நீலகிரி ஆலயங்களும் அற்புதங்களும்

2] நீலகிரி  ஆலயங்களும் அற்புதங்களும் 

நீலகிரியில் வாரணாசி

சென்னையில் 100 இற்கும் மேற்பட்ட ஞானியர் கோவில்கள் இருக்கிறது. அவற்றில் 25 ஞானியர் கோவில்களை மட்டுமே அடியேன் இதுவரை பதிவு செய்திருக்கிறேன். 26 வது ஞானியர் கோவில்கள் வரும் அக்டோபர்  1 இல் பதிவு செய்வேன் அதை தொடர்ந்து பல சென்னை ஞானியர் கோவில்கள் பதிவுகள் வரும். மேலும் உயிர்நிலை கோவில்களுக்கு என்று  தனியாக  ஒரு Blog  ஆரம்பித்து அதில் இதுவரை அடியேன் செய்த 25 ஞானியர் கோவில்களின் பதிவுகளும்  மேலும் பல ஞானியர் கோவில்கள் பதிவுகளும் அதில் பதிவு  செய்யப்படும் என்பதை தெரிவித்து கொள்கிறேன். 

இன்று ஊட்டியில் மிக முக்கியமான. மகத்துவம் வாய்ந்த ஒரு மகானை, தனித்துவம் வாய்ந்த ஒரு தபோதனரை, சிறப்பு பெற்ற ஒரு சித்தரை பற்றி நாம் பார்க்க போகிறோம். 

கேரளாவில் மம்மியூர் போன்ற சில கிராமங்களில் மந்திர, தந்திர, மாந்திரீகத்தில் வல்லவர்களான பலர் இருந்தார்கள். இப்பொழுது இருக்கிறார்களா என்பது சந்தேகமே. அது போல் 1957  இல்   ஊட்டி காந்தளில்   ஒரு  மந்திர வாதி ஒருவர் இருந்தார். அவர் ஒரு மலையாளி. ஒருநாள் நள்ளிரவு 12 மணிக்கு  காந்தளில் உள்ள சுடு காட்டு பக்கம்  வந்தார். அங்கே அந்த மந்திர வாதி கண்ட காட்சி  மிக அசாதாரணமானது.

அந்த சுடு காட்டிற்கு எதிரே ஒரு ஜீவ சமாதி. அந்த ஜீவ சமாதியின் மீது இருக்கும் சிவலிங்கத்திற்கு பார்வதி  தேவி தீபாராதனை காட்டி வழிபட்டாள். அதை பார்த்ததும் அந்த மந்திரவாதி மூர்ச்சையாகி கீழே விழுந்தார். விடிந்ததும் தான் அந்த மாந்த்ரீகருக்கு சுய நினைவு வந்தது. மந்திர வாதி கண் விழித்த பின். 

தான் இறந்ததும் என் உடலை இந்த மகானின் கோவிலுக்கு எதிரே புதைக்க வேண்டும். அடியேன் இறந்த பின்பும் இந்த மகானின்  அருட் பார்வை என் மீது பட்டு கொண்டே இருக்க வேண்டும் என்று அந்த  மந்திர வாதி தனது சீடர்களிடம்  சொன்னார். அதன் படி அந்த மந்திர வாதியின் உடல்  அந்த மகானின் ஜீவ சமாதிக்கு எதிரே புதைக்கப்பட்டது.  

ஷீரடி பாபா, காவாங்கரை கண்ணப்பர் போல் துக்டா பாபாவும் எங்கு? பிறந்தார். எங்கிருந்து வந்தார் என்று  தெரியவில்லை. இவரின் தோற்றத்தை வைத்து இவர் வடநாட்டில் இருந்து வந்ததாக     இவரை  பார்த்தவர்கள் நினைத்தாலும்.  இவர் தமிழை தங்கு, தடையின்றி பிழையின்றி  பேசியதாக  அக்காலத்தில் இவரை பார்த்தவர்கள் பதிவு செய்தார்கள். 

