திருஷ்டி போக்கும் மந்திரம்

திருஷ்டி போக்கும் மந்திரம்.

மனிதர்களுக்கோ அல்லது வீடு, வியாபார ஸ்தலங்கள் போன்றவற்றுக்கோ திருஷ்டி கழிப்பதற்கு சிவனுக்கு ஒப்பாக கருதப்படும் முக்கண்ணனாகிய தேங்காய் முன்னிலை வகிக்கின்றது.
                          இந்த தேங்காய்மூலம் திருஷ்டியை போக்குவதற்கும் ஒரு மந்திர முறை உண்டு. இம்முறை மூலம் திருஷ்டி கழிப்பதால் சகலவிதமான திருஷ்டிகளும் அகல்வதோடு செய்யும் காரியங்களிலும் சித்தி உண்டாகும்.
மந்திரம் :- ஓம் முக்கண்ணனே உகந்தநாதா சோலைபுரி ஸ்தூலபூபா சடைநிறைந்த மட்டைமன்னா திருஷ்டிக்கு முதன்மையான மைந்தனே சிரசுடையமுகம் கொண்டோனே வாவாவா ஓம் ரீம் சுவாகா.
முறை :- இம்மந்திரத்தை 1008 முறை உருச்செய்ய மந்திரம் சித்தியாகும். பின்னர் பிரயோகத்தின் போது திருஷ்டி கழிக்கவேண்டியவரை வடகிழக்கு திசை நோக்கியவாறு நிறுத்தி மந்திரத்தை 21 தடவைகள் உச்சரித்தவாறு திருஷ்டி கழிக்கவும். வீடு, வியாபார ஸ்தலம் போன்றவற்றுக்கு திசை அவசியமில்லை. 21 முறை கூறி திருஷ்டி கழித்த பின் தேங்காயை உடைக்கவும்.

கிராண்ட் மாஸ்டரின் வெற்றி சூத்திரம்

உடற் பயிற்சியால் மூளைக்கு நல்லது. கிராண்ட் மாஸ்டரின் வெற்றி சூத்திரம்.

இரும்பினில் செய்த தசைகளும், நிரம்புகளும் கொண்ட உடல் வேண்டும் என்றார். சுவாமி விவேகானந்தர். 15 வயதில் ஒரு முரட்டு  குதிரையை தனி ஒருவனாக அடக்கி.  அந்த குதிரை வண்டியில் வந்த கர்ப்பிணி பெண்ணை காப்பாற்றியவர் விவேகனந்தர். அவர். கடைசி வரை. உடற் பயிற்ச்சியை  விட  வில்லை. பல ஊர்கள், நாடுகள் அவர் சென்ற பொழுதும். டம்பிள்ஸ். அவர் கூடவே பயணம் செய்தது.

 இதற்கு  முன். அதாவது.  நமது தாத்தா, பாட்டி  காலத்தில். உடற் பயிற்ச்சி  என்பது. ஏதோ. விளையாட்டு துறையை சேர்ந்தவர்களுக்கு மட்டுமே உரியது என்பதை போல் ஒரு எண்ணம் இருந்தது. அதை  அன்றைய காலத்தில் தவறு என்று சொல்ல  முடியாது. காரணம்.

அன்று  3,4 கிலோ மீட்டர்  துரம் என்றாலும். மக்கள் நடந்தே தான்  சென்றனர். பைக்கில் செல்லவில்லை. அன்று, ஆன், பெண் அனைவருக்குமே கடினமான வேலைகள் இருந்தது.   இன்று. இயந்திர தனமான இந்த உலகில்  எல்லாமே தலை கீழாக ஆகி விட்டது. அன்று மனிதர்கள் செய்த வேலைகளை. இன்று machines  தான். செய்கிறது.  அதனால். இன்று ஆரோக்யமாக வாழ. உடற் பயிர்ச்சி  மிக, மிக அவசியமான ஒன்று. நாம். எந்த வேலை செய்வதாக இருந்தாலும். அதை. இந்த உடலை கொண்டே செய்கிறோம்.  ஆரோக்கியம் இல்லாத மனித உடலின் மனமும் ஆரோக்கியம் இன்றியே இருக்கும்.   மன நலனிற்கு உடல் நலன் மிக, மிக அவசியம்.

 கிரான்ட்  மாஸ்டர் விஸ்வநாத் ஆனந்த் சொல்வதை  சற்று கேளுங்கள்.

