா என்று தெரியவில்லை.

இரண்டாவது மோசடி:

சொக்கத் தங்கம் எனப்படும் தனித்தங்கத்தில் நகை செய்ய முடியாது. அதில் செம்பு கலந்தால் தான் நகை செய்ய முடியும்.ஆயிரம் கிராம் நகை செய்ய 916 கிராம் தங்கமும் 84 கிராம் செம்பும் சேர்த்து செய்யப்படும் நகை 22 காரட் என்றும் 916 KDM என்றும் சொல்லப்படுகிறது.

916 கிராம் தங்கத்துடன் 84 கிராம் செம்பு சேர்த்து விட்டு 1000 கிராமுக்கும் தங்கத்தின் விலை போடப்படுகிறது. செம்புக்கு தங்கத்தின் விலை போடுவது மற்றொரு மோசடியாக உள்ளது.

மூன்றாவது மோசடி:

 தங்கத்துக்கு இன்றைய காலத்தில் இரண்டு விலை உள்ளது.

ஒன்று மூலப் பொருளுக்கான விலை. மற்றொன்று நாம் விரும்பும் வகையில் தயார் செய்வதற்கான கூலியாகும்.

ஐந்து பவுன் தங்கத்தில் ஒரு நகை வாங்கினால் ஐந்து பவுன் தங்கத்திற்கான விலையையும் நாம் கொடுக்க வேண்டும். அதைக் குறிப்பிட்ட நகையாக செய்ததற்கான கூலியையும் கொடுத்தாக வேண்டும். இது மட்டும் இருந்தால் இதில் மோசடி ஏதும் இல்லை.

ஆனால் ஐந்து பவுன் தங்கத்துக்கும் நம்மிடம் பணம் வாங்கிக் கொண்டு அதற்கான கூலியையும் நம்மிடம் வாங்கிக் கொண்டு *சேதாரம்* என்ற பெயரில் ஒரு தொகையையும் வாங்கிக் கொள்கின்றனர்.

அதாவது மேற்கண்ட நகையைச் செய்யும் போது பத்து சதவிகிதம் சேதாரம் ஆகி விட்டது எனக் கூறி அதற்கான பணத்தையும் நம்மிடம் வாங்கிக் கொள்கின்றனர்.

அதாவது ஐந்து பவுனுக்கு மட்டும் பணம் வாங்காமல் இன்னொரு அரை பவுனுக்கும் சேர்த்து நம்மிடம் பணம் கறந்து விடுகிறார்கள்.

நகை செய்யும் போது அரை பவுன் சேதரமாக ஆகி வீணாகி விட்டால் அதை நம்மிடம் இருந்து வாங்குவது முறையானது தான். ஆனால் தங்கத்தில் எதுவுமே சேதாரம் ஆவது கிடையாது.

நகை செய்யும் போதும் பட்டை தீட்டும் போதும் தூள்களாக கீழே சிந்துபவை சேதாரமாகி குப்பைக்குப் போகாது.

துகள்களாக உள்ளதை மீண்டும் வேறு நகைக்கு அவர்கள் பயன்படுத்திக் கொள்வார்கள்.

இதற்கெல்லாம் சேர்த்துத் தான் செய்கூலி வாங்கிக் கொள்கின்றனர். மக்களுக்குப் புரியாத டெக்னிகல் வார்த்தைகளைப் பயன்படுத்தி மோசடி செய்கின்றனர். இதைச் செய்யாத நகை வியாபாரிகளைக் காண முடியவில்லை.

அது போல் பழைய நகை வாங்கும் போது செய்கூலி சேதாரம் எல்லாம் தர மாட்டார்கள். அது நியாயமானது தான்.

ஆனால் நாம் கொடுக்கும் நகையில் கல்லையும் நீக்கி விட்டு எடை போட்டு அந்த எடைக்கு உள்ள பணத்தைத் தர வேண்டும். அவர்கள் விற்பனை செய்யும் விலையைத் தர வேண்டும் என்று நாம் கூறவில்லை. அவர்கள் வாங்கும் விலையைக் கொடுக்க வேண்டுமல்லவா? அப்படி கொடுக்க மாட்டார்கள்.  மாறாக நாம் நாற்பது கிராம் நகையை விற்கச்சென்றால் அதில் கால் வாசிக்கு மேல் குறைத்துத் தான் தருவார்கள்.

Meet Ramesh Babu, the billionaire barber who travels in Rolls Royce!

ALSO READ

• Rupee slips 7 paise against dollar
• Arun Jaitley to interact with top tax officials today
• United Bank says lost hope to recover money from Kingfisher

Bangalore: In the business world, it is often said that if you have some foresight, are honest and can work hard, then nothing can stop you from earning decent amount of money or getting rich. The story of Ramesh Babu from Bangalore is a glaring example of how you can surge ahead in this cut-throat competitive business environment while doing things that you love.