துக்டா பாபா  தொடர்ந்து பல நாட்கள் உண்ணாது இருப்பார். 

ஒன்றுமில்லை அடியேன்  காவாங்கரை கண்ணப்ப சித்தர் பீடத்தில்  மௌன விருதத்தோடு குண்டலினி தியானம் செய்த பொழுது அந்த தியானத்தின் பலனாக அன்று  எனக்கு அறுசுவை உணவு சாப்பிட்டால் கிடைக்கும் மகிழ்ச்சியை விட  அதிக மகிழ்ச்சியை உணர்ந்தேன்.  மேலும் குண்டலினி  தியானத்தால்  அன்று அடியேன் பசியை உணரவில்லை. 

ஒரு நாள் சில மணி நேரங்கள் செய்த குண்டலினி தியானத்தின் பலனே இப்படி என்றால். அஷ்டமா சித்திகளும் கைவரப்பெற்ற  யோகிகளின் குண்டலினி  தவம்  எத்தகைய? ஆற்றல் மிக்கதாக இருக்கும். 

சித்தர்கள் பசி, தூக்கம் அனைத்தையும் கடந்தவர்கள். 

பல நாட்கள் உண்ணாது இருக்கும் துக்டா பாபா என்றாவது ஏதேனும் ஒரு அடியார்  வீட்டுக்கு சென்று  துக்டா தேவ் என்று சொல்லியவாறே பிட்சை பாத்திரத்தை நீட்டுவார். யாரிடம் துக்டா பாபா  பிட்சை கேட்கிறாரோ  அந்த நபர்  துக்டா பாபாக்கு பிட்சை  இட்டால் அந்த நொடியிலிருந்து அந்த நபருக்கு  யோகம். அவர் காட்டில் மழை. ஆனால் அவ்வளவு லேசில் துக்டா பாபா  யாரிடமும் பிட்சை கேட்க மாட்டார். 

பொதுவாக சித்தர்கள் அனைவருமே நவகண்ட யோகம் செய்வார்கள்.  உடம்பில் உள்ள  9 வாயில்களை தனி, தனியாக கழட்டி மீண்டும் மாட்டுவதன்  பெயர் தான் நவகண்ட யோகம்.  அது வெறும் ஒரு வித்தை, விந்தை அல்ல. அணைத்து சித்தர்களும். அதுவும் தினமும் லக்ஷம் பேர் வந்து பார்க்கும் அளவு பிரபலம் அடைந்தும் இறுதிவரை பிட்சை எடுத்து  கிழிந்த உடையோடு வேப்ப மரத்தின்  அடியில் மிக எளிமையாக  வாழ்ந்தாரே ஷீரடி சாய் பாபா. அவர் முதற்கொண்டு பல  ஞானிகளும், சித்தர்களும் நவகண்ட யோகம் செய்தார்கள் என்றால். அவ்வாறு மகான்கள்   நவகண்ட யோகம் செய்வதில்  ஏதோ  ஒரு பெரிய உட்பொருள் நிச்சயம் இருக்கும். அதை புரிந்து கொண்டு விளக்கும் அளவு  எனக்கு அறிவு  இல்லை. 

ஒருநாள் அவர் நவகண்ட யோகத்தில் ஈடுபட்டு கொண்டிருக்கும் பொழுது. அவரின் உடல் 9 துண்டுகளாக  இருப்பதை பார்த்த சிலர் இவரை யாரோ கொன்று விட்டதாக நினைத்து. அன்றைய வெள்ளைக்கார போலீசிடம் புகார்  செய்தார்கள். காவல் துறையினர் அந்த இடத்துக்கு  வந்தவுடன்  பார்த்தால்  துட்கா பாபா ,முழு உடலோடு அமர்ந்து இருந்தார். 