நான் தினமும் ஜிம்மிற்க்கு  சென்று உடற் பயிற்ச்சி  செய்து எனது உடலை கட்டுபாடுடன் வெய்த்து உள்ளேன். எனது உடல் கட்டுப்பாட்டுடன்  இருந்தால்  தான். மனமும் கட்டுபாடுடன் இருக்கும். உடல் ஆரோக்யமாக  இல்லாமல் செஸ் போட்டியில் சவால்களை எதிர் கொள்வது என்பது. கடினமான செயலாகி விடும்.

 நீங்கள். வீடுகளில், அலுவலகங்களில்   கடின வேலை செய்பவர்களாக இருந்தாலும். ஒவ்வொரு குறிப்பிட்ட உடல் பாகத்திற்கு என்று பிரத்யேகமாக செய்யும் உடற் பயிற்ச்சி.  அதிக பலனை தரும்.

 சரி. இப்பொழுது. உடற் பயிற்ச்சி  செய்வதன் மூலம். உடலில், மனதில், மூளையில், ஏன்? மரபணுவில் கூட சில நல்ல மாற்றங்கள் நடக்கிறது. அது சம்பந்தமாக அமெரிக்காவில் நடத்தப்பட்ட ஒரு ஆய்வை பற்றி, ஆரோக்யத்திற்கு என்றே வரும். பிரபல .Cell  Metabolism  என்னும் ஆங்கில  இதழில் வந்த. கட்டுரை ஒன்றை பாப்போம்.

உடற்பயிற்ச்சி செய்தால் உடலுக்கு நல்லது. ஆனால்? மூளைக்கு நல்லதா. ஆம். இது சம்பந்தமாக நடந்த பல ஆராய்ச்சிகள் இதை நிரூபித்து உள்ளன.
உடற்பயிற்சி எப்படி மூளை செயல்பாட்டுக்கு உதவுகிறது, எப்படியெல்லாம் நன்மை செய்கிறது என்பதை ஆதாரபூர்வமாக நிரூபித்திருக்கிறது சமீபத்திய ஆய்வு ஒன்று. கடுமையான உடற்பயிற்சி செய்யும் போது மூளையில் ‘ஐரிசின்’ (irisin) என்ற மூலக்கூறு உற்பத்தியாகிறது என்று அடையாளம் காட்டியிருக்கிறது அந்த ஆய்வு. அதோடு, அந்த மூலக்கூறு, நரம்புகளைப் பாதுகாக்கிறது என்றும் உறுதியாக எடுத்துச் சொல்லியிருக்கிறது.
இந்த ஆய்வை தலைமை ஏற்று நடத்தியவர் டாக்டர் புரூஸ் ஸ்பீஜெல்மேன் (Dr.Bruce Spiegelman). அமெரிக்காவில் இருக்கும் டானா ஃபார்பர் கேன்ஸர் இன்ஸ்டிடியூட் மற்றும் ஹார்வர்ட் மெடிக்கல் ஸ்கூலில் பேராசிரியர். அவர் தலைமையிலான குழு, ஒரு எலியை வைத்து ஆராய்ச்சி செய்ததில்தான் இந்த உண்மையைக் கண்டுபிடித்திருக்கிறது.

உடற்பயிற்சி செய்வதால், செயற்கை முறையில் ரத்தத்தில் இருக்கும் ‘ஐரிசின்’ அளவை அதிகரிக்க முடியும். அது, கற்றல் மற்றும் ஞாபகம் தொடர்பான மரபணுவை செயல்பட வைக்கும் என்றெல்லாம் பட்டியல் போடுகிறது இந்த ஆய்வு. சுருக்கமாக, ‘உடற்பயிற்சி, மூளையில் அறிவாற்றல் தரும் செயல்பாட்டை மேம்படுத்தும். நரம்புத் தொடர்பான நோய்கள் வராமல் தடுக்கும்’ என்று அடித்துச் சொல்கிறார்கள் இந்த ஆய்வை நடத்தியவர்கள். அதாவது, மன அழுத்தம், பக்கவாதம், அல்ஜீமெர்ஸ் நோய் (Alzheimer’s disease) போன்ற நரம்பியல் நோய்கள் நெருங்குவதற்கான வாய்ப்பை உடற்பயிற்சி தடுத்துவிடும் என்கிறார்கள். 