Bangalore resident Ramesh Babu, is a star in his own league who runs the business of cutting and styling hair. He is an ordinary businessman, with an extraordinary wealth. He is a billionaire and owns a rent-a-car fleet of 67 alternative cars.

“Somehow, things have clicked for me,” says Babu, whose clients embody politicians, military officers as well as movie stars such as Salman Khan, Aamir Khan as well as Aishwarya Rai Bachchan.

On most of the days, Ramesh comes to his workplace driving a Rs 3.1 crore Rolls Royce Ghost. In his words he handles the car’s dashboard with the same deft touch and care as when he is shaping somebody’s coif. The interesting part is that there are only five other people in the city who own such a luxurious car. Babu had purchased the Rolls Royce with his own hard earned money.

Though his income from the saloon is modest, it is the lucrative luxury car rental business that has earned him his fortune. That also makes him one of India’s richest hairstylists. The man has a collector’s passion for fancy cars which he looks after with utmost care.

However, things were not so easy back in 1989. Ramesh’s father who owned a small saloon died when Ramesh was a young boy and and the only means for his survival was a barber shop that his father left for him. His mother leased the shop for Rs 5 a day and took up work as a domestic help to make ends meet.

“I remember the day my father passed away, leaving our family and his barbershop,” he recalls in a wispy voice. In 1994, Ramesh preferred to run his father's shop rather than continue his education. The salon, named Inner Space, was in a shopping complex by the school where he studied. It soon became a trendy styling outlet for youngsters.

While running the saloon, he cherished the dream of owning a car. Three years later, Babu purchased a Maruti Omni to rent it to people for their personal use. This became the turning point in his life. One of his mother’s employers advised him to lease the Omni to Intel, the company she worked with.

The returns through the car rental business were encouraging and they supplemented his income from the salon. As his reputation grew, so did the car rental business.

By the end of 1990, he was running a successful taxi operation business by the name of Ramesh Tours and Travels.

In 2004, he got into the luxury car rental and self-drive business after the government opened up the tourism sector. Ramesh Tours and Travels hasn’t looked back since.

He first invested in a Mercedes E Class luxury sedan that cost him Rs 38 lakh. The fleet grew with three more Mercedes cars and four BMWs, which is, however, dominated by dozens of Toyota Innovas.

At the moment his fleet consists of around 200 cars, vans and mini-buses, including imported vehicles—a Rolls-Royce Silver Ghost, Mercedes C, E and S class and BMW 5, 6 and 7 series. He has a fleet of imported Mercedes vans and Toyota mini-buses.

“This is more of a passion,” he says. As for being a barber, “I will continue to be one as long as my hands are healthy.”

Amazingly, Ramesh charges Rs 75000 a day for the Rolls and his usual clients are corporate bigwigs and visiting Bollywood and Tollywood stars.

However, Ramesh’s fancy automotive fleet does not include only cars, he also owns a Suzuki Intruder high-end bike that is worth Rs 16 lakh. He rides this bike during weekends and uses it only for private purposes.

Even today, being such a rich man he did not forget his roots. He cuts the hair of his regular customers for just Rs 65.

Babu owes his success to doing what he thought was best. “Whatever I did, I did well, that’s all I can say,” he smiles.

16-ம் பெற்று வாழ சாணக்கியத் தன சிந்தனைகள்..

சமகால வெற்றிக்கு 16-ம் பெற்று வாழ சாணக்கியத் தன சிந்தனைகள்...!!

1. வளைந்து கொடுப்பதால் வீழ்ச்சிகள் தவிர்க்கப் படுகின்றன. எப்போதும் நிமிர்ந்தே இருப்பது மரங்களைப் போலவே மனிதர்களுக்கும் ஆபத்து...!!

2. உங்கள் ரகசியங்களை யாரோடும் பகிர்ந்து கொள்ளாதீர்கள். உங்களாலேயே அதை ரகசியமாக வைக்க முடியாத போது மற்றவர்களாலும் முடியாது.

3. விஷமில்லாத பாம்பாக இருந்தாலும் சீறுவது அவசியம்.

4. பெரும்பாலான நட்புகளின் பின்னனியில் ஏதேனும் சுயநலம் இருந்தே தீரும். இதை ஏற்றுக் கொள்ளுங்கள்.

5. ஒவ்வொரு வேலையைத் தொடங்கும் போதும் உங்களுக்குள்ளே மூன்று கேள்விகளை கேளுங்கள். 

இதை ஏன் செய்கிறேன்??.

இந்தச் செயலின் விளைவுகள் என்ன?

இதை வெற்றிகரமாகச் செய்வேனா?