புகார் கொடுத்தவர்க்ளின் மீது காவல்துறை  கோபத்தில் பாய. அப்பொழுது துட்கா பாபா.  புகார் கொடுத்த மக்கள், காவல்துறை இருவருக்கும் நவகண்ட யோகம் என்றால் என்ன? என்பதை பற்றி ஒரு சிறிய டெமோ காட்ட அதை பார்த்து அனைவரும் ஆடி, அசந்து, வெல, வெலத்து போனார்கள்.  மேலும். நான் இனி நவகண்ட யோக தியானத்தில் இருக்கும் பொழுது  யாரும் என்னை தொந்தரவு செய்ய கூடாது என்று  அவர் அந்த பகுதி மக்களை பார்த்து  சொல்ல. அதன் பிறகு  அப்பகுதி மக்கள் அவருக்கு முழு ஒத்துழைப்பு கொடுத்தார்கள். 

உடற்பிணி, மணப்பிணி, பிறவி பிணி என பல பிணிகளை இந்த பனி பிரதேசத்தில் போக்கிய இன்றும் போக்கி கொண்டிருக்கும் ஞானி தான் இந்த  துக்டா பாபா 

ஐப்பசி மாதம், சஷ்டி திதி, சோம வாரம், புனர்பூச நட்சத்திரம் அன்று ஆங்கில தேதிப்படி 

30/10/1893 அன்று துக்டா பாபா ஜீவ சமாதி அடைந்தார். 

இவர் ஜீவ சமாதி அடைவதற்கு முன் அதே ஊட்டி காந்தளில்  தக்ஷிணாமூர்த்தி மடம் அமைத்த ஓம் பிரகாச சுவாமிகள், அவரின் சீடரான  சிதம்பரம் ஏகாம்பர தேசிகர், ரத்தினமணி அம்மையார் மூவருக்கும்  அதை தெரியப்படுத்தினார். துக்டா பாபா ஜீவ சமாதி அடைந்த  பின் அவரின் உயிர்நிலை கோவிலுக்கு முதல் கும்பாபிஷேகத்தை செய்தவர் சிதம்பரம் ஓம் பிரகாஷ சுவாமிகள் தான். 

ஓம் பிரகாஷ சுவாமிகள், ரத்தினமணி அம்மையார் இருவருமே ஜீவ சமாதி அடைந்தார்கள். சிதம்பரம் ஏகாம்பர தேசிகர் அவருக்கு பின் வந்த 3 மகான்கள் என  மொத்தம் 6 மகான்கள் ஊட்டி காந்தளில் உள்ள தக்ஷிணா மூர்த்தி மடத்தில் அருள் பாலிக்கிறார்கள். 

கோவை  ஸ்ரீ வித்யா பீடத்தை சேர்ந்த ஒரு குழு பல உயிர்நிலை கோவில்களை தரிசித்து விட்டு இறுதியாக  கோவை வந்தார்கள். வந்த பொழுது அந்த குழுவினருக்கு  துக்டா பாபா ஜோதி சொரூபமாக காட்சி அளித்தார். அதன் பின்னர் 24/11/2003  SJ ராமன் துணை கொண்டு துக்டா பாபா கோவில் கும்பாபிஷேகம் செய்யப்பட்டது. 

பல ஆயிரம் மக்களின் துன்பங்களை இவர் தொடர்ந்து துடைத்து கொண்டு இருக்கிறார். 

கிறிஸ்துவர்களின் கல்லறைக்கு எதிரே இவரின் ஜீவ சமாதி கோவில் உள்ளது. 

பரலோகத்தில் வாழும் பரம பிதாவே. நீ உன் பக்தர்களுக்கு மோட்ஷம்  கொடுக்கவில்லை என்றாலும். எனது அருட்பார்வை இவர்களுக்கு படுவதால். இவர்கள் அனைவரும்  மோட்ஷ சாம்ராஜ்யத்தை அடைவார்கள்  என்பதை இவர் சொல்லாமல் சொல்கிறார் போலும். 

காசியில் இருந்து சில  யோகிகள் காந்தளில் அருள் பாலிக்கும் துக்டா பாபாவை தரிசிக்க வந்து இங்கே தங்கவும் தங்குகிறார்கள். 