தொழில் புரட்சித் தலைவர் ஸ்டீவ் ஜாப்ஸ்!

 தொழில் புரட்சித் தலைவர் ஸ்டீவ் ஜாப்ஸ்! - www.v4all.org 

இருபத்து நூற்றாண்டின் மிகப்பெரும் டெக்னோ ஆளுமைகளில் முக்கியமானவர் ஸ்டீவ் ஜாப்ஸ்.அவருடைய மரணம் எதிர்பார்த்த ஒன்றுதான். கணையத்தில் புற்றுநோய் அளவுக்கு மீறிப் போய் விட்டதாக ஒரு சில மாதங்களுக்கு முன்பாகவே தெரிந்து விட்டதால், தன் அத்தனை வேலைகளில் இருந்தும் விலகி, அமைதியாகத் தன் மரணத்துக்காகக் காத்திருந்தார். அந்த தொழில்நுட்ப மன்னர். இத்தனைக்கும் ஸ்டீவ் ஹார்ட்வேர் இன்ஜினீயரோ, புரோக்கராம் எழுதும் சாஃப்வேர் நிபுணரோ அல்ல. அவர் டெக்னாலஜியை ஒருங்கிணைத்த சரியான தலைவர். எல்லா வேலைகளையும் முதலாளியே பார்க்க வேண்டியதில்லை. சரியான ஆட்கள் சரியான முறையில் அவற்றை செய்தாலே போதும்என்கிறத தத்துவத்தில் வெற்றி கண்டவர் ஸ்டீவ்.

சிரியா நாட்டிலிருந்து கலிபஃபோர்னியாவுக்கு வந்த ஒரு முகம்மதியே பேராசிரியருக்கும் அமெரிக்கப் பெண்மணிகளுக்க பிறந்த ஸ்டீவ் தங்களால் வளர்க்க முடியாததால் யாராவது தத்து எடுத்துக்கொள்ளலாம் என்று அறிவித்தார்கள் அவர்கள் பால் மற்றும் கிளாரா ஜாப்ஸ் தம்பதி அந்தக் குழந்தையைத் தத்தெடுத்துக் கொண்டார்கள் இளம் வயதிலேயே ஸ்டீவின் பார்வை கம்ப்யூட்டரின் பக்கம் விழுந்து விட்டது இசை, சினிமா, தகவல் தொடர்பு இவை கம்ப்யூட்டர் மூலம் பல்வேறு எல்லைகளைக் கடக்கும் என்று அவருக்குத் தோன்றியது. அதை மெல்ல மெல்ல செயல்படுத்தினார். கடைசியில் 83 பில்லியன் டாலர்களை அவர் சம்பாதித்தாக ஓர் குறிப்பு சொல்கிறது. 1976-ம் வருடம் ஒரு கார் ஷெட்டில் தன் நண்பர் ஸ்டீஃபன் வொஸ்நய்க்குடன் சேர்ந்து ""ஆப்பிள்'' கம்பöனியைத் தொடங்கினார். ஆப்பிள்தான் மனித ஆசைக்குக் காரணம் என்பதால் அந்தப் பெயரை வைத்திருக்கலாம். எல்லோரும் எண்களையும் டெக்னாலஜி சம்பந்தப் பட்ட குறியீடுகளையும் தங்கள் நிறுவனப் பெயராக வைத்த போது ஸ்டீவ் வைத்த "" ஆப்பிள்'' அவருடைய கவித்துமான மனதையே காட்டியது. நான்கே வருடங்களில் 600 மில்லியன் டாலர்களை விற்பனையில் எட்டிப் பிடித்த ஆப்பிள் நிறுவனம் புகழ்பெற்ற ஃபார்ச்சூன் பத்திரிகையின் டாப் 500 உலக நிறுவன லிஸ்டில் இடம் பெற்றது தொழில் வரலாற்றில் இத்தனை வேகமான வளர்ச்சியை எந்த நிறுவனமும் பெற்றதில்லை.