6. அச்சம் எப்போது நெருங்குகிறதோ, அப்போதே அதை எதிர்த்து, அடித்துக் கொன்று விடுங்கள்...!!

7. ஒரு வேலையை செய்யத் தொடங்கிய பிறகு தயக்கத்தாலோ தோல்வி பயத்தாலோ அதை நிறுத்தாதீர்கள்.

8. காற்று வீசும் திசையில்தான் மலரின் வாசனை பரவும். ஆனால் உங்கள் நல்ல இயல்புகள் எல்லாத் திசையிலும் பரவும்.

9. உண்மையான மகிழ்ச்சியுடன் யார் உழைக்கிறார்களோ, அவர்களே உலகில் மிகவும் மகிழ்ச்சியானவர்கள்.

10. உங்கள் குழந்தைகளை முதல் ஐந்து வயது வரை கொஞ்சிக் கொஞ்சி வளர்த்துங்கள். அடுத்த ஐந்து ஆண்டுகள் கண்டிப்புக் காட்டுங்கள். அதற்குப் பிறகு நண்பர்களாய் நடத்துங்கள்.

11. எல்லா இடங்களிலும் மதிப்பைப் பெற்றுத் தருவது கல்வி. இளமையின் அழகைக் காட்டிலும் உயர்ந்தது கல்வியின் மதிப்பு.

12. பார்க்க முடியாதவர் முன்னால் நிலைக் கண்ணாடி எப்படி பயன்படாதோ அது போல் முட்டாள்களுக்குப் பரிசளிக்கும் புத்தகங்களும் பயன்படாது.

13. ஆணவம் மிக்கவரை மரியாதை காட்டி வெற்றி கொள்ளலாம். முட்டாள்களை அவர்கள் முட்டாள் தனத்தைப் பொருட்படுத்தாததன் மூலம் வெற்றி கொள்ளலாம். அறிவாளியை உண்மையின் மூலம் வெற்றி கொள்ளலாம்.

14. அற்பமான ஜந்துக்களிடம் கூட நீங்கள் கற்றுக்கொள்ள வேண்டிய விஷயங்கள் இருந்தால் கற்றுக் கொள்ளுங்கள்.

15. அரசர் எளிய குடிமகன் போல் வாழ்கிற தேசத்தில், குடிமக்கள் அரசர்களைப் போல் வாழ்வார்கள்.

16. தோல்வியின் இன்னொரு பெயர் பொறாமை...!!

நீடூழி வாழ வாழ்த்துக்கள்...!!

பழனி மலை பற்றிய சிறப்பு தகவல்கள்

பழனி மலை பற்றிய சிறப்பு தகவல்கள்

* பழனி முருகன் கோவில் தமிழ்நாட்டின் திண்டுக்கல் மாவட்டத்தில் அமைந்துள்ளது. இரண்டு பெரு நகரங்களான மதுரை மற்றும் கோயம்புத்தூர் நகரங்களில் இருந்து சமதூரத்தில் உள்ளது இக்கோவில்.

*  இந்தத் தலம் பழனி என அழைக்கப்படுவதற்கு காரணம், சிவனும், பார்வதியும் தங்கள் மகன் முருகப் பெருமானை "ஞானப் பழம் நீ" என அழைத்ததால், "பழம் நீ" என வழங்கப்பெற்று, பின்னர் அதுவே "பழனி" ஆகிவிட்டது.

* தமிழ்க்கடவுளான முருகனை வழிபட கேரளாவில் இருந்தும் பக்தர்கள் அதிக அளவில் வருகிறார்கள். அருகிலேயே பொள்ளாச்சி  அருகே கேரள எல்லை ஆரம்பிப்பதால் கேரளாவில் இருந்து விரதம் இருந்து அதிக அளவு வருகிறார்கள்.

*முதன் முதலில் நேமங்கோவில் குமரப்பன் என்பவர்தான் பழனிக்கு காவடி எடுக்கும் வழிபாட்டை அறிமுகப்படுத்தினார் என்று சொல்லப்படுகிறது. இருப்பினும் பழனி முருகன் கோவிலுக்கு விரதம் இருந்து காவடி தூக்கி செல்லும் பாதயாத்திரை முறையை ஆரம்பித்து இன்று வரை சிறப்பாக அனைவரையும் ஒருங்கிணைத்து நடத்திவருவது காரைக்குடி  நகரத்தார்கள்தான் என்பது மறுக்க முடியாதது.

* இவர்கள் ஆரம்பித்து வைத்த இந்த முறையால் இன்று தென் தமிழகம் முழுவதும் பழனிக்கு காவடி எடுத்து சென்று வணங்கும்  பக்தர்களை அதிகப்படுத்தியது.