காசியில் இருந்து சிலர். அதுவும் அந்த சிலர்  சாதாரண நபர்கள் அல்ல. யோகிகள், மகான்கள் துக்டா பாபா கோவிலுக்கு வந்து தரிசனம் செய்து இங்கே சில நாட்கள் தங்கவும் தங்குகிறார்கள் என்றால். அது சாதாரண விஷயமா? 

காசி போன்றே ஊட்டி காந்தளும் ஒரு மயான பூமி. 

இந்த காந்தளை நீலகிரியில் வாரணாசி என்று சொல்லலாம். 

இவரால் பலன் அடைந்த  பல அடியார்கள்.  இவரின் ஆலயத்திற்கு திருப்பணி செய்திருக்கிறார்கள், செய்து கொண்டிருக்கிறார்கள். 

மேலும் சில அடியார்கள்  இவரின் பெயரால் ஏழை மக்களுக்கு பல நற்பணிகள்  செய்து கொண்டிருக்கிறார்கள். 

1] தொழில் ரீதியான தடை நீங்கி செழிப்படைய 

துட்கா பாபாவிற்கு திங்கட்கிழமை தோறும் பாலாபிஷேகம் செய்து. குறைந்த பக்ஷம் 3 ஏழைகளுக்கு உணவு இட்டால் தொழிலில் உள்ள தடைகள் நீங்கும். 

2] கோர்ட், வழக்கு மற்றும் பில்லி, சூனியம் போன்ற தீவினைகள் நீங்க

செவ்வாய் தோறும் பாலாபிஷேகம் செய்து 5 ஏழைகளுக்கு உணவு இட வேண்டும்.

3] செல்வம் பெருக 

வியாழன் தோறும் சந்தனத்தால் அபிஷேகம் செய்து, நெய் விளக்கேற்றி 7 ஏழைகளுக்கு உணவு இட வேண்டும். 

4] கிரக தோஷம் மற்றும் நோய் நீங்க 

சனிக்கிழமை விரதம் இருந்து, இளநீர் கொண்டு அபஷேகம் செய்து,  வில்வ இலைகளால் பூஜிக்க  கிரக  தோஷங்களும், நோய்களும் நீங்கும். 

அம்மாவாசை மற்றும் பௌர்ணமி நாட்களில் அபிஷேகம் செய்து பூஜித்தால் எல்லா நலன்களும் ஒருங்கே கிடைக்க பெரும். 

என்று இக்கோவிலில் சொன்னார்கள். 

இந்த கோவிலின் உள் சில நிமிடங்கள் அமர்ந்தாலே எங்கும், எதிலும் வெற்றி என்பது அடியேன்  அனுபவ பூர்வமாக உணர்ந்து  கொண்டிருக்கும் ஒன்று. 

வரும் அக்டோபர் 22. இவரின் குரு பூஜை நடக்கிறது. 

அனைவரும் வருக. இவரின் அருள் பெறுக. 

ஊட்டி போட் ஹவுசில் இருந்து 2 கிலோ மீட்டர் தூரத்தில் காந்தள் இருக்கிறது. 

நல்ல சுத்தமான. கெய்சர், வெஸ்டர்ன் டாய்லட் வசதியோடு  500 ரூபாய்க்கு கூட ஊட்டியில் நல்ல ரூம்கள் இருக்கிறது.  

பின் குறிப்பு- இந்த கோவிலில் பூஜை செய்யும் அர்ச்சகர்  MSC+ PHD. இந்த கோவில் அர்ச்சகர் மிகப்பெரிய பதவியில் இருந்தவர். அதை உதறி தள்ளி விட்டு துக்டா பாபா ஆலயத்தில் பூஜை செய்து கொண்டிருக்கிறார். 

காவாங்கரை கண்ணப்ப சித்தரின் குரு பூஜை வரும் அக்டோபர் 1 நடக்கிறது. 

- from - FB - Krishnaprasad