ஆப்பிள் ஆரம்பித்து எட்டு ஆண்டுகளுக்குப் பிறகு மாக்கிண்டோஷ் எளிய வகை கம்ப்யூட்டர்களை அவர் அறிமுகப்படுத்தினார். பழையன கழிதலும், புதியன புகுதலும் அத்தனை சுலபாக நடந்து விடுவதில்லை மாக் (செல்லமாக) கம்ப்யூட்டர்கள் மார்க்கெட்டில் சக்கைபோடு போட்டன . ஆனால் தான் ஆரம்பித்த ஆப்பிள் கம்பெனியின் இருந்தே ஸ்டீவ் வெளியேற வேண்டிய நிலையம் ஏற்பட்டது. அப்போது கம்ப்யூட்டர் கிராஃபிக்ஸ் பக்கம் திரும்பினார் ஸ்டீவ் ஹாலிவுட் ஸ்பெஷல் எஃபெக்ட் மன்ன் ஜார்ஜ் லுகாஸிடமிருந்து ஒரு சின்ன கிராஃபிக்ஸ் கம்பெனியை விலைக்குவாங்கினார். தொழில்நுட்ப ஜீனியணுஞூ இளைஞர்களைத் தேடித் தேடி அதில் சேர்த்தார். "தி டாய் ஸ்டோரி சூப்பர் ஹிட் கிராஃபிக்ஸ் படம் அதிலிருந்து வெளி வந்தது பிக்ஸர் அனிமேஷன் ஸ்டூடியோஸ் என்று தன் கம்பெனிக்குப் பெயிரிட்டார். வரிசையாகப் பல அனிமேஷன் படங்கள் அங்கே பட்டைத் தீட்டப்பட்டு உலகெங்கும் சூப்பர் ஹிட் ஆகின. பல அகாடமி விருதுகளைப் பெற்றது ஸ்டீவின் சேவை தங்களுக்கு அவசியம் என்பதை ஆப்பிள் உணர்ந்து அவரை மிகுந்த மரியாதையுடன் மீண்டும் இணையுமாறு அழைத்தது.

கிட்டத்தட்ட 12 வருட வனவசாத்திற்குப் பிறகு 1997-ம் வருடம் மீண்டும் ஆப்பிளுக்குத்திரும்பினார் ஸ்டீவ். அப்போது தான் செல்ஃபோன் என்னும் கையடக்க புயல் உலகை மையம் கொண்டிருந்தது. ஸ்டீவுக்கு அதன் எதிர்கால சாத்தியங்கள் ஆச்சர்யமாக இருந்தன. அதன் சிறிய திரையும், சிப்புகளும் இணைப்புகளும் உலகையே உள்ளங்கைக்குள் கொண்டு வந்து விடும் என்பது அவருடைய தீர்க்க தரிசனம் வரிசையாக ஐ பாட் ஜ ஃபோன், ஐ பேட் என்று பிற்பாடு அவர் தான் தூள் கிளப்ப ஆரம்பித்தார். பெப்ஸி கோலாவின் தலைமை நிர்வாக அதிகாரியைப் பார்த்து ஸ்டீவ் ஒரு முறை கேட்டார்.. ""வாழ்க்கையின் எஞ்சிய பகுதியை இதைப் போன்ற சர்க்கரைத் தண்ணீரை விற்றே தள்ள போகிறீர்களா? அல்லது உலகையே மாற்றக் கூடிய ஏதாவது ஒரு விஷயத்தில் இறங்கப்போகிறீர்களா? தன் தயாரிப்புகளில் அத்தனை சீக்கிரம் திருப்தியுற மாட்டார் ஸ்டீவ். ஐ பாட் கருவிகள் இரண்டு மாடல்கள் கடைசியாக ஒகே செய்யப்பட்ட நிலையில் கப்பல் ஏற்றும் கடைசி நிமிடத்தில் அந்த ஆர்டரை ரத்து செய்து புது மாடல்களை செய்யும்படி உத்தரவிட்டவர் அவர். வெறும் புதிய டெக்னாலஜி கண்டுபிடிப்புகளால் மட்டும் பயன் இல்லை. சுந்திரமான கலைகளுடன் அந்த தொழில்நுட்பம் திருமணம் செய்ய வேண்டும். மனித நேயத்துடன் திருமணம் செய்து நம் இதயத்தை அந்த தொழில் நுட்பம் பாடச் செய்ய வேண்டும் என்று ஒரு முறை யுனிவர்ஸிட்டி பேச்சில் குறிப்பிட்டார் ஸ்டீவ்.