* பாரம்பரியமிக்க, தெய்வீகமான இந்த பழநி பாதயாத்திரையை முருக பக்தர்கள் யாரும், சாதாரணமான விசயமாக, விளையாட்டாக எண்ணிவிடாமல் உண்மையான பக்தியோடு, உண்மையான கட்டுப்பாட்டோடு மாலையணிந்து, விரதமிருந்து கந்தனை உள்ளன்போடு நினைத்து பழநிக்கு பாதயாத்திரை வந்தால், எம்பெருமான் முருகன் வாழ்வின் ஒவ்வொரு நிமிடத்திலும் உங்களுடனேயே இருந்து உங்களுக்கு நல்வழி காட்டுவான் என்பது நம்பிக்கை.

* இங்குள்ள முருகனது சிலை 18 சித்தர்களில் ஒருவரான போகர் சித்தரால் உருவாக்கப்பட்டது. முருகனது கோவில், குன்றின் உச்சியில் அமைந்துள்ளது.

* முருகனின் சிலை நவபாஷாணத்தால், சித்தர்களில் ஒருவரான போகரால் வடிவமைக்கப்பட்டது. நவபாஷாணம் எனப்படுவது ஒன்பது வகையான நச்சுப்பொருட்கள் சேர்ந்தது. இந்த நவபாஷாண சிலை மீன்களை போன்று செதில்களை கொண்டதாக கூறப்படுகிறது. தற்பொழுது இந்த சிலை சிறிது பழுதுபட்டுள்ளது. இரவில் இந்த சிலையின் மீது முழுவதுமாக சந்தனம் பூசப்பட்டு (சந்தனக்காப்பு) காலையில் விசுவரூப தரிசனம் செய்யும் அனைத்து பக்தர்களுக்கும் சிறு வில்லை பிரசாதமாக வழங்கப்படுகிறது இது மிகச்சிறந்த மருந்தாக கருதப்படுகிறது.

* பழனி மலையின் அடிவாரத்தில் அமைந்த குழந்தை வேலாயுத சுவாமி கோயில் அறுபடை வீடுகளில் ஒன்று, இதுவே திரு ஆவினன்குடி மூன்றாம் படைவீடு ஆகும். பலரால் மலை மீதுள்ள தண்டாயுதபாணி சுவாமி கோயிலே அறுபடை வீடுகளில் ஒன்று என்று தவறாக எண்ணப்படுகிறது.

*  பழனித்தலத்தின் பெருமையினை அருணகிரி நாதர் திருப்புகலிலும், கந்தர் அலங்காரத்திலும் குறிப்பிட்டுள்ளார். பதினாலுலகோர் புகழ் பழனி மாமலை மீதினிலேயுறை பெருமாளே என்று பதினாலுலகும் போற்றும் தலம் பழனி என்கிறார்.

* பழனி மலைக்கு எதிரில் இடும்பன் மலை என்று அழைக்கப்படும் சக்திகிரி காணப்படுகிறது. இந்த மலையைச் சுற்றி சுமார் 3 கிலோமீட்டர் தொலைவிற்கு சோலைகள் நிறைந்த அழகிய கிரிப் பிரகாரமும், இந்த பிரகாரத்தின் திருப்பங்களில் பெரிய மயிலின் உருவச் சிலைகளைக் கொண்ட மண்டபங்களும் காணப்படுகின்றன. அதனால், இந்த மலையை கிரிவலம் வருவது மிகவும் சிறப்புடையதாக கருதப்படுகிறது.

* பழனி அருள்மிகு தண்டாயுதபாணி சுவாமி திருக்கோயிலைச் சார்ந்த 38 - உப கோயில்கள் அமைந்துள்ளது. இக்கோயில்களில் கீழ்கண்ட கோயில்கள் சிறப்பு வாய்ந்ததாகக் கருதப்படுகிறது.

1. அருள்மிகு திரு ஆவினன் குடி கோயில்
2. அருள்மிகு பெரிய ஆவுடையார் கோயில்
3. அருள்மிகு பெரிய நாயகி அம்மன் கோயில்
4. அருள்மிகு குழந்தை வேலப்பர் கோயில் - ஒட்டன்சத்திரம்
5. அருள்மிகு குறிஞ்சியாண்டவர் கோயில் - கொடைக்கானல்
6. அருள்மிகு இடும்பன் மலைக் கோயில் - பழனி

* 18 சித்தர்களில் ஒருவரான புலிப்பாணி சித்தரின் ஜீவசமாதி பழனி மலையில் அமைந்துள்ளது குறிப்பிடத்தக்கது.

* திருவண்ணாமலை போன்றே எண்ணற்ற மகான்கள் இந்த பழனியில் வாழ்ந்திருக்கின்றனர். தற்போதும் வாழ்ந்து வருகின்றனர்.