56வயதில் அவருடைய இதயம் தன் பாடலை நிறுத்திக்கொண்டது. இன்று உங்கள் வீட்டில் கம்ப்யூட்டர் இருக்கலாம். அதில் நங்கள் பாட்டு கேட்கலாம். யூ டியூபில் வீடியோ பார்க்கலாம் மெயில் அனுப்பி சாட் செய்யலாம். மொபைல் போனில் இருந்து ஏழாம் அறிவு படக் காட்சி டிக்கெட்டைப் பதிவு செய்யலாம். மின்சாரக் கட்டணத்தை அதன் மூலம் செலுத்தலாம். இவற்றுக்கெல்லாம் பின்னயில் எப்போதும் நீல நிற ஜீன்ஸும் முழுக்கை ஸ்வெட்டரும் அணிந்த ஸ்டீவ் ஜாப்ஸ் இருப்பார்.

மரணம் பற்றி அவர் குறிப்பிட்டவற்றில் சில:

இதுதான் உன்னுடைய கடைசி தினம் என்பது போல் தினமும் நீ வாழ்ந்தால், வாழ்க்கையின் பூரணத்துவத்தை உணரலாம். சிறு வயதில் நான் படித்த இந்த வாக்கியம் என் மனதில் ஆழப்பதிந்து விட்டது: நீங்கள் இறப்பது முன்னாலேயே தெரிந்து விடும்போது இழப்பதற்கு இனி ஒன்றுமே இல்லை என்பது புரிந்து விடுகிறது. நிர்வாணமாக இருப்பதைப் போல் உணர்கிறோம்...

உங்கள் வாழ்க்கை மிகச்சிறியது. உங்களுக்காவே அதை வாழுங்கள். துருப்பிடித்த சித்தாந்தங்களுக்காக வாழ்க்கையை வீணாக்காதீர்க். அடுத்தவர்களின் கருத்துச் சத்தங்கள் உங்கள் உள்ளுணர்வின் சத்தை நீர்த்துப் போகச் செய்ய அனுமதிக்காதீர்கள். முட்டாள்தினத்திலிருந்துதான் புத்திசாலித்தனம் பிறக்கிறது. அதனால் எப்போதும் பசியோடு இருங்கள். எப்போதும் முட்டாளாக இருங்கள். உங்கள் இதயமும் உள்ளுணர்வும்உங்களை வழி நடத்தட்டும்.

விவாதங்களை தவிருங்கள்

வீண் விவாதங்களில் நேரத்தை நம்மில் பலர் வீணடிக்கிறோம் என்பதை மறுக்க முடியாது. விவாதத்தால் நமக்கு கிடைப்பது தான் என்ன? ஒரு லாபமும் இருக்காது என்பதை சூடம் அடித்து சத்தியம் செய்யலாம். ஆனால் விவாதங்களினால் நிச்சயம் நிறைய தீமைகள் நமக்கு நடக்கும் என்று மட்டும் உறுதியாக சொல்லலாம். இருந்தாலும் நாம் விவாதங்களில் ஈடுபட்டுக்கொண்டு தான் இருக்கிறோம் என்பது தான் கசப்பான உண்மை ஆகும்.

நாம் ஏன் விவாதங்களில் ஈடுபடுகிறோம்? நமது "ஈகோ" தான் நம்மை விவாதங்களில் ஈடுபடவைக்கிறது. நாம் நமது கருத்து தான் சரியானது என்று வலியுறுத்த விவாதங்களில் ஈடுபடுகிறோம். விவாதத்தின் போதே நாம் கூறியது தவறு என்பதை அறிய நேர்ந்தாலும் நாம் நம் தவற்றை ஒருபோதும் ஒப்புக்கொள்வதில்லை.

இறுதியில் நமது விவாதங்களினால் நமக்கு கிடைப்பது தான் என்ன? நாம் விவாதத்தில் வெற்றி பெற்றாலும் நாம், நம் நல்ல நண்பர்களையோ, நெருங்கிய உறவினர்களையோ இழப்போம் என்பது தான் நிஜம். உங்கள் வேலை கூட பறி போகலாம். உங்கள் காதல் துணை உங்களைப் பிரியவும் கூட நேரலாம்.

சுருங்க சொல்ல வேண்டுமானால் விவாதங்களினால் எந்த பயனும் கிட்டாது. ஆனால் இழப்புகள் அதிகம் இருக்கும்.

விவாதம் பண்ணுபவன் முட்டாள் என்பதில் இன்னும் சந்தேகம் இருக்கிறதா என்ன?

வீண் விவாதங்களை தவிருங்கள். ஆரோக்கியமான விவாதங்கள் நன்மை பயக்கும் என்பது உண்மை தான். ஆனால் ஆரோக்கியமான விவாதங்களை இன்று பார்ப்பது மிகவும் அரிது என்பது தான் உண்மை.

விவாதங்களை தவிருங்கள். உறவுகளை காப்பாற்றிக் கொள்ளுங்கள். அது தான் புத்திசாலித்தனம் என்று கூறி முடிக்கிறேன். வாழ்க வளமுடன்!

வெற்றி வேண்டுமா உங்களுக்கு..??

வெற்றி பெற வேண்டும் என்று லட்சியம் கொண்ட பலரும் "தனக்கு வழிகாட்ட யாரும் இல்லை" என்று வேதனைப் படுவார்கள். அப்படி தனக்கு வழிகாட்ட யாரும் இல்லை என்று அவர்கள் நினைப்பதுதான் முதல் தவறு.

காந்தியடிகளும், திருவள்ளுவரும், விவேகானந்தரும், புத்தரும் என பலரும் தங்களது ஆலோசனைகளை நமக்கு அள்ளித் தந்துள்ளனர். அவரவர்க்கு ஏற்ற வழிகளையும், தலைவர்களையும் நாம்தான் தேர்ந்தெடுத்துக் கொள்ள வேண்டும்.

வெற்றி வேண்டுமா உங்களுக்கு..??
அப்படியானால் இப்படி செய்யுங்கள் என்று "சுவாமி விவேகானந்தர்" இங்கு நமக்கு கூறியுள்ள ஆலோசனைகளைப் பார்ப்போம்..!!

அளவுக்கு அதிகமாக உண்ணாதீர்கள். அதற்காக பட்டினியும் கிடக்க வேண்டாம்.

அதிக நேரம் தூங்காதீர்கள். அதற்காக மிகக் குறைவாகவும் தூங்க வேண்டாம்.

பொறாமை குணம் இருந்தால் விரட்டி விடுங்கள்.
சந்தேகமும், சஞ்சலபமும்தான் உங்கள் முதல் எதிரிகள். அவற்றை துரத்தியடியுங்கள்.

சோம்பல் உங்களிடம் இருந்தால் முதலில் அதை ஒழித்துக் கட்டுங்கள்.

எந்த சூழ்நிலையிலும் பேராசை கொள்ளாதீர்கள்.

உடல் தூய்மை முக்கியமானது. அதனால் தினமும் குளியுங்கள்.
எப்போதும் நல்லதை மட்டுமே மனதால் நினையுங்கள். அப்போது நல்லவை மாத்திரமே நடக்கும். நினைக்கும் பொருளாகவே ஆகும் தன்மை நம்மிடமே இருக்கிறது.
எப்போதும் மகிழ்ச்சியாக இருங்கள். தைரியமாகவும் இருக்க பழகிடுங்கள்.

பொறுமையும், விடா முயற்சியும் நமது நல்ல நண்பர்கள். எப்போதும் இவற்றுடனேயே இணைந்திருக்கப் பழகுங்கள்.
இதையெல்லாம் செய்தால் உங்கள் வெற்றி உறுதி என்கிறார் சுவாமி விவேகானந்தர்.இந்த நாள் வெற்றி யடைய என் வாழ்த்து க்கள்!

அனைத்து கஷ்டங்களும் ஒரு சுகமான அனுபவமே!!!

எல்லாக் கஷ்டத்தையும் , மனுஷங்க மேல இறக்கி வைக்க முடியாது. அது நம்ம குடும்பமா இருந்தாலும் சரி , இல்லை நெருங்கிய நண்பர்களா இருந்தாலும் சரி. ஆனா, ஒருத்தர் மேல நீங்க தைரியமா இறக்கி வைக்கலாம் . அந்த நம்பிக்கைக்கு உரியவன் ஆண்டவனே. பாரம் இறங்கினால் சுமை குறையும். சுமை குறைந்தால் மனம் லேசாகும். மனம் லேசானால் வாழ்வின் ருசி வளரும். எல்லா உயிர்களிலும் இறைவனைக் காண்போம். அவற்றின் மீது அன்பு செய்வதே உண்மையான பக்தி வழிபாடு.
உலகம் முழுவதும் கடவுள் இல்லை என்று சொன்னாலும், எனக்குக் கடவுள் என்றும் உண்டு’ என்றார் மகாத்மா காந்தி. 
  
திருமுருக கிருபானந்த வாரியார் , இறைவன் தனக்கு உதவியதை நிரூபித்து உலகுக்கே எடுத்து சொன்னவர். 

வாரியார் சுவாமிகளின் சிறு வயதில் ஒரு காலில் கண்ணாடி குத்தி பெருத்த சேதத்தை உண்டு பண்ணி விட்டது. புண் பழுத்துப் போய் காலையே எடுக்க வேண்டிய சூழ்நிலைக்கு ஆனார். மருத்துவர், காலை எடுத்து விட ரூ 500 கேட்டார். 

வாரியார் சுவாமிகள், " ஒரு காலை எடுப்பதற்கு இந்த மருத்துவருக்கே இவ்வளவு கொடுக்க வேண்டும் என்றால் , இரண்டு கால்களை தந்த முருகனுக்கு நான் எவ்வளவு கொடுக்க வேண்டும் " என்று யோசிக்கலானார். காலை , மாலை என்று இருவேளைகளில் 41 நாட்கள் சிந்தாரிப்பேட்டை முருகன் கோயில் பிரகாரத்தைச் சுற்றி வந்தார்.
புண் இருந்த அடையாளமே காலில் இல்லாமல் போனது. 

இது உண்மையில் நடந்த சம்பவம். ஒரு அளவுக்குத் தான் நமக்கு வர்ற கஷ்டங்களை சமாளிக்க முடியும் கையை மீறி விஷயங்கள் நடக்கும்போது , ஆண்டவான்னு அவரை சரணடைபவர்களை , அவர் கை விடுவதில்லை . நம் ஒவ்வொருவருக்குமே இதைப் போன்ற அனுபவங்கள் அடிக்கடி நிகழும் . ஆனால் பிரச்னை முடிந்தவுடனே , நாம் அவனது கருணையை நினைத்துக்கூட பார்ப்பதில்லை - திரும்ப ஒரு பூதாகரமான பிரச்னை வரும்வரை...!

ஞானம்

ஞானம்;-

ஞானம் என்பது அடையக் கூடிய ஒன்றல்ல.ஒவ்வொன்றாய் இழந்தபின் மிஞ்சுவது தான் ஞானம்.தியானம் என்பது எண்ணங்களை வெல்லுவது அல்ல.அவற்றைக் கடந்து சென்று விடுவதுதான் தியானம்.மனிதனுக்காகத்தான் மதமே அன்றி,மதத்துக்காக மனிதன் அல்ல.மனிதத்தன்மை மறந்த மதம் யானையின் மதமே.விரும்புவது கிடைக்காவிட்டால் கிடைத்ததை விரும்பு.தேவை கடல் அளவு,ஆனால் கிடைப்பது கை அளவுதானா?கையையேகடலாகநினைத்துக்கொள்.அறிவுக்கோ,விவாதங்களுக்கோ எட்டாததுதான் ஞானம்.தெரியாததைத் தெரியாது என்று ஒப்புக்கொள்.தெரிந்ததாக வேடம் பூணாதே.ஞானம் என்பது விவாதித்தல் அல்ல.விவாதம் கடைசியில் இலக்கைவிட்டு விலகிச் சென்றுவிடும்.ஞானம் என்பது எதையும் மறுத்தல் அல்ல.அதை அதை அப்படியே ஏற்றுக் கொள்வதுதான்.சகிப்புத்தன்மை தான் ஞானத்தின் திறவுகோல்.சகிப்புத்தன்மை இல்லாத ஞானம் வெறும் அறிவின் அகந்தை.

தரை துடைக்கும் வேலை

ஒரு கம்ப்யூட்டர் நிறுவனத்தில் தரை துடைக்கும் வேலைக்கு ஒருவன் விண்ணப்பித்திருந்தான்.

தரை துடைத்துக் காட்டச் சொன்னார்கள். நன்றாகத் துடைத்தான். அடுத்து சின்னதாய் ஒரு இண்டர்வியூ. கடைசியில் அவனிடம் தகவல் சொல்வதற்காக ஈமெயில் முகவரி கேட்டார்கள்.

‘ஈ மெயிலா? எனகக்கு ஈ மெயில் இண்டர்நெட்டெல்லாம் தெரியாதே’ என்றான் துடைக்க வந்தவன். ‘கம்ப்யூட்டர் நிறுவனத்தில் வேலை பார்க்க விரும்புகிறவனுக்கு ஈமெயில் முகவரி இல்லயா? ச்சே!’ என்று அவனை அனுப்பி விட்டார்கள்.

வேலை இல்லை என்றதும் அவனுக்கு என்ன செய்வதென்று தெரியவில்ல. கையில் 10 டாலர்கள் இருந்தன. அதைக் கொண்டு மார்க்கெட்டில் வெங்காயம் வாங்கினான். பக்கத்து குடியிருப்புப் பகுதியில் கூவிக் கூவி விற்றான் 10 டாலர் லாபம் கிடத்தது. மீண்டும் வெங்காயம் மீண்டும் விற்பன. இப்படியே கொஞ்சம் கொஞ்சமாய் விற்று சில வருடங்களில் பெரிய வெங்காய வியாபாரி ஆகிவிட்டார்.

இந்தச் சூழ்நிலயில் ஒரு வங்கிக் கணக்கு திறப்ப சம்பந்தமாக, ஒரு வங்கி ஊழியர் அவரிடம் பேச வந்திருந்தார். அவனுடய ஈமெயில் முகவரி கேட்டார்.

வியாபாரி, ‘ஈமெயில் முகவரி இல்லை’ என்று பதிலளிக்க, ‘ஈமெயில் இல்லாமலே இந்தக் காலத்தில் இவ்வளவு முன்னேறி விட்டீர்களா..? உங்களுக்கு மட்டும் ஈமெயில், இண்டர்நெட்டெல்லாம் தெரிந்திருந்தால்…?’ என்று ஆச்சர்யமாய்க் கேட்டார் வங்கி ஊழியர்.

‘அதெல்லாம் தெரிந்திருந்தால் ஒரு கம்ப்யூட்டர் நிறுவனத்தில் தரை துடைததுக் கொண்டிருப்பேன்’ என்றார் வியாபாரி…!

வாய்ப்புக்கள் விலகும்போது கவலைபடாதே..எல்லாம் நன்மைக்கே என்று எண்ணி தொடர்ந்து முயற்சி செய்தால் மிகபெரும் வெற்றி உனக்காக காத்திருக்கும்…!

விடியும்பொழுது நல்ல பொழுதாக விடியட்டும்

ஒருவர் எப்போதுமே மனது கஷ்டத்துடன் வாழ்ந்து வந்தார். ஒரு நேரத்தில் அவரால், மனக்கஷ்டத்தை தாங்க முடியவில்லை.

அதனால் அவர் ஒரு ஜென் துறவியை நாடி, அதற்கான காரணத்தை அறிய வேண்டும் என்று முடிவெடுத்து, துறவியைப் பார்க்க புறப்பட்டார்.

துறவி ஒரு மரத்தின் அடியில் தியானம் செய்து கொண்டிருந்தார். அவரிடம் அருகில் சென்று “குருவே! எனக்கு எப்போதுமே மனம் கஷ்டமாக உள்ளது. அதை எப்படி போக்குவது?” என்று கேட்டார்.

அதற்கு குரு அவரிடம், “ஒவ்வொரு நாளும் காலையில் எழும் போது நீ என்ன நினைப்பாய்?” என்று கேட்டார்.

அதற்கு வந்தவர், “இன்றும் மனம் கஷ்டமாக இருக்குமோ! என்று நினைத்து எழுவேன்” என்றார்.

அப்போது குரு “இது தான் தவறு. நீ உன் மனம் கஷ்டமாக இருப்பதற்கு நீ தான் காரணம்.

காலையில் எழும் போது நான் சந்தோஷமாக இருக்கிறேன் என்று மனதில் நீயாகவே நினைத்தால், கண்டிப்பாக நீ சந்தோஷத்தை உணர்வாய்.

கஷ்டம் என்று நினைத்தால் கஷ்டத்தை தான் உணர்வாய்” என்று கூறினார்.

ஆகவே எதுவுமே, அவரவர் மனநிலையைப் பொறுத்தே உள்ளது என்பதை இந்த கதை நன்கு தெளிவாக கூறுகிறது.

விடியும்பொழுது நல்ல பொழுதாக விடியட்டும் …….www.v4all.org